Аурыс-аԥсуа ҳәааҿы ашьақар аконтрабанда аиагара еиԥырҟьоуп

10
(ирҿыцуп 17:51 02.02.2021)
Иҟаз ахҭыс аганахь ала административтә зинеилагара ҳәа аус хацыркуп. Ашәҟәы иҭагаламыз атауар рымхын, аекспертизахь инашьҭын.

АҞӘА, жәабран 2 - Sputnik. 8 тоннак рҟынӡа ашьақар шәҟәы ацӡамкәа иааныркылеит урыстәылатәи аҳазалхыҩцәа аурыс-аԥсуа ҳәааҿы агәаҭарақәа рааан ҳәа аанацҳауеит Краснодартәи аҳазалхырҭа Шәача ақалақьтә маҵзура апресс-маҵзура.

Атауар аҳәаа иахыргон автомашьына VOLVO ала Урыстәылантәи Аԥсныҟа. Атауар амҩаԥгаратә документқәа рҿы иарбан аидара акапан –22000 кьыла. Ашьақар асакьқәа ирҭаԥсан. Адокументқәа ирықәыршәаны 440 сакь ыҟазар акәын.

© Foto / пресс-служба Сочинской таможни
Аурыс-аԥсуа ҳәааҿы ашьақар аконтрабанда еиԥырҟьоуп

Агәаҭараан амобил-инспекциатә гәаҭаратә комплекс иаанарԥшит аҽа 164 сакь (8200 кьыла) ашьақар аҟазаара. Уи адагьы амаҭәахәқәа рыҵәахырҭаҿы иаарԥшын ашьапымаҭәа зҭаз 11 ҭра (55 амагәқәа).

Абасала аҳазалхратә усбарҭа иадгалан ииашамыз адокументқәа. Уи ЕАЕС аҳазалхратә закәанԥҵара аилагароуп иаанаго. Ашәҟәы иҭагаламыз атауар рымхын, аекспертизахь инашьҭын.

© Foto / пресс-служба Сочинской таможни
Аурыс-аԥсуа ҳәааҿы ашьақар аконтрабанда еиԥырҟьоуп

Иҟаз ахҭыс аганахь ала административтә зинеилагара ҳәа аус хацыркуп: Урыстәыла АЗ ахәҭаҷ 16.2 ахәҭа 1; ахәҭаҷ 16.1 ахәҭа 3 рыла (ашәҟәы иҭагалам атауар азы административтә ҭакԥхықәра, ииашамкәа атауар ашәҟәы аҭагалара). Имҩаԥысуеит административтә усҭҵаара.

10

Ашәба еиҭеиҳәеит аԥсыӡтә зауадқәа ироуз аиҵахарақәа зыхҟьаз

1
(ирҿыцуп 14:49 09.03.2021)
Очамчыра иҟоу аԥсыӡтә зауад "Хамса" аиҳабы ихаҭыԥуаҩ Асҭамыр Ашәба арадио Sputnik аефир аҟны еиҭеиҳәеит сынтәа шаҟа нызқь тонна акамшьиа акра азгәарҭози, ироуз аиҵахарақәа зыхҟьази ртәы.
Ашәба аԥсыӡкразы: ҳгәы каҳажьӡом, ҽааны иҟало ҳбап

Аԥсны акамшьиа акра иалагоит ԥхынҷкәынмзазы, ихдыркәшоит жәабран-хәажәкыра амзақәа рзы. 2020-2021 шықәсқәа рзы Аԥсны азин ыҟоуп 42 тонна рҟынӡа акамшьиа акра.

"Иахьазы аԥсыӡкраҟны ахьысҳарақәа ыҟоуп. Ҵыԥх 7 нызқь тонна инеиҳаны иаҳкит, сынтәа акәзар 1300 тонна роуп иаҳкхьоу, уи даара имаҷуп. Ҳара заанаҵы азауад аҟны аусурақәа мҩаԥаагеит, иаҭахыз амаҭәахәқәа рыла ҳҽеиқәҳаршәеит, аха ҳаззыԥшыз аԥсыӡ ахыԥхьаӡара ҟамлеит. Ҳгәы каҳажьӡом, игәаҳҭап ҽааны ишыҟало", - иҳәеит Ашәба.

Аԥсны аԥсыӡтә зауадқәа ааба ыҟоуп. Ашәба иажәақәа рыла аԥсыӡкразы иҟоу аквотақәа ақыҭанхамҩа аминистрраҟны ирзеихыршеит 5-5 нызқь тонна. Аԥсыӡкразы азин азауад иаанахәоит, уи акразы аамҭа анааиуа, аԥҟара инақәыршәаны 30 процент ахә иаразнак иахыршәаауеит.

Шәазыӡырҩы аудио.

1

Рыӡбахә ҳәоуп аԥхынразы аҭыԥқәа еиҳа заа иахьҿарҵо Аԥсны акурортқәа

7
(ирҿыцуп 14:26 09.03.2021)
Асиа шьақәыргылоуп 2020-2021 шықәсқәа рзы Аԥсны заанаҵтәи аҭыԥқәа рҿаҵараз амаҵзура адыррала.

АҞӘА, хәажәкыра 9 - Sputnik. Аԥсшьараз анхарҭаҭыԥқәа рҿаҵара амаҵзура TVIL.RU адырра ҟанаҵоит Аԥсны акурортқәа реиҳа аҿаҵа ахьыҟарҵо ракәны иҟоуп ҳәа.

Атуристцәа реиҳараҩык заанаҵы 8 - 15 уахы аангылареи 1,3 - 2,7 нызқьмааҭ аныхреи рыгәҭакуп.

Убри аан аиҳарак аԥсшьара ахәԥса лаҟәуп Гәдоуҭа - 1,3 нызқьмааҭ уахык азы, еиҳа ахәԥса ҳаракуп Пицунда - 2,7 нызқьмааҭ уахык азы.

Ииасыз ашықәс иадкыланы заанаҵтәи аҿаҵақәа рхыԥхьаӡара еиҳахеит акурортқәа быжьба рҿы:

  • Гагра – 2419 мааҭ / 11,5 у.,
  • Пицунда – 2683 мааҭ / 11 у.,
  • Афон ҿыц -1984 мааҭ / 8 у.,
  • Аҟәа – 2441 мааҭ / 15 у.,
  • Цандрыԥшь – 2399 мааҭ / 13 у.,
  • Алаҳаӡы – 2579 мааҭ / 10 у.,
  • Гәдоуҭа – 1305 мааҭ / 14 у.

Иара убас шәаԥхьар ҟалоит:

7