Пицундеи Цандрыԥшьи амҩақәа рремонт мчыбжьык аҩнуҵҟа ихыркәшахоит

19
Пицундеи, Цандрыԥшьи, Аҷандареи амҩақәа рремонт аанкылан иҟан аҳауатә ҭагылазаашьақәа инарыдҳәаланы.

АҞӘА, жәабран 3 – Sputnik, Бадри Есиава. Пицундеи Цандрыԥшьи амҩақәа рремонт мчыбжьык аҩнуҵҟа  ихыркәшахоит ҳәа иҳәеит Sputnik акорреспондент аинтервиу аҭо Аԥсны Акапиталтә ргылара аусбарҭа атехникатә хылаԥшра амаҵзура анџьныр Дикран Хынҭәба.

"Иацы абитум ҳауит. Уаҵәы инаркны аусурақәа ҳрылагоит. Пицундеи Цандрыԥшьи акаҭранқәҵара ҳалагоит, Аҷандара акаҭран ақәҵаразы амҩа архиара иаҿуп", - ҳәа иҳәеит Хынҭәба.

Пицундеи Цандрыԥшьи рҟны амҩақәа рремонт мчыбжьык аҩнуҵҟа хыркәшахоит амш иаҳнаҭар ҳәа иҳәеит иара. Уи ашьҭахь атехника Аҷандаратәи амҩахәҭахь ииагахоит. Уа ԥшь-километрак рҟынӡа ҟаҵатәуп. 2020 шықәса рзы Абӷархықәҟа ицо амҩа ф-километрак рҟынӡа аремонт ҟаҵан.

Пицундеи Цандрыԥшьи амҩақәа рремонт иалаган Аԥсны асоциал-економикатә ҿиараз Аинвестпрограмма аҳәаақәа ирҭагӡаны 2020 шықәса абҵарамзазы.

18 километра инаӡо амҩа ареспубликатә мҩаду аҟынӡа инеиуеит. Иара убри аамҭазы аремонт иалаган жә-километрак иҟоу Октиабртәи амҩа. Ԥхынҷкәынмзазы ари амҩа аремонт хыркәшан, иазԥхьагәаҭан егьырҭ ақыҭа амҩақәа рремонт алагара, аха амшцәгьақәа ирхырҟьаны иаанкылан.

Аремонт иалаган Аԥсны асоциал-економикатә ҿиараз Аинвестпрограмма аҳәаақәа ирҭагӡаны, аусурақәа мҩаԥнагоит "Амҩа-ргыларатә комбинат", ахылаԥшра ҟанаҵоит Аԥсны Акапиталтә ргылара аусбарҭа.

19

Ажьиԥҳа аҭыԥантәи адепутатцәа рзы: рҵарагьы ыҟазароуп, аԥсшәагьы рдыруазароуп

5
Тҟәарчал араион алхратә комиссиа алахәыла Рита Ажьиԥҳа арадио Sputnik арубрика "Раионк аԥсҭазаараҟынтә" аҳәаақәа ирҭагӡаны аҭыԥантәи ахаланапхгараҭаратә усбарҭақәа рахь алхрақәа реихшьаала ҟалҵеит.
Раионк аԥсҭазаараҟынтә: Ажьиԥҳа ахаланапхгараҭарақәа рахь алхрақәа ирызкны

Аԥсны аҭыԥантәи ахаланапхгараҭарахь алхрақәа мҩаԥысит мшаԥы 11 рзы.

"Адепутатрахь иқәгылаз акандидатцәа ҩажәаҩык рахьынтә 15-ҩык алхын. Иманшәаланы еилагарада имҩаԥысит алхрақәа. 5196- ҩык ашәҟәы иҭагалаз алхыҩцәа рҟынтәи 2052 -ҩык алхрақәа рхы рыладырхәит. Уи аԥхьа иҟаз ас еиԥш алхрақәеи дареи еиҿурԥшуазар, усҟан 2800-ҩык ыҟан алхыҩцәа. Актәи аилатәара мҩаԥысраны иҟоуп иааиуа ашәахьаҽны мшаԥы 19 рзы. 15-ҩык адепутатцәа рахьынтә ҩыџьа аҳәса ыҟоуп. Уи аԥхьа иҟаз адепутатцәа рахьынтә ҩыџьа ықәгылан, руаӡәк ҩаԥхьа далырхит, уи Тҟәарчалтәи араионтә хәышәтәырҭа аиҳабы Лали Гаргәылиа лоуп", - лҳәеит Ажьиԥҳа.

