Терентий Чания

Ҳлитература аизҳазыӷьараҿы злагала дууз: иԥсҭазаара далҵит Терент Ҷаниа

41
(ирҿыцуп 15:19 04.02.2021)
84 шықәса дшырҭагылаз иԥсҭазаара далҵит Аԥсны Ашәҟәыҩҩцәа Реидгылеи Урыстәыла Ашәҟәыҩҩцәа Реидгылеи рлахәыла, ажурналист, апоет, арҵаҩы, Аԥсны акультура зҽаԥсазтәыз аусзуҩы Терент Михаил-иԥа Ҷаниа.

Sputnik, Наала Гәымԥҳа

Аԥсуа литература аҿиара, ашьақәгылара акыршықәса иааиԥмырҟьаӡакәан амаҵ азызуаз, иазааԥсоз, ашәҟәыҩҩы, апоет, арҵаҩы Терент Михаил-иԥа Ҷаниа иԥсҭазаара далҵит 84 шықәса дшырҭагылаз. Иара иааигәаны дыздыруаз, аус ицызуаз, гәалсра дула ирыдыркылеит иԥсҭазаара иалҵра.

Терент Михаил-иԥа иааигәаны ҷыдала дыздыруаз, аус ицызуаз Владимир Занҭариа иҩыза ду дигәаларшәо иҳәоит:

"Исгәалашәоит, Аинститут санҭаз 70-тәи ашықәсқәа рзы алитературатә хеидкыла агәыԥқәа еиҿкааны иҳаман, убраҟа ашәҟәыҩҩцәа еизон, Терент Михаил-иԥа урҭ раԥхьа дгылан. Хаҭала иара ҳҭаацәара дазааигәан, саб иашьеи иареи еиҩызцәа бзиақәан. Анатоли Аџьынџьали иареи акырынтә ҳаҩныҟа инеихьан, шаанӡа итәаны ицәажәон, ачеиџьыка рыбжьан. Терент Ҷаниа даара илагала дууп ҳлитература аизҳазыӷьара, аиҵыҵра, ԥхьаҟатәи аԥеиԥш бзиа аҟны", - иҳәоит иара.

Занҭариа излазгәеиҭаз ала, Терент Ҷаниа еицырдыруа аԥсуа ашәақәа 50 рҟынӡа дравторуп.

"Ашәаҳәара дазҟазан, ибзианы амузыкатә шьҭыбжьы гәникылон. Ақәра аздырӡомызт ибаҩхатәра, 80 шықәса дшырҭагылазгьы аҩымҭа ҟаимаҭкәа аԥиҵон. Дуаҩы аамсҭашәан, иныҟәашәала, иаԥсшәаҳәашьала, унеишь-уааишь ҳәа зарҳәоз, аԥсуа хаҵа, аинтеллигент ҳәа ззырҳәоз иакәын", - абас дигәалаиршәоит зыдунеи зыԥсахыз иҩыза еиҳабы.

Апоет, ауаажәларратәи аполитикатәи усзуҩ Геннади Аламиа Терент Ҷаниа дигәаларшәо, иҳәоит аԥсуа литература аԥсҭазаара мацара акәымкәа, ҳажәлар зегьы рыԥсҭазаара далҵит ҳәа.

"Зеиԥш дыҟамыз ҳәа ззуҳәартә иҟаз уаҩын, санхәыҷыз аахыс дыздыруеит, аус еицаҳуан. Иҽымԥсахкәа, иуаҩра аханатә ишьҭихыз иманы амҩа данын. Исцәыуадаҩуп иара ихцәажәара, аԥсуа литература аԥсҭазаара мацара акәымкәа, ҳажәлар зегьы рыԥсҭазаара далҵит ҳәа исыԥхьаӡоит", - иҳәеи Аламиа.

Терент Ҷаниа ибаҩхатәра мацара акәымкәа, уи илаз ауаҩрагьы азгәарҭоит ихцәажәо зегьы.

