Аслан Бжьаниа аӡхыҽҽатә станциа "ГЕС-1" даҭааит

27
(ирҿыцуп 15:43 30.01.2021)
Асабша ажьырныҳәа 30 рзы Аԥсны ахада Аслан Бжьаниа усутә ныҟәарала Аԥсны мрагыларатәи ахәҭахьы дцеит афымцамчтә обиектқәа русура агәаҭаразы.

АҞӘА, ажьырныҳәа 30 - Sputnik. Аслан Бжьаниа даҭааит Тҟәарчал араион аҿы иҟоу аӡхыҽҽатә станциа "ГЕС-1" Аԥсны мрагыларатәи ахәҭахьы усутә ныҟәарала дахьцаз.

  • Аслан Бжьаниа Тҟәарчал араион аҿы иҟоу аӡхыҽҽатә станциа "ГЕС-1" даҭааит
    © Sputnik / Асмат Цвижба
  • Аслан Бжьаниа Тҟәарчал араион аҿы иҟоу аӡхыҽҽатә станциа "ГЕС-1" даҭааит
    © Sputnik / Асмат Цвижба
1 / 2
© Sputnik / Асмат Цвижба
Аслан Бжьаниа Тҟәарчал араион аҿы иҟоу аӡхыҽҽатә станциа "ГЕС-1" даҭааит

Уахыки-ҽнаки рыла астанциа 40 мегаватт афымцамч аанашьҭуеит. "ГЕС-1" абассеин аӡиасқәеи ЕгрыГЕС аҟынтәи арахь ҷыдала иаашьҭу аканал ала иаауа аӡи рыла ихаҭәаауеит.

Уаанӡа ари астанциа иаанашьҭуаз афымцамч Аԥсныҟа еиԥш, Қырҭтәылаҟагьы ицон. Иахьатәи аамҭазы "ГЕС-1" Аԥсны мацароуп фымцалашара еиқәнаршәо, Қырҭтәылаҟа афымцалашара злацоз аканалқәа аҿыхуп.

Атәыла ахада иара убас даҭааит аӡхыҽҽатә станциа амашьынатә залгьы, ароуп афымцамч аиуразы агенераторқәа аус ахьыруа. Аслан Бжьаниа урҭ русушьа асхема атәы дазҵааит.

"ГЕС-1" абассеин - Галтәи аӡеизакырҭа ауп, иара ахьдуу азы аҭыԥантәи ауааԥсыра амшын ҳәа ахьӡырҵеит. Асовет аамҭақәа раан ара аӡырҳәыԥныҟәцаҩцәа (баидарочники - аред.) аолимпиатә хәмаррақәа рзы рҽазыҟарҵон, иара убас 250, 500, 1000 метра иҟоу аиндаҭларақәа рзы СССР ачемпионатқәа мҩаԥысуан. Ара аҽазыҟаҵарақәа зегьы иреиӷьын, избанзар ашьхантәи иӡыҭны иаауаз арҩашқәа ари аӡеизакырҭаҿы зладырҭәуаз ала, уи аӡы еиҳа ихьанҭан аицлабрақәа раан рхы иадырхәоз аасҭа.

Иара убас шәаԥхьар ҟалоит:

27
Атемақәа:
Аԥсны аенергетика апроблемақәа (228)

Ашьапылампыл азы Аԥсны аҿар еизгоу ркоманда Ростов акоманда иаҵахеит

9
(ирҿыцуп 19:28 28.02.2021)
Аԥсназы ростовтәи акомандеи иареи реицыхәмарра аԥшьбатәи аиҩызаратә хәмарра акәхеит аҵара-ҽазыҟаҵаратә ҽеизгарақәа рҳәаақәа иҭагӡаны.

АҞӘА, жәабран 28 – Sputnik. Ашьапылампыл азы Аԥсны аҿар еизгоу ркоманда Ростовтәи Аолимпиатә резерв аучилишье акоманда иаҵахеит амҽыша жәабран 28 рзы. Абри азы адырра ҟанаҵоит Аԥсны Аспорт азы аҳәынҭеилакы.

Ҭамаз Бжьаниа иааӡамҭацәа Аԥсни Урыстәылеи зҽаԥсазтәыз разыҟаҵаҩ Александр Тумасиан иазыҟаиҵо акоманда иацыхәмаруан Шәача Аолимпиатә парк аҟны, иагьхыркәшахеит 2:1 ҳәа ростоваа риааирала.

Ахәмарра даҭааит Аԥсны Аҿари аспорти рзы аҳәынҭқарратә еилакы ахантәаҩы Џьамал Гәбаз, иара Александр Тумасиан идиныҳәалеит "Ахьӡ-аԥша" аорден III аорден ахьианаршьаз, уи азы Аԥсны ахада аусԥҟа инапы аҵаиҩхьан жәабран 9 рзы.

"Сара сазыҟаҵаҩ Александр Тумасиан аорден ахьианаршьаз идсныҳәалоит. Ари ауаҩ еснагь аԥснытәи аспортсменцәа илаԥш рхуп, ҳтәылаҿы аспорт арҿиара, аларҵәара дацхраауеит. Сынтәа иара ибзоураны аԥснытәи ашьапылампыласцәа қәыԥшқәа ааҩык Ростовтәи аолимпиатә резерв иаҵанакуа атәылаҿацәтә училишье иҭалеит. Иара гәыла-ԥсыла аспорт даласоуп, ианаауҭаххалак зегь рыла дувагылоит", - ҳәа азгәеиҭеит иара.

Ашьапылампыл азы Аԥсны аҿар ркоманда аҵара-ҽазыҟаҵаратә еизгарақәа рҳәаақәа ирҭагӡаны уаанӡа иацыхәмаруан шәачатәи акоманда "Медик", урҭ ирыҵахеит 4:0 ҳәа. Анаҩс ирыцыхәмарит аклуб "Шәача", аԥснытәи акоманда ари ахәмарраан иаиааит 4:2 ҳәа. Анаҩс, ҳкоманда астрахантәи "Волгарь" адубль иацыхәмарит, ара "Волгарь" аиааит 4:1 ҳәа.

9

Амшын иаҿықәу абаҳча: апринц Ольденбургтәи ипарк аиҭашьақәыргылара шымҩаԥысуа

4
Апринц Ольденбургтәи ипарк аиҭашьақәыргылара иалагеит 2017 шықәсазы, аусурақәа рхыркәшара азԥхьагәаҭоуп аԥхынра алагамҭаз 2021 шықәсазы.

Акурорт Гагра ашьаҭаркҩы, апринц Ольденбургтәи ипарки гагратәи аколоннадеи реиҭашьақәыргылара иалагеит ԥшьышықәса раԥхьа асоциал-економикатә ҿиара апрограммала. Аусурақәа рынагӡаразы иазоушьҭын 118 миллион мааҭ аԥара.

Иазԥхьагәаҭан апарк ӡылеи фымцалашаралеи аиқәыршәара. Ҳаамҭа иақәшәо аинфраструктура аиҿкаара адагьы иазыԥхьагәаҭоуп аҵиаақәа рацәаны реиҭаҳара, аӡҭарчқәа аԥсыӡ рҭаҵара.

4