Сбор мандаринов в Абхазии

Аԥснынтәи Урыстәылаҟа ацитрусқәа рекспорт 53 000 тонна иахыҳәҳәеит

8
(ирҿыцуп 15:23 01.02.2021)
Иааидкыланы Аԥснынтәи Урыстәылаҟа ауҭраҭых аекспорт 1,7 рыла еиҳахеит. Ииасыз ақыҭанхамҩатә сезон аан Урыстәыла иалагалаз 13 800 тонна ракәын.

АҞӘА, жәабран 1 - Sputnik. Аԥснынтәи Урыстәылаҟа ацитрусқәа рекспорт 53 400 тонна иахыҳәҳәеит ҳәа аанацҳауеит Краснодартәи аҳазалхра Шәача ақалақь аҿтәи амаҵзура.

Ииасыз ақыҭанхамҩатә сезон аан Урыстәыла иалагалаз 13 800 тонна ракәын. Ус ала ԥшьынтә еиҳахеит. Ари аҽаҩра бзианы аҟалареи урыстәылатәи аџьармыкьақәа рҿы аҭаххарақәеи ирыдҳәалоуп.

Асеиԥш адырра ҟаҵан Краснодартәи аҳазалхра аиҳабы Наталиа Полосухинеи, Аԥсны иҟоу Урыстәыла АҲМ Константин Козловыи, Аԥснытәи аҳазалхырҭатә пост аиҳабы Константин Балашеви, аушьҭырҭатә ҭыԥ "Адлер" анапхгареи русуратә еилацәажәараан.

Аиԥылараҿы азхьаԥшра ҷыда аҭан аԥснытәи аекспортиорцәа рыдәныҟахәаахәҭра ахышәаҵышәа аизҳараан аҳазалхырҭа аусура.

Иазгәаҭан Аԥснынтәи иаларгало атауарқәа адекларациа шырзыруа аелектронтә формала, ишынарышьҭуа Аладатәи аҳазалхырҭатә пост Аладатәи аелектронтә ҳазалхырҭреи Урыстәылатәи АҲМ анапаҵаҟа иҟоу Гәылрыԥшь араион аҿтәи Аԥснытәи аҳазалхырҭатә пости рахь. Апост аԥҵоуп хаз иго ҳазалхратә операциақәаки, хаз иго тауарқәак рганахь ала аҳазалхратә процедурақәа рымҩаԥгаразы. Гәылрыԥшь араион аҿтәи Аԥснытәи аҳазалхырҭатә пост Урыстәылатәи АҲМ анапаҵаҟа иҟоуп, иаԥҵоуп  Аԥсны аҳәынҭқарратә ҳазалхратә еилакы ақәшаҳаҭрала.

2020 шықәса хәажәкырамзаахыс Шәачатәи аҳазалхырҭатә постқәа ԥшьба – Шәачатәи ахадаратә, Шәачатәи Аҳаиртә баӷәаза, ЖДПП Адлер, МАПП Краснодартәи аҳазалхырҭа анапаҵаҟахь ииагоуп рҭыԥ мԥсахкәа.

8

Аԥсны даҽа 21 акоронавирустә хҭыс ҿыц ашәҟәы иҭагалоуп

1
(ирҿыцуп 22:16 05.03.2021)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 12952-ҩык ыҟоуп, ргәы бзиахеит 12400-ҩык, рыԥсҭазаара иалҵит 203-ҩык.

АҞӘА, хәажәкыра 5– Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 234-ҩык атестқәа рзыҟаҵан, урҭ рахьтә 21-ы акоронавирус рцәа ишалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 34-ҩык, урҭ рахьтә 21-ы акоронавирус адиагноз рзышьақәыргылоуп, рҭагылазаашьа бааԥсуп фҩык, ибжьаратәуп -16-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 14-ҩык апациентцәа, Очамчыра ирхәышәтәуеит фҩык, Тҟәарчалтәи ахәышәтәырҭаҿы - хҩык, Гагратәи ахәышәтәырҭаҿы - жәаҩык.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит аҿкычымазара рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа зегьы шәрыԥхьар ҟалоит абра>>

1
Атемақәа:
Аҿкычымазара – акоронавирус Аԥсни адунеи аҿи: иалкаау

Какалиа "Ақыҭанхамҩа аҿиареи, аинновациеи рзы ацентр" иазкны

4
(ирҿыцуп 22:05 05.03.2021)
Ақыҭанхамҩа ԥасатәи аминистр Амиран Какалиа арадио Sputnik аефир аҟны еиҭеиҳәеит анаплак ҿыц "Ақыҭанхамҩа аҿиареи, аинновациеи рзы ацентр" ахықәкы, инанагӡараны иҟоу аусқәа ртәы.
Ҳазлацәажәаша ҳамоуп: Какалиа "Ақыҭанхамҩа аҿиареи, аинновациеи рзы ацентр" иазкны

Аҟәа имҩаԥысит "Ақыҭанхамҩа аҿиареи, аинновациеи рзы ацентр" захьӡу анаплак ҿыц аалыҵ аӡыргара иазкыз аусмҩаԥгатә. Аӡыргарахь инаган еиуеиԥшым ахәаҷа-маҷақәа рнырҵәаразы рхы иадырхәо ҩынҩажәа рҿынӡа ахәшәқәа. Аиҿкааҩцәа излазгәарҭо ала, ари коммерциатә проектуп. Уи напхгара аиҭоит ақыҭанхамҩа ԥасатәи аминистр Амиран Какалиа.

Шәазыӡырҩы аудио.

4