Аԥснытәи ашколқәа шәкы аҵаратә процесс алагара иазыхиоуп

38
(ирҿыцуп 18:53 03.02.2021)
Ажьырныҳәа 15 раахыс ареспубликаҿы аепидемиологиатә ҭагылазаашьа иахырҟьаны иалагалаз аԥкрақәа инарыдҳәаланы ашколқәа аус руам.

АҞӘА, жәабран 3 - Sputnik. Аԥснытәи ашколқәа шәкы аҵаратә процесс алагара иазыхиоуп ҳәа иҳәеит ахада имҩаԥигоз аилацәажәараҿы Аԥсны аҵареи абызшәатә политикеи рминистр Инал Габлиа.

"Аҵаратә процесс етап-етапла алагара азԥхьагәаҭоуп. Аԥхьа иааҳартуеит 150 еиҳамкәа аҵаҩцәа ахьыҟоу. Ҩымчыбжь рыҩнуҵҟа аҭагылазаашьа ҭышәынтәалар, егьырҭ ашколқәагьы ааҳартуеит. Актәи аетап аан шәкы рҟынӡа школ раартра азгәаҳҭоит", - ҳәа иҳәеит иара.

Аминистр иажәақәа рыла, онлаин-ҵара алҵшәақәа шамоугьы, аҵаратә процесс аиҭахацыркра иазыԥшуп.

"Аҵаратә шықәс ҳалагап ҳәа ҳгәыӷуеит. Уи азы абжьагарақәа иҟоу зегьы ирықәныҟәалатәуп. Араионқәа арзҩыдагақәеи ашоурашәагақәеи рзаҳшеит. Еиҿкаан онлаин-ҵара. Уи џьоукы рхы иадырхәеит, џьоукы ирылымшеит, аха ус шакәугьы алҵшәақәа амоуп", - ҳәа иҳәеит Габлиа.

Аԥсны 155 школ ыҟоуп: азеиԥшбжьаратә – 1-11 аклассқәа, ихарҭәаам абжьаратә – 1-9 аклассқәа, алагарҭатә – 1-4 аклассқәа.

Иара убас шәаԥхьар ҟалоит:

38
Атемақәа:
Аҿкычымазара – акоронавирус Аԥсни адунеи аҿи: иалкаау (1086)
Сторонники и родственники Ахры Авидзба собрались у СГБ Абхазии

Аҩӡба дзыхдырҟьаз ҳәа идгылаҩцәа гәҩарас ирымоу рҳәеит

38
(ирҿыцуп 02:20 05.03.2021)
Аԥсны Аҳәынҭқарратә шәарҭадаратә маҵзура ахыбра аҿаԥхьа еизаз Ахра Аҩӡба идгылаҩцәеи иуацәеи еимпырц ргәы иҭаӡам иара доурышьҭаанӡа.

АҞӘА, хәажәкыра 5 - Sputnik. Ахра Аҩӡба даанкылазар ҟалоит изакәанымкәа бџьарла еибыҭоу Донецктәи жәлар Рреспублика атәылауаа ахьицу азы ҳәа агәаанагара рымоуп иара иуацәеи идгылаҩцәеи.

Абри азы адырра ҟалеит Аҩӡба иуацәақәак АШәМ ахыбра ианыҩнала ашьҭахь. Дара изларҳәаз ала, Ахра Аҩӡба ицу донецктәи атәылауаагьы аанкылоуп.

Дара Ахра Аҩӡба доурышьҭаанӡа еимпырц ргәы иҭаӡам.

Ахра Аҩӡба даанкылоуп ҳәа адырра ҟалеит хәажәкыра 4 ахәылԥаз. Уи ирҵабыргит изааигәоу ауаҩы.

Азинхьчаҩцәа иҩны иакәшаны игылоуп, аԥшаарақәа мҩаԥыргоит ҳәа ааицҳаит акоррреспондент аҭыԥ аҟынтәи.

Ашәарҭадаратә маҵзура апресс-маҵзураҟны ари аҭагылазаашьа ахҳәаа арҭом.

 

38

Ахра Аҩӡба иуацәеи идгылаҩцәеи Ашәарҭадаратә маҵзура аҿаԥхьа еизеит

27
(ирҿыцуп 01:42 05.03.2021)
Хәажәкыра 4 ахәылбыҽха Ахра Аҩӡба даанкылоуп ҳәа адырра ҟалеит. Ахыҵхырҭақәа излаарыцҳауа ала, иара Аԥсны Аҳәынҭқарратә шәарҭадаратә маҵзура ахыбрахь иҿахәҿыхразы днаргеит. Иҩны азинхьчаҩцәа акәшаны игылоуп.

АҞӘА, хәажәкыра 5 - Sputnik. Аҟәа иаанкылоу Ахра Аҩӡба иуацәеи идгылаҩцәеи АШәМ ахыбра аҿаԥхьа еизеит ҳәа ааицҳауеит акорреспондент аҭыԥ аҟынтәи.

Аҩӡба иуацәа руаӡәк ишеиҭеиҳәаз ала, аӡәгьы макьана издырӡом иара дзааныркылаз, дара иҿахәҿыхра ахьымҩаԥысуа ахыбра аҿаԥхьа иԥшны игылоуп дзыхдырҟьаз еилыркаарц азы.

"Макьана ҳара иҳаздыруам дзыхдырҟьаз, аҩнуҵҟа ҳауацәақәак ҩналеит. Урҭ иҟоу шыҟоу еилыркаароуп", - иҳәеит иара.

Уи ишиҳәаз ала, ахыбра дыҩналеит адукат Инга Габилаиаԥҳа, лара иааныркылаз изинқәа лыхьчалоит.

Ахра Аҩӡба даанкылоуп ҳәа адырра ҟалеит хәажәкыра 4 ахәылԥаз. Уи ирҵабыргит изааигәоу ауаҩы.

Азинхьчаҩцәа иҩны иакәшаны игылоуп, аԥшаарақәа мҩаԥыргоит ҳәа ааицҳаит акоррреспондент аҭыԥ аҟынтәи.

Ашәарҭадаратә маҵзура апресс-маҵзураҟны ари аҭагылазаашьа ахҳәаа арҭом.

27