Арепатриациа афонд 50 миллион мааҭ ахԥатәи ахшара изшәара иазоунажьит

22
(ирҿыцуп 10:21 05.02.2021)
Апрограмма "Адемографиа аҿиара 2021" аҳәаақәа ирҭагӡаны аԥсуа милаҭ иеиуоу аҭаацәараҿы ахԥатәии ишьҭанеиуеи ахәыҷи рираан ирзыршәоит 100 000 мааҭ.

АҞӘА, жәабран 5 – Sputnik. Арепатриациа афонд 50 миллион мааҭ ахԥатәи ахшара изшәара иазоунажьит 2021 шықәсазы ҳәа Sputnik иазеиҭеиҳәеит афонд адиректор Енвер Чамагәуа.

"2020 шықәсазы Аԥсны аиҳабыра ахԥатәи ахшара изы аԥарашәара анапы ианнаҵеит Арепатриациа афонд. Ҳара аиуристтә хаҿқәеи ахатәхаҿқәеи иршәо ашәахтә 2 процентктәи аизак аҟынтәии азеиԥш биуџьет аҟынтәии 50 миллион мааҭ наҳашьҭуеит хҩыки ма инеиҳани ахәыҷқәа ахьиуа аҭаацәарақәа рахь", - ҳәа иҳәеит Чамагәуа.

Иара иажәақәа рыла, 2020 шықәсазы ацхыраара рыҭан 470-ҩык. Есышықәса еивыгара дук ыҟамкәа 450 - 490 ҭаацәара ашәарақәа роуеит. 2020 шықәса ԥхынҷкәын анҵәамҭеи 2021 шықәса ажьырныҳәеи рзы 40-ҩык рҟынӡа аԥара рызшәахоит.

"Ԥхынҷкәын аҵыхәтәантәи амчыбжь азтәи рзаҳалқәак аанхеит. Адокументқәа ихьшәаны иахьаашьҭыз азы ашәарақәа 2021 шықәсахьы ииаагеит", - ҳәа иҳәеит иара.

Апрограмма аҳәаақәа ирҭагӡаны аԥсуа милаҭ еиуоу аҭаацәарақәа ахԥатәи рыхшареи ирышьҭанеиуеи цхыраагӡак аҳасаб ала аԥара рзыршәоит. Уаанӡа аԥарашәара мҩаԥнагон адемографиатә биуџьетнҭыҵтә фонд "Азҳара". 2020 шықәса рзы "Азҳара" апроект Аԥсадгьыл ахь архынҳәреи адемографиеи рзы аминистрра иаҭан.

Шәкы-шәк нызқь мааҭ рзыршәоит милаҭла иаԥсыуаау аҭаацәарақәа. Убри азы аҭаацәа аилак ахь инеины арзаҳал рҩыроуп. Арзаҳал иацзароуп атәылауаҩшәҟәқәа рыхкьыԥхьаа, аҭыӡҭыԥ аҟынтә аршаҳаҭга, ахәыҷқәа риразы аршаҳаҭга, аҭаацәара алаларазы аршаҳаҭга рыхкьыԥхьаақәа.

22

Барганџьиа: атәылаҿы иҟоу атехника зегьы ацәаӷәара аамҭазы еиқәыршәахоит

2
(ирҿыцуп 09:56 05.03.2021)
Ацәаӷәаразы араионқәа рҿы амашьынатә-трактортә станциақәа ахьынӡазыхиоу атәы арадио Sputnik аефир аҿы еиҭеиҳәеит, ақыҭанхамҩа аминистрра агрономиа аҟәша аиҳабы Едуард Барганџьиа.
Хра злоу ахҭысқәа: Барганџьиа араионқәа ацәаӷәара разырхиара иазкны

"Ацәаӷәара аамҭа макьана имааицт, аха уи азы иҳамоу атехника архиаразы аусура мҩаԥысуеит. Ақыҭанхамҩа аминистрраҿы иаԥҵан акомиссиа, араионқәа рахь иныҟәон, игәарҭон атехниказы аҭагылазашьаа зеиԥшроу атәы. Уажәнатә иуҳәар ҟалоит атәылаҿы иҟоу атехника зегьы еиқәыршәахоит ҳәа, иагыз ҟаҵахоит. Ацәаӷәара зҭаху иҟаиҵоит аҳәара, анаҩс инеины ирцәаӷәоит. Ҳара иҳамоу атехникала ҵыԥх аасҭа сынтәа аиҳа ҩынтә еиҳаны иаҳцәаӷәарҭә алшара ҳамоуп, аха ацәаӷәара аамҭа анааилак, иаразанак зегьы рҿы иузыцәаӷәаӡом, амшцәгьагьы уи аус еиԥнарҟьоит. Астанциа ақалақь аҿоуп иахьыҟоу, атехника ақыҭақәа рахь ицароуп, уигьы аамҭа агоит. Знык дахьцо даҽа ҩынтә-хынтә ацара иқәшәоит, избанзар, зегьы аԥара еицрымам", - ҳәа еиҭеиҳәеит Барганџьиа.

Иаҳа инеиҵыху аиҿцәажәара шәазыӡырҩыр шәылшоит аудио аҿы.

Иара убас шәаԥхьар ҟалоит:

2

Бжьаниа Гәдоуҭа араион ахадас Боџьгәуа икандидатура еиҭа инаишьҭит

3
(ирҿыцуп 09:29 05.03.2021)
Гәдоуҭа араионтә еизара адепутатцәа Баграт Боџьгәуа араион ахадас дшьақәыдмырӷәӷәеит ажьырныҳәа 29 рзы имҩаԥысыз аилатәараҿы.

АҞӘА, хәажәкыра 5 – Sputnik, Бадри Есиава. Аԥсны ахада Аслан Бжьаниа Гәдоуҭатәи араионтә еизарахь ашәҟәқәа неишьҭит араион ахадас Баграт Боџьгәуа икандидатура ахәаԥшразы ҳәа аанацҳауеит ахада ипресс-маҵзура.

Апресс-маҵзураҿы ишырҳәаз ала адокумент анапы аҵаҩын жәабран 26 рзы.

Баграт Боџьгәуа Гәдоуҭа араион ахада инапынҵақәа назыгӡо ҳәа дҟаҵан Аԥсны ахада Аслан Бжьаниа идҵала 2020 шықәса, лаҵарамзазы. Боџьгәуа ари аҭыԥ аҿы диԥсахит Руслан Ладариа.

Гәдоуҭа араионтә еизара адепутатцәа Боџьгәуа араион ахадас дшьақәыдмырӷәӷәеит ажьырныҳәа 29 азтәи реилатәараҿы. Уи азы бжьык игхеит.

Аконституциатә процедура инақәыршәаны атәыла ахада азин имоуп 30 мшы рыҩныҵҟа аҽазныкгьы Боџьгәуа икандидатура адепутатцәа ирыдигалар, мамзаргьы аҽа кандидатурак рыдигалар.

Аизараҿы ақалақь, араион ахадас зыӡбахә ҳәо икандидатура рыдрымкылар, атәыла ахада азин имоуп аамҭала анапынҵақәа назыгӡо иаҭара.

Араион, Аҟәа ақалақь, аҳабла, ақыҭа ахадас дҟалар илшоит Аԥсны атәылауаҩ, 30 шықәса ирҭысхьоу, 5 шықәса еиҵамкәа аџьатә ԥышәа змоу.

3