Аӡбаҩ иқәгара: Иреиҳаӡоу аӡбарҭа Анзор Ҭарба иус ахәаԥшра иалагеит

33
(ирҿыцуп 17:23 02.02.2021)
Аҟәатәи ақалақьтә ӡбарҭа Анзор Ҭарба иԥсҭазаара иалҵра зхароу ҳәа ишьаз зегь рганахь ала ахарахыхра ҟанаҵеит абҵарамзазы. Апрокуратура хадеи ааха зауз игани ари аӡбамҭа иахашшааит Аԥсны Иреиҳаӡоу аӡбарҭа Ахашшааратә коллегиаҿы.

АҞӘА, жәабран 2 – Sputnik, Асмаҭ Ҵәыџьԥҳа. Аԥсны Иреиҳаӡоу аӡбарҭа ашьаусқәа рзы Ахашшааратә коллегиа аӡбаҩ Роман Кәарҷиа Аԥсны ААР ахыбраҿы зыԥсҭазаара иалҵыз Анзор Ҭарба иусӡбараҟынтә дықәгазарц аӡбра аднакылеит.

Аӡбаҩ Роман Кәарҷиа иқәгараз иқәгылеит аҳәынҭқарратә харадҵара ахаҭарнакцәа. Апрокурор Ельвира Хазириши лажәақәа рыла 2020 шықәса абҵара 10 рзы аӡбаҩ Инар Кәарҷиа аӡбамҭа идкылан ахара рхихит Аутлев, Кулов, Џьыкырба, Ҷедиа. Инари Романи Кәарҷиаа ахьеижәлантәқәоу азы аус аҭҵаараан аҵыхәтәантәи аҭагылазаашьа аинтерес змоу хаҿуп, убри азы аусҭҵаара далгатәуп.

Ахьчаратә ган уи мап ацәнакит, избанзар Инари Романи Кәарҷиаа реиуара шьақәыргыламызт.

"Ҳара иаадыруеит дара жәлак ишеицатәу. Аԥсны ҳанхоит, ҳауаажәларра зеиԥшроу аадыруеит. Жәлак еицызмоу шеиуацәоу дыруп. Урҭ руаӡәк идикылаз аӡбамҭагьы егьи обиективла дзазнеиуам",- лҳәеит Хазириши.

Ахара зхыху Аслан Ҷедиа идукат Нино Қорсаиаԥҳа иазгәалҭеит жәлак аицхызаара аиуацәара ҳәа ишьатәым ҳәа. Аиуацәара официалла ишьақәырӷәӷәазароуп. Уи илыдгылеит егьырҭ адукатцәагьы. Роман Кәарҷиа иакәзар иҳәеит ари аус интерес ҳәа акгьы шизалам.

Аӡбра адкыларазы Ахашшааратә коллегиа алахәылацәа аилацәажәаратә уадахь инеиит. Сааҭк ааҵуаны аӡбаҩ Маиа Кәыҵниаԥҳа Кәарҷиа аус иалгара адгылара алҭеит. Генри Гамисониа уи мап ацәикит. Закәанла абжьқәа анеиҟароу амапкра аԥыжәара арҭоит.

1969 шықәса рзы ииз Анзор Тарба, Аԥсны Аҩнуҵҟатәи аусқәа рминистрра амаҵзуратә уадаҿы 2019 шықәса ԥхынгәы 11 рзы, Омар Мерцхәылаа иӷьычра далаҟьышьуп ҳәа агәаанагара зызрымаз, 1969 шықәса рзы ииз Анзор Ҭарба иԥсҭазаара далҵит.

Ҭарба иԥсҭазаара даналҵ ашьҭахь аус иалахәыланы иԥхьаӡан Аԥсны ААР аусзуҩцәа: Аԥсны ААР ашьаусԥшаара Аусбарҭа уаанӡатәи аиҳабы Бадри Џьыкырбеи иара ихаҭыԥуаҩ Аслан Ҷедиеи, аусбарҭа аусзуҩцәа Адгур Аутлеви, Витали Кулови Анзор Ҭарба иганахь ала рмаҵзуратә мчрақәа инархырҳәҳәаны рхы иадырхәеит ҳәа иазыԥхьаӡаны.

2020 шықәса абҵара 10 рзы аӡбаҩ Инар Кәарҷиа иӡбрала Аԥсны ААР ашьаусԥшаара Аусбарҭа уаанӡатәи аиҳабы Бадри Џьыкырбеи иара ихаҭыԥуаҩ Аслан Ҷедиеи, аусбарҭа аусзуҩцәа Адгур Аутлеви, Витали Кулови Анзор Ҭарба иԥсразы хара рыдым ҳәа иԥхьаӡан, урҭ ацәгьоура ишалаҟьышьу азы ҵаҵӷәыркырак ыҟам ҳәа ахьазырыԥхьаӡаз азы.

