Гәдоуҭатәи аковид-госпиталь аҵәыҵәри анашьҭраз апроблемақәа амоуп

24
(ирҿыцуп 19:36 03.02.2021)
Гәдоуҭатәи аковид-госпиталь аҟны аҵәыҵәри ишиашоу анашьҭра иалагеит 2020 шықәса ԥхынҷкәынмзазы.

АҞӘА, жәабран 3 – Sputnik, Бадри Есиава. Гәдоуҭатәи аковид-госпиталь аҵәыҵәри анашьҭраз аамҭа-аамҭала апроблемақәа цәырҵуеит ҳәа Sputnik иазеиҭеиҳәеит ахәышәтәырҭа аҳақьым хада Ҳаџьараҭ Шамба.

"Аҵәыҵәри шиашоу анашьҭра ҳалагеит аха абаллонқәа ҳаԥсахуеит. Адәаҟны игылоуп урҭ рҭыԥқәа. Аҵәыҵәри нҵәацыԥхьаӡа абаллон ҳаԥсахуеит. Уи ианаамҭо иҟаҵалатәуп. Еснагь ҳанақәымшәо ыҟоуп. Аҵәыҵәри зҭо ацистернақәа ықәҳаргылаанӡа апроблема шыҟац иаанхоит", - ҳәа иҳәеит Шамба.

Уи адагьы асистема атрубақәа аҵаа ианакуа ыҟоуп, абаллонқәа ахьынӡаҭәу узырбо арбагагьы ианақәҵаалак, иҟоу анаанамырԥшуа ҟалалоит. Уи иахҟьаны ианаамҭоу абаллонқәа ԥсахымкәа ианынхо ыҟоуп ҳәа иҳәоит аҳақьым хада.

"Ари аус мҩаԥызго ауаа иаразнакы абаллонқәа рзымԥсахыр ҟалоит, арбагақәа иржьар алшоит. Баллонк 40 минуҭ инаркны 60 минуҭ рҟынӡоуп ахархәара ахьамоу – заҟаҩ апациентцәа аппарат иаҵаку иахьырԥшны. Уахыки ҽнаки рыла 150 баллон аннаҳхуа ҟалоит, иҟалоит 200-250 рҟынӡагьы ианнеиуа", - иҳәоит иара.

Ари аҭагылазаашьа ачымазцәа ирзеицәоуп ҳәа азгәеиҭоит Шамба.

"Џьоукы-џьоукы рҭагылазаашьа аицәахара абри ианадысҳәало ыҟоуп. Шәазхәыц: минуҭк, хә-минуҭк шәыԥсыԥ лажәгаҩажәгом. Шәышԥаҟалои. Рыхәышәтәра зегьы башаханы, ҿыц рҭагылазаашьа азықәԥара ҳақәшәоит уи азы", - ҳәа иҳәоит Шамба, иагьациҵоит ари апроблема иахҟьаны ԥсыҭбара шыҟамлац.

Иахьазы агоспиталь иапроблема хаданы иҟоу амедперсонал, аиҳаракгьы апрофессионалтә реаниматологцәа рзымхароуп.

Аҳақьым хада иҳәоит абаллонқәа рыԥсахра знапы иану амедусбарҭа арзҩыдара мҩаԥызго шракәу. Урҭи ахәышәтәырҭеи абри азы аилаӡара рыбжьоуп.

24
Атемақәа:
Аҿкычымазара – акоронавирус Аԥсни адунеи аҿи: иалкаау (1086)

Барганџьиа: атәылаҿы иҟоу атехника зегьы ацәаӷәара аамҭазы еиқәыршәахоит

4
(ирҿыцуп 09:56 05.03.2021)
Ацәаӷәаразы араионқәа рҿы амашьынатә-трактортә станциақәа ахьынӡазыхиоу атәы арадио Sputnik аефир аҿы еиҭеиҳәеит, ақыҭанхамҩа аминистрра агрономиа аҟәша аиҳабы Едуард Барганџьиа.
Хра злоу ахҭысқәа: Барганџьиа араионқәа ацәаӷәара разырхиара иазкны

"Ацәаӷәара аамҭа макьана имааицт, аха уи азы иҳамоу атехника архиаразы аусура мҩаԥысуеит. Ақыҭанхамҩа аминистрраҿы иаԥҵан акомиссиа, араионқәа рахь иныҟәон, игәарҭон атехниказы аҭагылазашьаа зеиԥшроу атәы. Уажәнатә иуҳәар ҟалоит атәылаҿы иҟоу атехника зегьы еиқәыршәахоит ҳәа, иагыз ҟаҵахоит. Ацәаӷәара зҭаху иҟаиҵоит аҳәара, анаҩс инеины ирцәаӷәоит. Ҳара иҳамоу атехникала ҵыԥх аасҭа сынтәа аиҳа ҩынтә еиҳаны иаҳцәаӷәарҭә алшара ҳамоуп, аха ацәаӷәара аамҭа анааилак, иаразанак зегьы рҿы иузыцәаӷәаӡом, амшцәгьагьы уи аус еиԥнарҟьоит. Астанциа ақалақь аҿоуп иахьыҟоу, атехника ақыҭақәа рахь ицароуп, уигьы аамҭа агоит. Знык дахьцо даҽа ҩынтә-хынтә ацара иқәшәоит, избанзар, зегьы аԥара еицрымам", - ҳәа еиҭеиҳәеит Барганџьиа.

