Аԥсны ахада Науру Ареспублика Ахьыԥшымра амш рыдиныҳәалеит

16
(ирҿыцуп 12:43 31.01.2021)
Ареспублика Науру Аԥсни Аахыҵ Уаԥстәылеи рхьыԥшымреи азханаҵеит, адипломатиатә еизыҟазаашьақәа рыбжьаларазы аҳәамҭа ҟанаҵеит 2009 шықәса ԥхынҷкәынмзазы.

АҞӘА, ажьырныҳәа 31 - Sputnik. Аԥсны ахада Аслан Бжьаниа Науру Ареспублика ахада Лианел Роуен Енгимеи ртәыла Ахьыԥшымра амш идиныҳәалеит ҳәа аанацҳауеит атәыла ахада иусбарҭа аиҳабы.

"Аԥсны жәлар рыхьӡалеи сара хаҭала сыхьӡалеи ишәыдысныҳәалоит Науру Ареспублика Ахьыԥшымра амш. Ахьыԥшымрахь амҩа заҟа уадаҩра ацу ибзианы издыруа, ахақәиҭреи ахатәы ҿиарамҩеи аиуразы агәымшәареи агәаӷьреи аазырԥшыз Аԥсны жәлар гәык-ԥсыкала аиҩызаратә Республика Науру ажәлар ирыцгәырӷьоит", - ҳәа аҳәоит адныҳәалара атекст аҟны. 

Бжьаниа инаҵшьны иазгәеиҭеит Аԥсни Науруи аиҩызара бзиа шрыбжьоу, пату шеиқәырҵо, рыгәра шеибаго.

Иара убасгьы иара иҳәеит "аҩганк ирзыфеидоу наҟ-наҟ аусеицура ацҵара" дшазыхиоу.

Ԥхынҷкәын 15, 16 2009 шықәсазы Ареспублика Науру Аԥсни Аахыҵ Уаԥстәылеи рхьыԥшымреи азханаҵеит, адипломатиатә еизыҟазаашьақәа рыбжьаларазы аҳәамҭа ҟанаҵеит.

2018 шықәсазы Аԥсни Науруи рнапы аҵарҩит Аҩҳәынҭқаррак ртәылауаа визада аиҭанеиааира рылзыршо аиқәшаҳаҭра.

Иара убас шәаԥхьар ҟалоит:

16
Сторонники и родственники Ахры Авидзба собрались у СГБ Абхазии

Аҩӡба дзыхдырҟьаз ҳәа идгылаҩцәа гәҩарас ирымоу рҳәеит

38
(ирҿыцуп 02:20 05.03.2021)
Аԥсны Аҳәынҭқарратә шәарҭадаратә маҵзура ахыбра аҿаԥхьа еизаз Ахра Аҩӡба идгылаҩцәеи иуацәеи еимпырц ргәы иҭаӡам иара доурышьҭаанӡа.

АҞӘА, хәажәкыра 5 - Sputnik. Ахра Аҩӡба даанкылазар ҟалоит изакәанымкәа бџьарла еибыҭоу Донецктәи жәлар Рреспублика атәылауаа ахьицу азы ҳәа агәаанагара рымоуп иара иуацәеи идгылаҩцәеи.

Абри азы адырра ҟалеит Аҩӡба иуацәақәак АШәМ ахыбра ианыҩнала ашьҭахь. Дара изларҳәаз ала, Ахра Аҩӡба ицу донецктәи атәылауаагьы аанкылоуп.

Дара Ахра Аҩӡба доурышьҭаанӡа еимпырц ргәы иҭаӡам.

Ахра Аҩӡба даанкылоуп ҳәа адырра ҟалеит хәажәкыра 4 ахәылԥаз. Уи ирҵабыргит изааигәоу ауаҩы.

Азинхьчаҩцәа иҩны иакәшаны игылоуп, аԥшаарақәа мҩаԥыргоит ҳәа ааицҳаит акоррреспондент аҭыԥ аҟынтәи.

Ашәарҭадаратә маҵзура апресс-маҵзураҟны ари аҭагылазаашьа ахҳәаа арҭом.

 

38

Ахра Аҩӡба иуацәеи идгылаҩцәеи Ашәарҭадаратә маҵзура аҿаԥхьа еизеит

27
(ирҿыцуп 01:42 05.03.2021)
Хәажәкыра 4 ахәылбыҽха Ахра Аҩӡба даанкылоуп ҳәа адырра ҟалеит. Ахыҵхырҭақәа излаарыцҳауа ала, иара Аԥсны Аҳәынҭқарратә шәарҭадаратә маҵзура ахыбрахь иҿахәҿыхразы днаргеит. Иҩны азинхьчаҩцәа акәшаны игылоуп.

АҞӘА, хәажәкыра 5 - Sputnik. Аҟәа иаанкылоу Ахра Аҩӡба иуацәеи идгылаҩцәеи АШәМ ахыбра аҿаԥхьа еизеит ҳәа ааицҳауеит акорреспондент аҭыԥ аҟынтәи.

Аҩӡба иуацәа руаӡәк ишеиҭеиҳәаз ала, аӡәгьы макьана издырӡом иара дзааныркылаз, дара иҿахәҿыхра ахьымҩаԥысуа ахыбра аҿаԥхьа иԥшны игылоуп дзыхдырҟьаз еилыркаарц азы.

"Макьана ҳара иҳаздыруам дзыхдырҟьаз, аҩнуҵҟа ҳауацәақәак ҩналеит. Урҭ иҟоу шыҟоу еилыркаароуп", - иҳәеит иара.

Уи ишиҳәаз ала, ахыбра дыҩналеит адукат Инга Габилаиаԥҳа, лара иааныркылаз изинқәа лыхьчалоит.

Ахра Аҩӡба даанкылоуп ҳәа адырра ҟалеит хәажәкыра 4 ахәылԥаз. Уи ирҵабыргит изааигәоу ауаҩы.

Азинхьчаҩцәа иҩны иакәшаны игылоуп, аԥшаарақәа мҩаԥыргоит ҳәа ааицҳаит акоррреспондент аҭыԥ аҟынтәи.

Ашәарҭадаратә маҵзура апресс-маҵзураҟны ари аҭагылазаашьа ахҳәаа арҭом.

27