Абҵара 13 рзы Аҟәатәи ақалақьтә ӡбарҭа Ҭарба иԥсра аус азы гәҩарас иҟаз ауаа ахара рыдым ҳәа ианариаша ашьҭахь ақәҵара аднакылеит ззинмчқәа ишахәҭаз иназмыгӡаз Апрокуратура хада аусзуҩцәа рымшала акрызҵазкуаз амаҭәартә ршаҳаҭгақәа ырӡын ҳәа.

Аԥсны Апрокуратура хада Аҟәатәи ақалақьтә ӡбарҭа аҩнуҵҟатәи аусқәа рминистрра ахыбраҿы иаанкыланы иҟаз Анзор Ҭарба иԥсра аус аганахьала иаднакылаз аӡбамҭа закәаным иагьҵаҵӷәыдоуп ҳәа иаԥхьаӡеит, Иреиҳаӡоу аӡбарҭа ашьаусқәа рзы Ахашшааратә коллегиахь иашшит.

33

Ашьапылампыл азы Аԥсны аҿар еизгоу ркоманда Ростов акоманда иаҵахеит

10
(ирҿыцуп 19:28 28.02.2021)
Аԥсназы ростовтәи акомандеи иареи реицыхәмарра аԥшьбатәи аиҩызаратә хәмарра акәхеит аҵара-ҽазыҟаҵаратә ҽеизгарақәа рҳәаақәа иҭагӡаны.

АҞӘА, жәабран 28 – Sputnik. Ашьапылампыл азы Аԥсны аҿар еизгоу ркоманда Ростовтәи Аолимпиатә резерв аучилишье акоманда иаҵахеит амҽыша жәабран 28 рзы. Абри азы адырра ҟанаҵоит Аԥсны Аспорт азы аҳәынҭеилакы.

Ҭамаз Бжьаниа иааӡамҭацәа Аԥсни Урыстәылеи зҽаԥсазтәыз разыҟаҵаҩ Александр Тумасиан иазыҟаиҵо акоманда иацыхәмаруан Шәача Аолимпиатә парк аҟны, иагьхыркәшахеит 2:1 ҳәа ростоваа риааирала.

Ахәмарра даҭааит Аԥсны Аҿари аспорти рзы аҳәынҭқарратә еилакы ахантәаҩы Џьамал Гәбаз, иара Александр Тумасиан идиныҳәалеит "Ахьӡ-аԥша" аорден III аорден ахьианаршьаз, уи азы Аԥсны ахада аусԥҟа инапы аҵаиҩхьан жәабран 9 рзы.

"Сара сазыҟаҵаҩ Александр Тумасиан аорден ахьианаршьаз идсныҳәалоит. Ари ауаҩ еснагь аԥснытәи аспортсменцәа илаԥш рхуп, ҳтәылаҿы аспорт арҿиара, аларҵәара дацхраауеит. Сынтәа иара ибзоураны аԥснытәи ашьапылампыласцәа қәыԥшқәа ааҩык Ростовтәи аолимпиатә резерв иаҵанакуа атәылаҿацәтә училишье иҭалеит. Иара гәыла-ԥсыла аспорт даласоуп, ианаауҭаххалак зегь рыла дувагылоит", - ҳәа азгәеиҭеит иара.

Ашьапылампыл азы Аԥсны аҿар ркоманда аҵара-ҽазыҟаҵаратә еизгарақәа рҳәаақәа ирҭагӡаны уаанӡа иацыхәмаруан шәачатәи акоманда "Медик", урҭ ирыҵахеит 4:0 ҳәа. Анаҩс ирыцыхәмарит аклуб "Шәача", аԥснытәи акоманда ари ахәмарраан иаиааит 4:2 ҳәа. Анаҩс, ҳкоманда астрахантәи "Волгарь" адубль иацыхәмарит, ара "Волгарь" аиааит 4:1 ҳәа.

10

Амшын иаҿықәу абаҳча: апринц Ольденбургтәи ипарк аиҭашьақәыргылара шымҩаԥысуа

4
Апринц Ольденбургтәи ипарк аиҭашьақәыргылара иалагеит 2017 шықәсазы, аусурақәа рхыркәшара азԥхьагәаҭоуп аԥхынра алагамҭаз 2021 шықәсазы.

Акурорт Гагра ашьаҭаркҩы, апринц Ольденбургтәи ипарки гагратәи аколоннадеи реиҭашьақәыргылара иалагеит ԥшьышықәса раԥхьа асоциал-економикатә ҿиара апрограммала. Аусурақәа рынагӡаразы иазоушьҭын 118 миллион мааҭ аԥара.

Иазԥхьагәаҭан апарк ӡылеи фымцалашаралеи аиқәыршәара. Ҳаамҭа иақәшәо аинфраструктура аиҿкаара адагьы иазыԥхьагәаҭоуп аҵиаақәа рацәаны реиҭаҳара, аӡҭарчқәа аԥсыӡ рҭаҵара.

4