ААО аррамаҵзурауаа Аԥсны аԥырҩы дызҭам "аӷа" иԥрыгақәа карыжьит

7
(ирҿыцуп 11:41 02.02.2021)
Аҽазыҟаҵарақәа ирылахәын Аладатәи арратә округ иатәу 500-ҩык рҟынӡа аррамаҵзурауаа, ахархәара рыҭан 150 ак арратәи иҷыдоуи атехника.

АҞӘА, жәабран 2 - Sputnik. Аԥсны иҟоу Аладатәи арратә окрун амотохысцәеи артеллиристцәеи аԥырҩы дызҭам "аӷа" иԥрыгақәа карыжьит ҳәа аанацҳауеит аокруг апресс-маҵзура.

Арратә напхгараҭаратә пунктқәа аԥырҩы дызҭам "аӷа" иԥрыгақәа ржәылара ацәыхьчаразы аҽазыҟаҵарақәа мҩаԥысит Амшынеиқәа аԥшаҳәеи ашьхареи рҟны.

Аполигонқәа Ҵабали Нагвалоуи ррасчотқәа  БЛА "Орлан-10" (аԥырҩы дызҭам аԥрыгақәа) "аӷа" ицәҟьарақәа рроль нарыгӡон, адгьылтә радиоелектронтә ҿагылареи аҳауаҽацәыхьчаратә комплексқәеи рҿагылара еиҿкаауа.

Аҽазыҟаҵара шазыԥхьагәаҭаз ала адгьылтә радиоелектронтә ҿагылара аҟәшақәа имҩаԥыргеит илаҟәны иԥыруаз ацәҟьа маҷқәа рыԥшаареи рымҩаԥгареи, ПЗРК "Стрела-10" арасчотқәа урҭ ҭадырхон.

Комплексла адгьылтә радиоелектронтә ҿагылара акомплексқәеи аҳауаҽацәыхьчаратә комплексқәеи шәарҭарыда робиектқәа аҳауаҟынтәи ажәылара иацәырыхьчон, амотохысцәа ракәзаргьы арратә напхгараҭара апунктқәа рыхьчара дырӷәӷәон.

7

Ашәба еиҭеиҳәеит аԥсыӡтә зауадқәа ироуз аиҵахарақәа зыхҟьаз

1
(ирҿыцуп 14:49 09.03.2021)
Очамчыра иҟоу аԥсыӡтә зауад "Хамса" аиҳабы ихаҭыԥуаҩ Асҭамыр Ашәба арадио Sputnik аефир аҟны еиҭеиҳәеит сынтәа шаҟа нызқь тонна акамшьиа акра азгәарҭози, ироуз аиҵахарақәа зыхҟьази ртәы.
Ашәба аԥсыӡкразы: ҳгәы каҳажьӡом, ҽааны иҟало ҳбап

Аԥсны акамшьиа акра иалагоит ԥхынҷкәынмзазы, ихдыркәшоит жәабран-хәажәкыра амзақәа рзы. 2020-2021 шықәсқәа рзы Аԥсны азин ыҟоуп 42 тонна рҟынӡа акамшьиа акра.

"Иахьазы аԥсыӡкраҟны ахьысҳарақәа ыҟоуп. Ҵыԥх 7 нызқь тонна инеиҳаны иаҳкит, сынтәа акәзар 1300 тонна роуп иаҳкхьоу, уи даара имаҷуп. Ҳара заанаҵы азауад аҟны аусурақәа мҩаԥаагеит, иаҭахыз амаҭәахәқәа рыла ҳҽеиқәҳаршәеит, аха ҳаззыԥшыз аԥсыӡ ахыԥхьаӡара ҟамлеит. Ҳгәы каҳажьӡом, игәаҳҭап ҽааны ишыҟало", - иҳәеит Ашәба.

Аԥсны аԥсыӡтә зауадқәа ааба ыҟоуп. Ашәба иажәақәа рыла аԥсыӡкразы иҟоу аквотақәа ақыҭанхамҩа аминистрраҟны ирзеихыршеит 5-5 нызқь тонна. Аԥсыӡкразы азин азауад иаанахәоит, уи акразы аамҭа анааиуа, аԥҟара инақәыршәаны 30 процент ахә иаразнак иахыршәаауеит.

Шәазыӡырҩы аудио.

1

Рыӡбахә ҳәоуп аԥхынразы аҭыԥқәа еиҳа заа иахьҿарҵо Аԥсны акурортқәа

7
(ирҿыцуп 14:26 09.03.2021)
Асиа шьақәыргылоуп 2020-2021 шықәсқәа рзы Аԥсны заанаҵтәи аҭыԥқәа рҿаҵараз амаҵзура адыррала.

АҞӘА, хәажәкыра 9 - Sputnik. Аԥсшьараз анхарҭаҭыԥқәа рҿаҵара амаҵзура TVIL.RU адырра ҟанаҵоит Аԥсны акурортқәа реиҳа аҿаҵа ахьыҟарҵо ракәны иҟоуп ҳәа.

Атуристцәа реиҳараҩык заанаҵы 8 - 15 уахы аангылареи 1,3 - 2,7 нызқьмааҭ аныхреи рыгәҭакуп.

Убри аан аиҳарак аԥсшьара ахәԥса лаҟәуп Гәдоуҭа - 1,3 нызқьмааҭ уахык азы, еиҳа ахәԥса ҳаракуп Пицунда - 2,7 нызқьмааҭ уахык азы.

Ииасыз ашықәс иадкыланы заанаҵтәи аҿаҵақәа рхыԥхьаӡара еиҳахеит акурортқәа быжьба рҿы:

  • Гагра – 2419 мааҭ / 11,5 у.,
  • Пицунда – 2683 мааҭ / 11 у.,
  • Афон ҿыц -1984 мааҭ / 8 у.,
  • Аҟәа – 2441 мааҭ / 15 у.,
  • Цандрыԥшь – 2399 мааҭ / 13 у.,
  • Алаҳаӡы – 2579 мааҭ / 10 у.,
  • Гәдоуҭа – 1305 мааҭ / 14 у.

Иара убас шәаԥхьар ҟалоит:

7