Аԥсны иҟоу Урыстәыла Ацҳаражәҳәарҭаҿ иаԥҵахар ҟалоит аџьынџьуаа рзы Ахеилак

13
(ирҿыцуп 18:12 05.02.2021)
Аԥсны иҟоу Урыстәыла Ацҳаражәҳәарҭаҿ аџьынџьуаа русқәа рзы ауаажәларра-консультативтә Хеилак аԥҵара аԥшьган 2020 шықәса анҵәамҭазы.

АҞӘА, жәабран 5 - Sputnik. Аԥсны иҟоу Урыстәыла ацҳаражәҳәаҩ Алексеи Двинианини Россотрудничество анапхгаҩ ихаҭыԥуаҩ Алексеи Полковникови Аԥсны иҟоу Урыстәыла Ацҳаражәҳәарҭаҿ аџьынџьуаа русқәа рзы ауаажәларра-консультативтә Хеилак аԥҵаразы аԥшьгамҭа адгылара арҭеит ҳәа аанацҳауеит Аԥсны аурыс уаԥшьи Аԥсны Амшынеиқәатә казақцәа рыри рыпресс-маҵзура.

Алексеи Двинианин иҳәеит 2019 - 2020 шықәсқәа рзы Ацҳаражәҳәарҭеи Россотрудничество ахаҭарнакреи рыҽшазыршәахьаз Аԥсны инхо урыстәылаа ринтересқәа ирыдгыло аструктурақәа рхаҭарнакцәа реидкылара. Аха иара иажәақәа рыла "аиҿкаарақәа рнапхгаҩцәақәак рыбжьара инымҵәаӡо аимак-аиҿак аурыс уаԥшь аидкылара иаԥырхагоуп".

Ацҳаражәҳәаҩ иҳәеит ишахәҭоу Ахеилак аԥырҵаанӡа ареспубликаҿы хкырацәала иаԥҵоу аиҿкаарақәа рнапхгаҩцәа рыбжьара ажәеицҿакра алыршаны заанаҵтәи аусура амҩаԥгара.

"Аконсенсус азнеиреи, ауаажәларра-консультативтә хеилак аԥхьатәи аиԥылара амшхәаԥштә азҵаара апроект аус адулара алыршареи рышьҭахь ҳара ҳзы (Ацҳаражәҳәарҭаз) аԥшьгамҭа адгылара аҭара хьӡы дуӡӡан", - иҳәоит Алексеи Двинианин.

Адипломат иҳәеит Ацҳаражәҳәарҭа Аԥсны иҟоу аурыс еиҿкаарақәа зегьы неилымхрада ишырзыҟоу.

Урыстәыла ацҳаражәҳәаҩ ипозициа адгылара аиҭеит Россотрудничество анапхгаҩ ихаҭыԥуаҩ Алексеи Полковников. Иара иҳәеит Ацҳаражәҳәарҭаҿы ауаажәларра-консультативтә хеилак аԥҵара аурыс уаԥшьқәа реидкыларазы хра ду аманы иҟалоит ҳәа.

2020 шықәса анҵәамҭазы "Аԥсны аурыс уаԥшь", "Аԥсны иҟоу Амшынеиқәатәи аказақцәа рыр", "Аԥсны аказақцәеи аибашьра иалахәыз аказақцәа-аветеранцәеи Реидгыла", Аԥсни, Урыстәылеи, ДЖәРИ, ЛЖәРи рыбжьара аизыҟазаашьақәа рырҿиаразы Афонд "Отечество", "Аԥсны инхо урыстәылатәи аџьынџьуаа аекономикатә цхыраара рыҭараз Ассоциациа, "Аԥснытәи аказақцәа руаԥшь" Аԥсны иҟоу Урыстәыла ацҳаражәҳәаҩ иахь аофициалтә шәҟәы нарышьҭит Аԥсны иҟоу Урыстәыла Ацҳаражәҳәарҭаҿ аџьынџьуаа русқәа рзы ауаажәларра-консультативтә Хеилак аԥҵаразы.

Ахеилак аԥҵара аԥшьгаҩцәа ргәаанагарала уи иалнаршоит Аԥсны инхо Урыстәыла атәылауаа зегьи Аԥсни Урыстәылеи рҳәынҭқарратә мчрақәеи рзы аусеицуреи аинырреи рымҩаԥгара.

13

Иҳаҩсыз уахыки-ҽнаки рыла Аԥсны акоронавирус ҩажәаҩык ирыдырбалеит

6
(ирҿыцуп 21:06 24.02.2021)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 12745-ҩык ыҟоуп, ргәы бзиахеит 12097-ҩык, рыԥсҭазаара иалҵит 196-ҩык.

АҞӘА, жәабран 24 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 260-ҩык атестқәа рзыҟаҵан, урҭ рахьтә 20-ҩык акоронавирус рцәа ишалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 49-ҩык, урҭ рахьтә 43-ҩык акоронавирус адиагноз рзышьақәыргылоуп, рҭагылазаашьа бааԥсуп 16-ҩык, ибжьаратәуп - 14-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 12-ҩык апациентцәа, Очамчыра ирхәышәтәуеит быжьҩык, Тҟәарчалтәи ахәышәтәырҭаҿы - хҩык, Гагратәи ахәышәтәырҭаҿы - 13-ҩык, Аҟәатәи амобилтә госпиталь аҟны ишьҭоуп акоронавирус зыдбалоу 14-ҩык апациентцәа.

Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 12745-ҩык ыҟоуп, ргәы бзиахеит 12097-ҩык, рыԥсҭазаара иалҵит 196-ҩык.

Акоронавирус иазку ажәабжьқәа зегьы шәрыԥхьар ҟалоит абра>>

6
Атемақәа:
Аҿкычымазара – акоронавирус Аԥсни адунеи аҿи: иалкаау

Џьопуа Тҟәарчалтәи аџьармыкьазы: апроект ала иаартны иазгәаҭоуп, аха иаркызар иаҳа еиӷьхон

12
(ирҿыцуп 19:41 24.02.2021)
Тҟәарчалтәи аџьармыкьа аиҳабы Сасрыҟәа Џьопуа арадио Sputnik аефир аҿы еиҭеиҳәеит аџьармыкьаҿы ицо аргыларатә усурақәа ртәы.
Раионк аԥсҭазаараҟынтә: Џьопуа Тҟәарчалтәи аџьармыкьа аиҭашьақәыргылара иазкны

"Аремонттә усурақәа ирзоурыжьран иҟоуп 3 миллионки 500 нызқь мааҭи. Урҭ аԥарақәа ҳарзыԥшуп. Апроект ала аџьармыкьа аартны иазгәаҭоуп, аха иаркызар иаҳа еиӷьхон. Уажәы ахәаахәҭразы аџьармыкьахь иааиуа ауаа маҷуп. Иахьықәгыло ыҟаӡам, ақәа леи, асы леи, адәы иқәгылазароуп. Бедиа ибгаз амҩа иахҟьаны аџьармыкьаҿы ахәаахәҭыҩцәа агхеит. Уажәы ауаа адәахьы ихәаахәҭуеит, астолқәа ргыланы ирымоуп", - ҳәа еиҭеиҳәеит Џьопуа.

Иаҳа инеиҵыху аиҿцәажәара шәазыӡырҩыр шәылшоит аудио аҿы.

12