Аԥсни Урыстәылеи ртуристтә усбарҭақәа аусеицуразы Амеморандум рнапы аҵарҩит

24
(ирҿыцуп 14:11 02.02.2021)
Урыстәыла Ауаажәларратә палатаҿы имҩаԥысит астол гьыжь "Урыстәыла – Аԥсны. Атуризми асасдкылареи", уи далахәын Аԥсны атуризм аминистр Ҭеимураз Хышба.

АҞӘА, жәабран 2 - Sputnik. Аԥсны Аҳәынҭқарра Атуризм аминистрреи Атуризм азы Афедералтә маҵзураҿы иҟоу Ауаажәларратә хеилаки (Урыстәылатәи Афедерациа) рыбжьара атуризм аусхк аҟны аилибакаареи аусеицуреи рзы Амеморандум ҳәа аанацҳауеит аусбарҭа апресс-маҵзура.

Абри Амеморандум инақәыршәани, аганқәа иаԥырҵалоит иманшәалоу аҭагылазаашьақәа атуризм аусхк аҟны, дасу рҳәынҭқаррақәа рзакәанԥҵарақәа рҳәаа иҭагӡаны.

Уи адагьы Аганқәа ацхыраалоит атуризм аусхк, асасдкылара аиндустриа рҟны зусура мҩаԥызго ауаажәларратә еиҿкаарақәа рыбжьара аизыҟазаашьақәа рыҿиара, атуристцәа рзинқәа рыхьчара.

Амеморандум аҿы иазгәаҭоуп Аганқәа ацхыраалоит ихымхәоуи егьырҭ анеиҭаҵааиҭаҵра зцәыуадаҩу ауаажәларратә гәыԥқәеи рзы атуризм аҿиара ҳәа.

Адокумент инақәыршәаны Аганқәа ацхыраалоит еиҿкаау агәыԥтәии ахаҭалатәии туризм, иара убасгьы аекспертцәеи иҷыдоу агәыԥқәеи реимдара – амузыкатәи атеатртәи фестивальқәа, атуризм азҵаара аганахь ала имҩаԥысуа аизарақәа, ацәыргақәҵақәа, асимпозиумқәа, аконгрессқәа рылахәра хықәкны измоугьы налаҵаны.

Амеморандум аҿы иҳәоуп атуризми аныҟәарақәеи рызҵаарақәа аус рыдызуло аҭҵаарадырыҩцәа, аофициалтә хаҿқәа, ажурналистцәа реимдарала аусеицура мҩаԥыргараны ишыҟоу.

Аԥсуеи аурыси ганқәа реинырра идырҿиалоит атуристтә маркетинг аусхк аҟни атуристтә аалыҵқәа рыҭираҟни, Аганқәа рҵакырақәа рыҩба рҟны русура амҩаԥгаразы еицхыраалоит. Иара убасгьы еицымҩаԥыргалоит атуристтә џьырмыкьа аҭҵаара, еицеизыргалоит аинвестициатә проектқәа рзы аинформациа, еицаадырԥшлоит атуристтә инвестициа ахырхарҭақәеи аусхкқәеи.

24

Ашьапылампыл азы Аԥсны аҿар еизгоу ркоманда Ростов акоманда иаҵахеит

11
(ирҿыцуп 19:28 28.02.2021)
Аԥсназы ростовтәи акомандеи иареи реицыхәмарра аԥшьбатәи аиҩызаратә хәмарра акәхеит аҵара-ҽазыҟаҵаратә ҽеизгарақәа рҳәаақәа иҭагӡаны.

АҞӘА, жәабран 28 – Sputnik. Ашьапылампыл азы Аԥсны аҿар еизгоу ркоманда Ростовтәи Аолимпиатә резерв аучилишье акоманда иаҵахеит амҽыша жәабран 28 рзы. Абри азы адырра ҟанаҵоит Аԥсны Аспорт азы аҳәынҭеилакы.

Ҭамаз Бжьаниа иааӡамҭацәа Аԥсни Урыстәылеи зҽаԥсазтәыз разыҟаҵаҩ Александр Тумасиан иазыҟаиҵо акоманда иацыхәмаруан Шәача Аолимпиатә парк аҟны, иагьхыркәшахеит 2:1 ҳәа ростоваа риааирала.

Ахәмарра даҭааит Аԥсны Аҿари аспорти рзы аҳәынҭқарратә еилакы ахантәаҩы Џьамал Гәбаз, иара Александр Тумасиан идиныҳәалеит "Ахьӡ-аԥша" аорден III аорден ахьианаршьаз, уи азы Аԥсны ахада аусԥҟа инапы аҵаиҩхьан жәабран 9 рзы.

"Сара сазыҟаҵаҩ Александр Тумасиан аорден ахьианаршьаз идсныҳәалоит. Ари ауаҩ еснагь аԥснытәи аспортсменцәа илаԥш рхуп, ҳтәылаҿы аспорт арҿиара, аларҵәара дацхраауеит. Сынтәа иара ибзоураны аԥснытәи ашьапылампыласцәа қәыԥшқәа ааҩык Ростовтәи аолимпиатә резерв иаҵанакуа атәылаҿацәтә училишье иҭалеит. Иара гәыла-ԥсыла аспорт даласоуп, ианаауҭаххалак зегь рыла дувагылоит", - ҳәа азгәеиҭеит иара.

Ашьапылампыл азы Аԥсны аҿар ркоманда аҵара-ҽазыҟаҵаратә еизгарақәа рҳәаақәа ирҭагӡаны уаанӡа иацыхәмаруан шәачатәи акоманда "Медик", урҭ ирыҵахеит 4:0 ҳәа. Анаҩс ирыцыхәмарит аклуб "Шәача", аԥснытәи акоманда ари ахәмарраан иаиааит 4:2 ҳәа. Анаҩс, ҳкоманда астрахантәи "Волгарь" адубль иацыхәмарит, ара "Волгарь" аиааит 4:1 ҳәа.

11

Амшын иаҿықәу абаҳча: апринц Ольденбургтәи ипарк аиҭашьақәыргылара шымҩаԥысуа

4
Апринц Ольденбургтәи ипарк аиҭашьақәыргылара иалагеит 2017 шықәсазы, аусурақәа рхыркәшара азԥхьагәаҭоуп аԥхынра алагамҭаз 2021 шықәсазы.

Акурорт Гагра ашьаҭаркҩы, апринц Ольденбургтәи ипарки гагратәи аколоннадеи реиҭашьақәыргылара иалагеит ԥшьышықәса раԥхьа асоциал-економикатә ҿиара апрограммала. Аусурақәа рынагӡаразы иазоушьҭын 118 миллион мааҭ аԥара.

Иазԥхьагәаҭан апарк ӡылеи фымцалашаралеи аиқәыршәара. Ҳаамҭа иақәшәо аинфраструктура аиҿкаара адагьы иазыԥхьагәаҭоуп аҵиаақәа рацәаны реиҭаҳара, аӡҭарчқәа аԥсыӡ рҭаҵара.

4