Иаҳа инеиҵыху аиҿцәажәара шәазыӡырҩыр шәылшоит аудио аҿы.

Иара убас шәаԥхьар ҟалоит:

4

Бжьаниа Гәдоуҭа араион ахадас Боџьгәуа икандидатура еиҭа инаишьҭит

5
(ирҿыцуп 09:29 05.03.2021)
Гәдоуҭа араионтә еизара адепутатцәа Баграт Боџьгәуа араион ахадас дшьақәыдмырӷәӷәеит ажьырныҳәа 29 рзы имҩаԥысыз аилатәараҿы.

АҞӘА, хәажәкыра 5 – Sputnik, Бадри Есиава. Аԥсны ахада Аслан Бжьаниа Гәдоуҭатәи араионтә еизарахь ашәҟәқәа неишьҭит араион ахадас Баграт Боџьгәуа икандидатура ахәаԥшразы ҳәа аанацҳауеит ахада ипресс-маҵзура.

Апресс-маҵзураҿы ишырҳәаз ала адокумент анапы аҵаҩын жәабран 26 рзы.

Баграт Боџьгәуа Гәдоуҭа араион ахада инапынҵақәа назыгӡо ҳәа дҟаҵан Аԥсны ахада Аслан Бжьаниа идҵала 2020 шықәса, лаҵарамзазы. Боџьгәуа ари аҭыԥ аҿы диԥсахит Руслан Ладариа.

Гәдоуҭа араионтә еизара адепутатцәа Боџьгәуа араион ахадас дшьақәыдмырӷәӷәеит ажьырныҳәа 29 азтәи реилатәараҿы. Уи азы бжьык игхеит.

Аконституциатә процедура инақәыршәаны атәыла ахада азин имоуп 30 мшы рыҩныҵҟа аҽазныкгьы Боџьгәуа икандидатура адепутатцәа ирыдигалар, мамзаргьы аҽа кандидатурак рыдигалар.

Аизараҿы ақалақь, араион ахадас зыӡбахә ҳәо икандидатура рыдрымкылар, атәыла ахада азин имоуп аамҭала анапынҵақәа назыгӡо иаҭара.

Араион, Аҟәа ақалақь, аҳабла, ақыҭа ахадас дҟалар илшоит Аԥсны атәылауаҩ, 30 шықәса ирҭысхьоу, 5 шықәса еиҵамкәа аџьатә ԥышәа змоу.

5

120 миллион шәҭы Урыстәылаҟа инашьҭуп жәабран 15 раахыс

2
(ирҿыцуп 10:20 05.03.2021)
Аҳәса рымшныҳәа аламҭалаз Урыстәылаҟа иаларгалоит ашәҭқәа рацәаны. Аиҳарак Нидерландқәеи Еквадори рҟынтә.

АҞӘА, хәажәкыра 5 - Sputnik. 120 миллион шәҭы Урыстәылаҟа иаашьҭуп жәабран 15 инаркны хәажәкыра 3 рҟынӡа. Абри атәы аанацҳауеит Урыстәыла Афедералтә ҳазалхратә маҵзура.

Иарбоу аамҭазы Урыстәыла адекларациатә електронтә центрқәа ашәҟәы иҭаргалеит 9,15 нызқь тонна ашәҭ. Уи 2020 шықәсазы аасҭа ҩынтә еиҳауп (4259 тонн), 1,7 рыла еиҳауп 2019 шықәсазы (5271 тонн) аасҭа.

Уаанӡеиԥш сынтәагьы аекспортиор хадацәа ҳәа ишьоуп Нидерландқәеи Еквадори, иара убасгьы Кениеи Колумбиеи.

Аԥсны аҳазалхратә еилакы адыррақәа рыла, иахьазы 250 тонна 19 кьыла амимоза Аԥснынтәи иалыргахьеит. Ҵыԥх аасҭа ари арбага 50% рыла еиҳауп.

2020 шықәса абри аамҭазы 138 тонна 998 кьыла амимоза аҳәаа иахыган, 2019 шықәсазы – 175 тонна 22 кьыла.

2