Тҟәарчал араион аҟны амҩеи аҩнқәа ҩбеи ааха роуит адгьылҳәазара иахҟьаны

24
(ирҿыцуп 17:08 22.02.2021)
Тҟәарчал ақалақьи араион ақыҭақәеи еимаздо амҩа аремонт азуны еиҭашьақәыргылан Аԥсны асаоциал-економикатә ҿиараз Аинвестпрограмма аԥарақәа рыла.

АҞӘА, жәабран 1– Sputnik, Бадраҟ Аҩӡба. Тҟәарчал араион, Агәы-Бедиа ақыҭа аҟны амҩеи аҩнқәа ҩбеи ааха роуит адгьылҳәазара иахҟьаны ҳәа  Sputnik иазеиҭеиҳәеит араион ахада ихаҭыԥуаҩ Владислав Аршба.

Тҟәарчал араион ахадарахь адгьылҳәазара иахҟьаны анхарҭаҩны ааха шаиуз азы арзаҳал нашьҭын ажьырныҳәа 22 рзы, уи ашьҭахь аҽа ҭаацәаракгьы рырзаҳал нарышьҭит. Ишәарҭахаз аҩнқәа рҟынтәи ауаа рыуа-рҭахы рахь ицеит ҳәа иҳәоит Аршба.

"Арҭ аҭаацәарақәа рымаҭәа-рҩыҭәа аиагараҿ ҳрыцхрааит. Аамҭала рҭахцәа рҿы иҟоуп, аха азҵаара ӡбатәуп", - иҳәеит иара.

Аршба ишиҳәаз ала иахәҭаны иҟоу адокументқәеи афотосахьақәеи аиҳабыра рахь инашьҭуп. Иҳәазаз амҩа еиднакылоит Тҟәарчал ақалақьи ақыҭақәа Бедиа ду, Агәы-Бедиа, Бедиа.

  • Тҟәарчал араион аҟны амҩеи аҩнқәа ҩбеи ааха роуит адгьылҳәазара иахҟьаны
    © Sputnik / Томас Тхайцук
  • Тҟәарчал араион аҟны амҩеи аҩнқәа ҩбеи ааха роуит адгьылҳәазара иахҟьаны
    © Sputnik / Томас Тхайцук
  • Тҟәарчал араион аҟны амҩеи аҩнқәа ҩбеи ааха роуит адгьылҳәазара иахҟьаны
    © Sputnik / Томас Тхайцук
  • Тҟәарчал араион аҟны амҩеи аҩнқәа ҩбеи ааха роуит адгьылҳәазара иахҟьаны
    © Sputnik / Томас Тхайцук
1 / 4
© Sputnik / Томас Тхайцук
Тҟәарчал араион аҟны амҩеи аҩнқәа ҩбеи ааха роуит адгьылҳәазара иахҟьаны

"Чхәарҭал ақыҭагь ааигәоуп, аха уахь аҽа мҩак ала унеиуеит. Ус шакәугьы ақыҭауаа ари амҩа рхы иадырхәон Тҟәарчалҟа анеиразы. Егьи амҩала Очамчырантәи уеикәшаны унеир ауп", - иҳәеит Аршба.

Аршба иажәақәа рыла, уажәы агеологцәа иҟалаз мзызс иамоу ҭырҵаауеит, усутәқәас иҟаҵатәу иалацәажәоит. Арҭ аҭыԥқәа рҿы арельеф аҷыдарақәа амоуп. Макьаназ амҩа аиҭашьақәыргылара иаҭаху ахарџь рзышьақәыргылом, еилыркаауа усурақәас иҟаҵатәны иҟоу роуп иҳәоит Владислав Аршба.

"Аиҟәышьшьарақәа есыҽны ирыцлоит. Ақыҭақәа Тҟәарчал иаҿыгахеит. Авариатә амҩа ахәҭа шә-метрак рҟынӡа инаӡоит. Атранспорт зныҟәом", - иҳәеит ахада ихаҭыԥуаҩ.

Бедиа ду ахада Џьумбер Харчлаа иазгәеиҭеит адгьылҳәазара апроблема акырҵуеит иҟоижьҭеи ҳәа. Уажәы илеиз ақәақәа аҭагылазаашьа еицәартәит ҳәа иҳәоит иара.

"Адгьылҳәазара иахҟьаны аӡымҩангагақәа ԥхасҭахеит. Урҭгьы аремонт рзутәуп. Адгьыл еснагь ишыҳәазо азгәаҭаны ԥхьаҟа иҟало атәы узҳәом. Афымцацәаҳәақәа зқәу ашьаҟақәа арҭ аҭыԥқәа ирцәырхараны ииаагеит", - иҳәоит Харчлаа.  

Тҟәарчал ақалақьи араион ақыҭақәеи еимаздо амҩа аремонт азуны еиҭашьақәыргылан Аԥсны асоциал-економикатә ҿиараз Аинвестпрограмма аԥарақәа рыла. Иақәхарџьын  60 миллион мааҭ. Аусурақәа мҩаԥысуан 2017 - 2020 шықәсқәа рзы.

24

Аԥсны даҽа 21 акоронавирустә хҭыс ҿыц ашәҟәы иҭагалоуп

1
(ирҿыцуп 22:16 05.03.2021)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 12952-ҩык ыҟоуп, ргәы бзиахеит 12400-ҩык, рыԥсҭазаара иалҵит 203-ҩык.

АҞӘА, хәажәкыра 5– Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 234-ҩык атестқәа рзыҟаҵан, урҭ рахьтә 21-ы акоронавирус рцәа ишалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 34-ҩык, урҭ рахьтә 21-ы акоронавирус адиагноз рзышьақәыргылоуп, рҭагылазаашьа бааԥсуп фҩык, ибжьаратәуп -16-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 14-ҩык апациентцәа, Очамчыра ирхәышәтәуеит фҩык, Тҟәарчалтәи ахәышәтәырҭаҿы - хҩык, Гагратәи ахәышәтәырҭаҿы - жәаҩык.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит аҿкычымазара рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа зегьы шәрыԥхьар ҟалоит абра>>

1
Атемақәа:
Аҿкычымазара – акоронавирус Аԥсни адунеи аҿи: иалкаау

Какалиа "Ақыҭанхамҩа аҿиареи, аинновациеи рзы ацентр" иазкны

4
(ирҿыцуп 22:05 05.03.2021)
Ақыҭанхамҩа ԥасатәи аминистр Амиран Какалиа арадио Sputnik аефир аҟны еиҭеиҳәеит анаплак ҿыц "Ақыҭанхамҩа аҿиареи, аинновациеи рзы ацентр" ахықәкы, инанагӡараны иҟоу аусқәа ртәы.
Ҳазлацәажәаша ҳамоуп: Какалиа "Ақыҭанхамҩа аҿиареи, аинновациеи рзы ацентр" иазкны

Аҟәа имҩаԥысит "Ақыҭанхамҩа аҿиареи, аинновациеи рзы ацентр" захьӡу анаплак ҿыц аалыҵ аӡыргара иазкыз аусмҩаԥгатә. Аӡыргарахь инаган еиуеиԥшым ахәаҷа-маҷақәа рнырҵәаразы рхы иадырхәо ҩынҩажәа рҿынӡа ахәшәқәа. Аиҿкааҩцәа излазгәарҭо ала, ари коммерциатә проектуп. Уи напхгара аиҭоит ақыҭанхамҩа ԥасатәи аминистр Амиран Какалиа.

Шәазыӡырҩы аудио.

4