"Терент "сара" ҳәа мҳәаӡакәа иуаҩра, ибаҩхатәра, ихаҭара аазырԥшуаз иҭоурых ҟаиҵеит. Иажәеинраалақәа, иашәақәа ижәлар ирыхирҵәеит. Иашәақәа иахьеи-уахеи иҳаҳауеит, ҳлымҳа иҭаҩуеит, уигьы насыԥуп. Ауаҩы иара даныҟам иажәа, иашәа нхоит ҳәа ирҳәо башаӡам. Ауаҩра иара анцәа изишаны ауаа рызшатәыс имазшәа акәын дшыҟаз", - иҳәеит Аламиа.

Диит Терент Ҷаниа жәабран 10, 1937 шықәсазы Очамчыра араион Кәтол ақыҭан. Аҵара иҵон Кәтолтәи аиҵбыратә школ аҟны, анаҩс Д. Гәлиа ихьӡ зху Тамшьтәи абжьаратә школ аҟны. 1955 шықәсазы дҭалоит Аҟәатәи Аҳәынҭқарратә апедагогикатә институт афилологиатә факультет. 1961-1963 шықәсқәа рзы арратә маҵзура дахысуан. Арратә маҵзура ихыганы данааи, аус иуан арҵаҩы-ааӡаҩыс, аԥсуа бызшәеи алитературеи рырҵаҩыс Аҟәатәи аԥсуа школ-интернат № 1 аҟны, 1967 шықәсазы агазеҭ "Аԥсны Ҟаԥшь" амаӡаныҟәгаҩ ихаҭыԥуаҩыс. Раԥхьатәи иажәеинраалақәа акьыԥ ахь ицәырҵуа иалагеит 1965 шықәса инаркны. Терент Ҷаниа дравторуп апрозеи апоезиеи знылахьоу 25 инарзынаԥшуа ашәҟәқәа. Раԥхьатәи иажәеинраалақәа рнылеит аизга "Уԥры, сара сашәа", "Сылашара".

Иара убас шәаԥхьар ҟалоит:

41

Аԥсны даҽа 21 акоронавирустә хҭыс ҿыц ашәҟәы иҭагалоуп

1
(ирҿыцуп 22:16 05.03.2021)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 12952-ҩык ыҟоуп, ргәы бзиахеит 12400-ҩык, рыԥсҭазаара иалҵит 203-ҩык.

АҞӘА, хәажәкыра 5– Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 234-ҩык атестқәа рзыҟаҵан, урҭ рахьтә 21-ы акоронавирус рцәа ишалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 34-ҩык, урҭ рахьтә 21-ы акоронавирус адиагноз рзышьақәыргылоуп, рҭагылазаашьа бааԥсуп фҩык, ибжьаратәуп -16-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 14-ҩык апациентцәа, Очамчыра ирхәышәтәуеит фҩык, Тҟәарчалтәи ахәышәтәырҭаҿы - хҩык, Гагратәи ахәышәтәырҭаҿы - жәаҩык.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит аҿкычымазара рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа зегьы шәрыԥхьар ҟалоит абра>>

1
Атемақәа:
Аҿкычымазара – акоронавирус Аԥсни адунеи аҿи: иалкаау

Какалиа "Ақыҭанхамҩа аҿиареи, аинновациеи рзы ацентр" иазкны

4
(ирҿыцуп 22:05 05.03.2021)
Ақыҭанхамҩа ԥасатәи аминистр Амиран Какалиа арадио Sputnik аефир аҟны еиҭеиҳәеит анаплак ҿыц "Ақыҭанхамҩа аҿиареи, аинновациеи рзы ацентр" ахықәкы, инанагӡараны иҟоу аусқәа ртәы.
Ҳазлацәажәаша ҳамоуп: Какалиа "Ақыҭанхамҩа аҿиареи, аинновациеи рзы ацентр" иазкны

Аҟәа имҩаԥысит "Ақыҭанхамҩа аҿиареи, аинновациеи рзы ацентр" захьӡу анаплак ҿыц аалыҵ аӡыргара иазкыз аусмҩаԥгатә. Аӡыргарахь инаган еиуеиԥшым ахәаҷа-маҷақәа рнырҵәаразы рхы иадырхәо ҩынҩажәа рҿынӡа ахәшәқәа. Аиҿкааҩцәа излазгәарҭо ала, ари коммерциатә проектуп. Уи напхгара аиҭоит ақыҭанхамҩа ԥасатәи аминистр Амиран Какалиа.

Шәазыӡырҩы аудио.

4