Ажьиԥҳа лгәаанагара лҳәеит аҭыԥантәи ахаланапхгараҭарақәа рахь инеиуа адепутатцәа зеиԥшразар акәу.

5

Аԥсны Атәанчахәытә фонд аҿы ашәарақәа зеиԥҟьо атәы рҳәеит

3
(ирҿыцуп 20:14 14.04.2021)
Аԥсны Атәанчахәытә фонд Аԥсны атәылауаа рҿаԥхьа руал 55 миллион мааҭ ыҟоуп. Аҭагылазаашьа аҭышәынтәалара алшоны иҟоуп 2021 шықәса ахԥатәи аԥшьбаразы.

АҞӘА, мшаԥы 14 - Sputnik. Аԥсуа тәанчахәқәа ршәара апандемиа аамҭа иахҟьеит, избанзар 2020 шықәсазы Атәанчахәытә фонд 130 миллион мааҭ амоуӡеит. Абри атәы радио Sputnik иазеиҭеиҳәеит Аԥсны Атәанчахәытә фонд ахантәаҩы Денис Гәылариа.

2020 шықәсазы акоммерциатә еиҿкаарақәа ашәахтәқәа рықәырхит апандемиа инадҳәаланы. Ари афонд ахь аԥаранашьҭра анырра анаҭеит.

Ахантәаҩы иажәақәа рыла Атәанчахәытә фонд ахь аԥара назмышьҭуаз акоммерциатә еиҿкаарақәа рымацара ракәым, аҳәынҭқарратә еиҿкаарақәагьы рыдҵақәа нарыгӡомызт.

Убас ауал ду ақәны иҟоуп АУН "Амшынеиқәафымцамч", иҳәеит Гәылариа.

"Аха дара ишьақәырӷәӷәоу аграфик ҳзаарышьҭит, ирҳәеит ЕгрыГЕС аусура ишалагалак Атәанчахәытә фонд ахь ахыԥхьаӡаларақәа ишрылаго", - иҳәеит Гәылариа.

Иахьазы реиҳа ауал ду зықәны иҟоу еиҿкаароуп АУН "Амшынеиқәафымцамч".

Ашәарақәа еиҵахоит иара убасгьы ареспубликаҿы аԥсуа тәанчахәы зауа рхыԥхьаӡара иацло иахьалагаз ҳәа иҳәоит Гәылариа.

2020 шықәса алагамҭаз ари ахыԥхьаӡара 6656-ҩык инаӡозар, шықәса анҵәамҭазы 8592-ҩык ҟалеит.

Иахьа Атәанчахәытә фонд аамҭа-аамҭала ашәарақәа мҩаԥнагоит. Аԥхьа иззыршәо категорианы иҟоу Аԥсны жәлар реибашьра аинвалидцәа роуп.

"56 миллион мааҭ ауал ҳақәуп. Ари хәажәкырамза иатәуп. Аха иара есыҽны еиҵахоит. Раион-раионла аԥарақәа ҳшәоит. Аибашьра иадҳәало акатегориақәа рҿаԥхьа Аҟәа, Аҟәа араион, Очамчыратәии Тҟәарчалтәии араионқәа рҟны ҳуал ҳшәеит, иаанханы иҟоуп Гагреи Гәылрыԥшьи араионқәа", - иҳәеит афонд ахантәаҩы.

Гәылариа иажәақәа рыла Афонд ахь аԥаралагалара адинамика аныԥшуа иалагеит. Аҭагылазаашьа аҭышәынтәалара алшоны иҟоуп 2021 шықәса ахԥатәи аԥшьбаразы ҳәа иҳәоит иара.

3