Бжьаниа Очамчыра араионтә штаб алахәылацәа алархәны аилацәажәара мҩаԥигеит

20
(ирҿыцуп 14:33 30.01.2021)
Иацы араионқәа зегьы рхадацәа Аԥсны ахада иҿаԥхьа афымцамч изакәанымкәа ахархәара ахылаԥшразы иаԥҵаз аоперштабқәа русура алҵшәақәа еихыршьалеит.

АҞӘА, ажьырныҳәа 30 - Sputnik, Асмаҭ Ҵәыџьԥҳа. Аԥсны ахада Аслан Бжьаниа Аԥсны мрагыларатәи ахәҭахьы усутә ныҟәарала дцеит афымцамч изакәанымкәа ахархәара аԥырҟәҟәаареи акриптовалиута аиуразы аппаратқәа раҿыхреи рзы аусурақәа шцо агәаҭаразы.

Бжьаниа даҭааит Очамчыра араион, уа араион ахада Станислав Амҷбеи, амилициа араионтә аҟәша аиҳаби, "Амшынеиқәафымцамч" афилиал ахаҭарнаки дырԥылеит.

Араион ахада иазгәеиҭеит ажьырныҳәа 29 рзы ақыҭақәа Баслахә, Акәасқьа, Гәыԥ рҿы афермақәа шаҿыхыз. Бжьаниа еизигаз ргәырҽаниҵеит Апарламент ахь инаишьҭыз амаининг изакәанымкәа ахархәара ҭышәынзыртәало азакәан апроект рыдыркылар, уи азы ауаа адырра шрыҭатәу, зфермақәа аҿыхыз ҿыц иаҿаркыр, уи азы аҭакԥхықәра ишақәыршәахо.

"Дарбанзаалак идыруазароуп изыԥшу, нас ҳара гәыбӷан аӡәгьы иҳаимҭарц азы, ҳара аӡәгьы дҳаршәаӡом", иҳәеит атәыла ахада.

Иҳаҩсыз ахәаша ажьырныҳәа 22 рзы Аԥсны ахада Аслан Бжьаниа араионқәа рҟны амаининг изакәанымкәа ахархәара аҿагыларазы аоперативтә штабқәа аԥҵазарц адҵа ҟаиҵеит. Урҭ аштабқәа реилазаара иалоуп араион ахада (аштаб анапхгаҩы), амилициа аҟәша аиҳабы, апрокурор, аенергетик.

Мчыбжьык иалагӡаны араионқәа рҟны афымцамч ахархәара лаҟәымхар, араионқәа рхадацәа, амилициа аҟәшақәа реиҳабацәа, апрокурорцәа, аенергетикцәа - зегьы лахь рыҭахоит, иааиуа ашәахьаҽны - русура иамххоит иҳәеит усҟан ахада.

Иара убас шәаԥхьар ҟалоит:

20
Атемақәа:
Аԥсны амаинингтә фермақәа раҿыхра (71)

Миқаа Гал аус зуа агәрагаратә кәалаԥқәа рзы: иарбанзаалак қьаадк иамыԥхьаӡакәа иаанымхацт

11
Гал араион ахадара апресс-маҵзура аиҳабы Ерик Миқаа арадио Sputnik аефир аҿы еиҭеиҳәеит ақалақь аҩныҵҟа иқәшыргылоу агәрагаратә кәалаԥқәа аус шыруа атәы.
Раионк аԥсҭазаараҟынтә: Миқаа Гал иҟоу агәрагаратә кәалаԥқәа рзы

"Хымз раԥхьа Кәасҭа Ԥлиеи уи ихаҭыԥуаҩ Игорь Аҩӡбеи ражәалагалала ақалақь аҿы иқәыргылан акәалаԥқәа. Аилибамкаара ҟамларцаз, ажәла мҳәакәа, ахьӡ азгәамҭакәа, акәалаԥқәа кнаҳҳаит аџьармыкьа уахьынҭало, Гал араион ахадара аҩналарҭа аԥхьа. Аинформациатә дырраҭарақәа рыла ажәлар ирылаҳҳәоит агәрагаратә кәалаԥқәа шыҟоу, дарбанзаалакгьы џьара ажәалагалак змоу, араион аҿы иҳахәаша, ма дара иргәамԥхо, ргәы еихьызшьуа акыр ыҟазар, ражәалагала азыӡырҩра, ҳшазыхиоу. Мчыбжьык ахь знык араион ахадеи сареи ҳцаны ақьаадқәа ҭганы иааҳгоит, Кәасҭа Ԥлиа даԥхьоит, анаҩс доусы инаигӡаша аусмҩаԥгатәқәа риҭоит. Иарбанзаалакгьы қьаадк аанымхацт иамыԥхьаӡакәа. Акәалаԥқәа русура иабзоураны галтәи аџьармыкьа аусқәа ҳаӡбахьеит. Амҩақәа рыҟаҵара, абаҳчақәа рҿы атәарҭақәа ахьыргылатәу уҳәа иҟаҳҵахьо маҷым. Иҳәатәуп, ари аус адгылара шаиуз ауааԥсыра рҟынтә, даара ибзиан аус ауеит аимадара", - ҳәа еиҭеиҳәеит Миқаа.

Иаҳа инеиҵыху аиҿцәажәара шәазыӡырҩыр шәылшоит аудио аҿы.

Иара убас шәаԥхьар ҟалоит:

11

Аԥсны акоронавирус даҽа 28-ҩык ирыдырбалеит иҳаҩсыз уахыки-ҽнаки рыла

12
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 12842-ҩык ыҟоуп, ргәы бзиахеит 12387-ҩык, рыԥсҭазаара иалҵит 202-ҩык.

АҞӘА, хәажәкыра 1 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 199-ҩык атестқәа рзыҟаҵан, урҭ рахьтә 28-ҩык акоронавирус рцәа ишалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 49-ҩык, урҭ рахьтә 28-ҩык акоронавирус адиагноз рзышьақәыргылоуп, рҭагылазаашьа бааԥсуп 7-ҩык, ибжьаратәуп - 21-ы.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 15-ҩык апациентцәа, Очамчыра ирхәышәтәуеит фҩык, Тҟәарчалтәи ахәышәтәырҭаҿы - хҩык, Гагратәи ахәышәтәырҭаҿы - 13-ҩык.

Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 12842-ҩык ыҟоуп, ргәы бзиахеит 12387-ҩык, рыԥсҭазаара иалҵит 202-ҩык.

Акоронавирус иазку ажәабжьқәа зегьы шәрыԥхьар ҟалоит абра>>

12
Атемақәа:
Аҿкычымазара – акоронавирус Аԥсни адунеи аҿи: иалкаау