Паспорт

Аԥсны иҟоу Урыстәыла ацҳаражәҳәарҭа атәылауаҩшәҟәқәа рыҭара хацнаркуеит

26
(ирҿыцуп 19:02 30.01.2021)
Акоронавирус алаҵәара алмыршаразы аконсултә ҟәшахьы ауаа нарышьҭлоит амедицинатә сабрадақәа рхаҵаны, знык ала ԥшьҩык иреиҳамкәа, асоциалтә дистанциа ҟаларц азы.

АҞӘА, ажьырныҳәа 30 - Sputnik. Жәабран 1 инаркны Аԥсны иҟоу Урыстәыла ацҳаражәҳәарҭа аконсултә ҟәшаҟны аҳәаанырцәтә тәылауаҩшәҟәқәа рыҭара хацдыркуеит ҳәа Ацҳаражәҳәарҭа адырра ҟанаҵоит Facebook аҿтәи адаҟьаҿы.

Иазгәаҭоуп егьырҭ аконсултә маҵзурақәа макьана акгьы шымҩаԥырымго.

Имазеиу адокументқәа 9.00 инаркны 12.45 рҟынӡа иугар ҟалоит, абри аамҭа ашьҭахь аконсултә ҟәша аркызаауеит.

Акоронавирус алаҵәара алмыршаразы аконсултә ҟәшахьы ауаа нарышьҭлоит амедицинатә сабрадақәа рхаҵаны, знык ала ԥшьҩык иреиҳамкәа, асоциалтә дистанциа ҟаларц азы.

Ацҳаражәҳәарҭаҟны иазгәарҭоит арҭ аԥкрақәа урықәымныҟәар ада ԥсыхәа шыҟам, аха урҭ аамҭала шакәу ишалагалоу. Урҭ ззырхоу ауааԥсыра ршәарҭадара ацклаԥшра ауп рҳәеит.

Ажьырныҳәа 11 2021 шықәса инаркны Аԥсны иҟоу Урыстәыла ацҳаражәҳәарҭа ауааԥсыра рыдкылара иаҟәыҵит атәылаҿы аԥкра ҿыцқәа ахьалагалаз азы. Апандемиа ҟалеижьҭеи аконсултә ҟәша изныкымкәа иадыркхьеит, аус анауазгьы, ауааԥсыра рхыԥхьаӡара рмаҷны, амедицинатә сабрадақәа рхаҵаны мацара ирыдыркылон.

26
Атемақәа:
Аҿкычымазара – акоронавирус Аԥсни адунеи аҿи: иалкаау (1086)

Аԥсны даҽа 21 акоронавирустә хҭыс ҿыц ашәҟәы иҭагалоуп

2
(ирҿыцуп 22:16 05.03.2021)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 12952-ҩык ыҟоуп, ргәы бзиахеит 12400-ҩык, рыԥсҭазаара иалҵит 203-ҩык.

АҞӘА, хәажәкыра 5– Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 234-ҩык атестқәа рзыҟаҵан, урҭ рахьтә 21-ы акоронавирус рцәа ишалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 34-ҩык, урҭ рахьтә 21-ы акоронавирус адиагноз рзышьақәыргылоуп, рҭагылазаашьа бааԥсуп фҩык, ибжьаратәуп -16-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 14-ҩык апациентцәа, Очамчыра ирхәышәтәуеит фҩык, Тҟәарчалтәи ахәышәтәырҭаҿы - хҩык, Гагратәи ахәышәтәырҭаҿы - жәаҩык.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит аҿкычымазара рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа зегьы шәрыԥхьар ҟалоит абра>>

2
Атемақәа:
Аҿкычымазара – акоронавирус Аԥсни адунеи аҿи: иалкаау (1086)

Какалиа "Ақыҭанхамҩа аҿиареи, аинновациеи рзы ацентр" иазкны

4
(ирҿыцуп 22:05 05.03.2021)
Ақыҭанхамҩа ԥасатәи аминистр Амиран Какалиа арадио Sputnik аефир аҟны еиҭеиҳәеит анаплак ҿыц "Ақыҭанхамҩа аҿиареи, аинновациеи рзы ацентр" ахықәкы, инанагӡараны иҟоу аусқәа ртәы.
Ҳазлацәажәаша ҳамоуп: Какалиа "Ақыҭанхамҩа аҿиареи, аинновациеи рзы ацентр" иазкны

Аҟәа имҩаԥысит "Ақыҭанхамҩа аҿиареи, аинновациеи рзы ацентр" захьӡу анаплак ҿыц аалыҵ аӡыргара иазкыз аусмҩаԥгатә. Аӡыргарахь инаган еиуеиԥшым ахәаҷа-маҷақәа рнырҵәаразы рхы иадырхәо ҩынҩажәа рҿынӡа ахәшәқәа. Аиҿкааҩцәа излазгәарҭо ала, ари коммерциатә проектуп. Уи напхгара аиҭоит ақыҭанхамҩа ԥасатәи аминистр Амиран Какалиа.

Шәазыӡырҩы аудио.

4