Апарламент актәи аԥхьарала аенергетикаҿ аилагарақәа рзы ахара арџьбарара аднакылеит

16
(ирҿыцуп 16:46 03.02.2021)
2021 шықәсазтәи Аԥсны Жәлар Реизара - Апарламент раԥхьатәи ааԥынтәи асессиа аатит ахаша жәабран 3 рзы.

АҞӘА, жәабран 3 - Sputnik, Бадраҟ Аҩӡба. Аԥсны Апарламент адепутатцәа актәи аԥхьарала ирыдыркылеит аенергетикаҿ аилагарақәа рзы ахара арӷәӷәаразы Административтә зинеилагарақәа рзакәанеидкыла аԥсахрақәа ралагалара азакәан апроект.

"Административтә закәанеилагаразы Аԥсны Аҳәынҭқарра Азакәанеидкыла аԥсахрақәа ралагаларазы" азкәан апроект иазԥхьагәанаҭоит аенергетика аусхк аҟны аус зуа азакәанԥҵара аилагаразы ахара арӷәӷәара. Азакәан апроект инақәыршәаны акриптовалиута аиуразы мегаваттк инеиҳаны афымцамчхара закәаншьаҭада ахархәаразы хышықәса аҭакреи амазара амхреи азԥхьагәаҭоуп.

Иҟоу аҭагылазаашьа азгәаҭо, азакәан апроект иазԥхьагәанаҭоит ҷыдала акриптовалиута аиуразы аусмҩаԥгараан афымцамчхара ауск азакәанԥҵара аилагаразы административтә ҭакԥхықәра ақәҵара. Уи административтә ҭакԥхықәра ахархәара зыҭоу афымцамчхара амҽхак иахьырԥшхоит.

"Уи адагьы азакәан апроект иазԥхьагәанаҭоит еиҳа иџьбароу аҭакԥхықәра - ашықәс аҩнуҵҟа даҽазнык азакәан аилагараан административтә хараԥса ақәҵареи акриптовалиута аиуразы ахархәагақәа рымхреи", - ҳәа аҳәоит азкәан апроект аҿы.

Закәаншьаҭада афымцамчхара ахархәаразы атәылауаа иреиҵаӡоу ауалафахәы 200-нтә ишьҭыхны ахараԥса рықәҵахоит. Амаҵзуратә хаҿқәа ирықәҵахоит иреиҵаӡоу ауалафахәы 500-нтә ишьҭыхны ахараԥса. Анаплакыҩцәеи аиуристтә хаҿқәеи - иреиҵаӡоу ауалафахәы 1000-нтә ишьҭыхны ахараԥса.

Анашьҭратәи аихшаратәи цәаҳәақәа иаку аоператор инапаҵаҟа иҟоу раԥшьра, анаҩс афымцамчхархәаразы атәылауаа ирықәҵахоит иреиҵаӡоу иреиҵаӡоу ауалафахәы 300-нтә ишьҭыхны ахараԥса.

Иҟоу азакәан еилаганы анаплакытә ма даҽа усурақәак рзы афымцамчхара ахархәараан иазԥхьагәаҭоуп ахараԥса - иреиҵаӡоу ауалафахәы 40-нтә ишьҭыхны киловатт-сааҭцыԥхьаӡа ахараԥса. Аиҭаҿаԥшьраан - иреиҵаӡоу ауалафахәы 50-нтә ишьҭыхны, акриптовалиута аиуразы амаругақәагьы рымхны.

Ажьырныҳәа 22 рзы Аԥсны ахада Аслан Бжьаниа Апарламент адепутатцәа дырԥылеит. Ирылацәажәан ахараԥсақәеи ашьауси ралагалара афымцамч закәаншьаҭада ахархәаразы. Амаинерцәа рзы иазԥхьагәаҭан мегаваттк азы миллионки бжаки аԥара ашәара. Анаҩс административтә зинеилагарақәа рзы азакәанеидкылеи Ашьаустә закәанеидкылеи рахь аиҭакрақәа ралагаразы азакәанԥҵаратә ԥшьгамҭақәа Апарламент ахь инашьҭын.

