Анаплакы "Амшынеиқәафымцамч" "Афымцаҭира" аԥнахит

15
Ареструктуризациа иалҵшәаны иаԥҵахоит иаку, аппарат хада анапаҵаҟа иҟоу аҟәша. Аҭакԥхықәра идлоит аҟәша аиҳабы, аилазаараҿ иҟалоит аҭира аҟәшеи анџьныр хадеи.

АҞӘА, жәабран 3 - Sputnik. Анаплакы "Амшынеиқәафымцамч" афилиал "Афымцаҭира" аԥнахит аекономика аганахьала иахьхәарҭамзи алҵшәа ахьаанамырԥшуази иахҟьаны. Абри азы аусдҵа инапы аҵаиҩит АУН "Амшынеиқәафымцамч" адиректор хада Михаил Логәуа.

Дҽа уснагӡатәык ала иаԥҵан аԥыхратә комиссиа. Уи напхгара аиҭоит афилиал адиректорс иҟаз Даур Делба.

Уаанӡа, АУН "Амшынеиқәафымцамч" адиректор хада  Михаил Логәуа аилазаара ԥсахны, аҭыԥқәа рҿы афилиали иара аҟәшақәеи аԥыхзарц ӡбоуп ҳәа иҳәахьан. Логәуа иажәақәа рыла, аструктура ԥсахтәуп, аҭыԥқәа рҿы аҟәшақәа иаку шьақәгылакны, напхгаҩык дрыманы аҟаҵаразы, анапынҵақәа еихшазарц.

"Иаԥҵахоит иаку аиҿкаара. Уи аппарат хада анапаҵаҟа иҟалоит. Иҟоу зегьы азы аҭакԥхықәра здыло напхгаҩык иоуп", - иҳәеит иара.

АУН "Амшынеиқәафымцамч" афилиал "Афымцаҭира" ахархәаҩцәа афымцамч рыҭара мҩаԥнагон, иара убасгьы еиҿнакаауан ахылаԥшратә система.

15
Гудаута

Бжьаниа Гәдоуҭа араион ахадас Боџьгәуа икандидатура еиҭа инаишьҭит

2
(ирҿыцуп 09:29 05.03.2021)
Гәдоуҭа араионтә еизара адепутатцәа Баграт Боџьгәуа араион ахадас дшьақәыдмырӷәӷәеит ажьырныҳәа 29 рзы имҩаԥысыз аилатәараҿы.

АҞӘА, хәажәкыра 5 – Sputnik, Бадри Есиава. Аԥсны ахада Аслан Бжьаниа Гәдоуҭатәи араионтә еизарахь ашәҟәқәа неишьҭит араион ахадас Баграт Боџьгәуа икандидатура ахәаԥшразы ҳәа аанацҳауеит ахада ипресс-маҵзура.

Апресс-маҵзураҿы ишырҳәаз ала адокумент анапы аҵаҩын жәабран 26 рзы.

Баграт Боџьгәуа Гәдоуҭа араион ахада инапынҵақәа назыгӡо ҳәа дҟаҵан Аԥсны ахада Аслан Бжьаниа идҵала 2020 шықәса, лаҵарамзазы. Боџьгәуа ари аҭыԥ аҿы диԥсахит Руслан Ладариа.

Гәдоуҭа араионтә еизара адепутатцәа Боџьгәуа араион ахадас дшьақәыдмырӷәӷәеит ажьырныҳәа 29 азтәи реилатәараҿы. Уи азы бжьык игхеит.

Аконституциатә процедура инақәыршәаны атәыла ахада азин имоуп 30 мшы рыҩныҵҟа аҽазныкгьы Боџьгәуа икандидатура адепутатцәа ирыдигалар, мамзаргьы аҽа кандидатурак рыдигалар.

Аизараҿы ақалақь, араион ахадас зыӡбахә ҳәо икандидатура рыдрымкылар, атәыла ахада азин имоуп аамҭала анапынҵақәа назыгӡо иаҭара.

Араион, Аҟәа ақалақь, аҳабла, ақыҭа ахадас дҟалар илшоит Аԥсны атәылауаҩ, 30 шықәса ирҭысхьоу, 5 шықәса еиҵамкәа аџьатә ԥышәа змоу.

2
Сторонники и родственники Ахры Авидзба собрались у СГБ Абхазии

Аҩӡба дзыхдырҟьаз ҳәа идгылаҩцәа гәҩарас ирымоу рҳәеит

39
(ирҿыцуп 02:20 05.03.2021)
Аԥсны Аҳәынҭқарратә шәарҭадаратә маҵзура ахыбра аҿаԥхьа еизаз Ахра Аҩӡба идгылаҩцәеи иуацәеи еимпырц ргәы иҭаӡам иара доурышьҭаанӡа.

АҞӘА, хәажәкыра 5 - Sputnik. Ахра Аҩӡба даанкылазар ҟалоит изакәанымкәа бџьарла еибыҭоу Донецктәи жәлар Рреспублика атәылауаа ахьицу азы ҳәа агәаанагара рымоуп иара иуацәеи идгылаҩцәеи.

Абри азы адырра ҟалеит Аҩӡба иуацәақәак АШәМ ахыбра ианыҩнала ашьҭахь. Дара изларҳәаз ала, Ахра Аҩӡба ицу донецктәи атәылауаагьы аанкылоуп.

Дара Ахра Аҩӡба доурышьҭаанӡа еимпырц ргәы иҭаӡам.

Ахра Аҩӡба даанкылоуп ҳәа адырра ҟалеит хәажәкыра 4 ахәылԥаз. Уи ирҵабыргит изааигәоу ауаҩы.

Азинхьчаҩцәа иҩны иакәшаны игылоуп, аԥшаарақәа мҩаԥыргоит ҳәа ааицҳаит акоррреспондент аҭыԥ аҟынтәи.

Ашәарҭадаратә маҵзура апресс-маҵзураҟны ари аҭагылазаашьа ахҳәаа арҭом.

 

39