Аԥсны атәылауаҩ аметадон ареспубликахь алагаларазы даанкылоуп

19
(ирҿыцуп 13:27 01.02.2021)
Иаанкылоу ахара идырҵоит анаркотикатә маҭәашьар закәаншьаҭада аахәаразы, Аԥсны аҵакырахь алагаларазы, аҭира хықәкыс иҟамҵакәа аҵәахразы.

АҞӘА, жәабран 1 - Sputnik. Очамчыра араион инхо Дмитри Воуба Гагра араион ашьаусԥшаареи апатруль-посттә маҵзуреи русзуҩцәа дааныркылеит ҳәа аанацҳауеит Аԥсны ААР апресс-маҵзура.

Ахаҵа дааныркылеит аушьҭырҭатә ҭыԥ "Ԥсоу" данахысуаз. Игәаҭараан идбалан анаркотикатә маҭәашьар метадон.

Ареспублика Ашьаустә Закәанеидкыла инақәыршәаны анаркотикатә маҭәашьар закәаншьаҭада аахәаразы, Аԥсны аҵакырахь алагаларазы, аҭира хықәкыс иҟамҵакәа аҵәахразы Воуба шықәсык инаркны хышықәсанӡа иқәырҵар ҟалоит, закәаншьаҭада анаркотикатә маҭәашьар аҟаҵара, аахәара, аҵәахра, амҩангара аҭира хықәкыс иҟаҵани анаркотикатә маҭәашьар аҭирази иара иқәырҵар ҟалоит хәышықәса инаркны аашықәсанӡа, ахараԥса 150-200 нызқьмааҭ ацҵаны.

Воуба уажәы амедицинатә гәаҭара мап ахьацәикыз ази анаркотикқәа рыдкыларази 5 уахыи-ҽни административтә ҭакра дахысуеит. Абри ашьҭахь иқәҵа азгәаҭахоит.

Иара убас шәаԥхьар ҟалоит:

19

Ашьапылампыл азы Аԥсны аҿар еизгоу ркоманда Ростов акоманда иаҵахеит

11
(ирҿыцуп 19:28 28.02.2021)
Аԥсназы ростовтәи акомандеи иареи реицыхәмарра аԥшьбатәи аиҩызаратә хәмарра акәхеит аҵара-ҽазыҟаҵаратә ҽеизгарақәа рҳәаақәа иҭагӡаны.

АҞӘА, жәабран 28 – Sputnik. Ашьапылампыл азы Аԥсны аҿар еизгоу ркоманда Ростовтәи Аолимпиатә резерв аучилишье акоманда иаҵахеит амҽыша жәабран 28 рзы. Абри азы адырра ҟанаҵоит Аԥсны Аспорт азы аҳәынҭеилакы.

Ҭамаз Бжьаниа иааӡамҭацәа Аԥсни Урыстәылеи зҽаԥсазтәыз разыҟаҵаҩ Александр Тумасиан иазыҟаиҵо акоманда иацыхәмаруан Шәача Аолимпиатә парк аҟны, иагьхыркәшахеит 2:1 ҳәа ростоваа риааирала.

Ахәмарра даҭааит Аԥсны Аҿари аспорти рзы аҳәынҭқарратә еилакы ахантәаҩы Џьамал Гәбаз, иара Александр Тумасиан идиныҳәалеит "Ахьӡ-аԥша" аорден III аорден ахьианаршьаз, уи азы Аԥсны ахада аусԥҟа инапы аҵаиҩхьан жәабран 9 рзы.

"Сара сазыҟаҵаҩ Александр Тумасиан аорден ахьианаршьаз идсныҳәалоит. Ари ауаҩ еснагь аԥснытәи аспортсменцәа илаԥш рхуп, ҳтәылаҿы аспорт арҿиара, аларҵәара дацхраауеит. Сынтәа иара ибзоураны аԥснытәи ашьапылампыласцәа қәыԥшқәа ааҩык Ростовтәи аолимпиатә резерв иаҵанакуа атәылаҿацәтә училишье иҭалеит. Иара гәыла-ԥсыла аспорт даласоуп, ианаауҭаххалак зегь рыла дувагылоит", - ҳәа азгәеиҭеит иара.

Ашьапылампыл азы Аԥсны аҿар ркоманда аҵара-ҽазыҟаҵаратә еизгарақәа рҳәаақәа ирҭагӡаны уаанӡа иацыхәмаруан шәачатәи акоманда "Медик", урҭ ирыҵахеит 4:0 ҳәа. Анаҩс ирыцыхәмарит аклуб "Шәача", аԥснытәи акоманда ари ахәмарраан иаиааит 4:2 ҳәа. Анаҩс, ҳкоманда астрахантәи "Волгарь" адубль иацыхәмарит, ара "Волгарь" аиааит 4:1 ҳәа.

11

Амшын иаҿықәу абаҳча: апринц Ольденбургтәи ипарк аиҭашьақәыргылара шымҩаԥысуа

4
Апринц Ольденбургтәи ипарк аиҭашьақәыргылара иалагеит 2017 шықәсазы, аусурақәа рхыркәшара азԥхьагәаҭоуп аԥхынра алагамҭаз 2021 шықәсазы.

Акурорт Гагра ашьаҭаркҩы, апринц Ольденбургтәи ипарки гагратәи аколоннадеи реиҭашьақәыргылара иалагеит ԥшьышықәса раԥхьа асоциал-економикатә ҿиара апрограммала. Аусурақәа рынагӡаразы иазоушьҭын 118 миллион мааҭ аԥара.

Иазԥхьагәаҭан апарк ӡылеи фымцалашаралеи аиқәыршәара. Ҳаамҭа иақәшәо аинфраструктура аиҿкаара адагьы иазыԥхьагәаҭоуп аҵиаақәа рацәаны реиҭаҳара, аӡҭарчқәа аԥсыӡ рҭаҵара.

4