16
Атемақәа:
Аԥсны аенергетика апроблемақәа (230)

Барганџьиа: атәылаҿы иҟоу атехника зегьы ацәаӷәара аамҭазы еиқәыршәахоит

2
(ирҿыцуп 09:56 05.03.2021)
Ацәаӷәаразы араионқәа рҿы амашьынатә-трактортә станциақәа ахьынӡазыхиоу атәы арадио Sputnik аефир аҿы еиҭеиҳәеит, ақыҭанхамҩа аминистрра агрономиа аҟәша аиҳабы Едуард Барганџьиа.
Хра злоу ахҭысқәа: Барганџьиа араионқәа ацәаӷәара разырхиара иазкны

"Ацәаӷәара аамҭа макьана имааицт, аха уи азы иҳамоу атехника архиаразы аусура мҩаԥысуеит. Ақыҭанхамҩа аминистрраҿы иаԥҵан акомиссиа, араионқәа рахь иныҟәон, игәарҭон атехниказы аҭагылазашьаа зеиԥшроу атәы. Уажәнатә иуҳәар ҟалоит атәылаҿы иҟоу атехника зегьы еиқәыршәахоит ҳәа, иагыз ҟаҵахоит. Ацәаӷәара зҭаху иҟаиҵоит аҳәара, анаҩс инеины ирцәаӷәоит. Ҳара иҳамоу атехникала ҵыԥх аасҭа сынтәа аиҳа ҩынтә еиҳаны иаҳцәаӷәарҭә алшара ҳамоуп, аха ацәаӷәара аамҭа анааилак, иаразанак зегьы рҿы иузыцәаӷәаӡом, амшцәгьагьы уи аус еиԥнарҟьоит. Астанциа ақалақь аҿоуп иахьыҟоу, атехника ақыҭақәа рахь ицароуп, уигьы аамҭа агоит. Знык дахьцо даҽа ҩынтә-хынтә ацара иқәшәоит, избанзар, зегьы аԥара еицрымам", - ҳәа еиҭеиҳәеит Барганџьиа.

Иаҳа инеиҵыху аиҿцәажәара шәазыӡырҩыр шәылшоит аудио аҿы.

Иара убас шәаԥхьар ҟалоит:

2

Бжьаниа Гәдоуҭа араион ахадас Боџьгәуа икандидатура еиҭа инаишьҭит

3
(ирҿыцуп 09:29 05.03.2021)
Гәдоуҭа араионтә еизара адепутатцәа Баграт Боџьгәуа араион ахадас дшьақәыдмырӷәӷәеит ажьырныҳәа 29 рзы имҩаԥысыз аилатәараҿы.

АҞӘА, хәажәкыра 5 – Sputnik, Бадри Есиава. Аԥсны ахада Аслан Бжьаниа Гәдоуҭатәи араионтә еизарахь ашәҟәқәа неишьҭит араион ахадас Баграт Боџьгәуа икандидатура ахәаԥшразы ҳәа аанацҳауеит ахада ипресс-маҵзура.

Апресс-маҵзураҿы ишырҳәаз ала адокумент анапы аҵаҩын жәабран 26 рзы.

Баграт Боџьгәуа Гәдоуҭа араион ахада инапынҵақәа назыгӡо ҳәа дҟаҵан Аԥсны ахада Аслан Бжьаниа идҵала 2020 шықәса, лаҵарамзазы. Боџьгәуа ари аҭыԥ аҿы диԥсахит Руслан Ладариа.

Гәдоуҭа араионтә еизара адепутатцәа Боџьгәуа араион ахадас дшьақәыдмырӷәӷәеит ажьырныҳәа 29 азтәи реилатәараҿы. Уи азы бжьык игхеит.

Аконституциатә процедура инақәыршәаны атәыла ахада азин имоуп 30 мшы рыҩныҵҟа аҽазныкгьы Боџьгәуа икандидатура адепутатцәа ирыдигалар, мамзаргьы аҽа кандидатурак рыдигалар.

Аизараҿы ақалақь, араион ахадас зыӡбахә ҳәо икандидатура рыдрымкылар, атәыла ахада азин имоуп аамҭала анапынҵақәа назыгӡо иаҭара.

Араион, Аҟәа ақалақь, аҳабла, ақыҭа ахадас дҟалар илшоит Аԥсны атәылауаҩ, 30 шықәса ирҭысхьоу, 5 шықәса еиҵамкәа аџьатә ԥышәа змоу.

3