Аԥсны алахәхоит Шәача имҩаԥысуа Аҿар рышықәс ауснагӡатәқәа

13
(ирҿыцуп 10:14 06.02.2021)
Аҟәа ақалақь ахада Беслан Ешбеи Шәача ақалақь ахада Алексеи Копаигородски еиԥылеит жәабран 5 рзы.

АҞӘА, жәабран 5-Sputnik. Аԥсуа ҿар алахәхоит Аҿар рышықәс аҳәаақәа ирҭагӡаны имҩаԥгахо акультуратәи аспорттәи унагӡатәқәа, Шәача, абри азы еиқәшаҳаҭхеит Шәачеи Аҟәеи ақалақьқәа рхадацәа реиԥылараҿы, иаанацҳауеит ақалақь ахадара апресс-маҵзура.

"Аԥсни Урыстәылеи рыбжьара ишьақәырӷәӷәоуп астратегиатә еиҩызара. Сгәыӷуеит, ҳаимабзиара ҳақалақьқәа руааԥсыра рзы ихәарҭахап", - ҳәа иҳәеит Беслан Ешба.

Алексеи Копаигородски иазгәеиҭеит, Аҟәа ақалақь ахадеи иареи реиқәшәара атуризми, аспорти, акультуреи, аҿартә политикеи рхырхарҭақәа рҟны аусеицуразы ауасхыр азышьҭанаҵуеит ҳәа.

Аганқәа иара убас иалацәажәеит ахәаахәҭра-аекономикатә усеицуразы, хаҭала аԥсуа ган аалыҵ Шәача аӡыргаразы, Шәачатәи аалыҵ Аҟәа ацәыргақәҵаразы, иара убас еиқәшаҳаҭхеит афорумқәеи, ацәыргақәҵақәеи, ақыҭанхамҩатә аалыҵқәа рџьармыкьақәа реицалахәхара.

Иара убас шәаԥхьар ҟалоит:

13

Аԥсны акоронавирус даҽа 19-ҩык ирыдырбалеит

12
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 12861-ы ыҟоуп, ргәы бзиахеит 12387-ҩык, рыԥсҭазаара иалҵит 202-ҩык.

АҞӘА, хәажәкыра 2– Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 208-ҩык атестқәа рзыҟаҵан, урҭ рахьтә 19-ҩык акоронавирус рцәа ишалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 34-ҩык, урҭ рахьтә 28-ҩык акоронавирус адиагноз рзышьақәыргылоуп, рҭагылазаашьа бааԥсуп 7-ҩык, ибжьаратәуп -19-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу жәаҩык апациентцәа, Очамчыра ирхәышәтәуеит ԥшьҩык, Тҟәарчалтәи ахәышәтәырҭаҿы - хҩык, Гагратәи ахәышәтәырҭаҿы - 11-ҩык.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа зегьы шәрыԥхьар ҟалоит абра>>

12
Атемақәа:
Аҿкычымазара – акоронавирус Аԥсни адунеи аҿи: иалкаау

Џьопуа Гәылрыԥшь афымцалашара ахархәаразы: иаҳзыԥҵәоу арбага ҳахысран ҳаҟам

28
(ирҿыцуп 20:25 02.03.2021)
Гәылрыԥшь араион ахада ихаҭыԥуаҩ Асҭамыр Џьопуа арадио Sputnik аефир аҿы еиҭеиҳәеит араион аҿы афымца ахархәара хылаԥшра азызуа аштаб аусура атәы.
Раионк аԥсҭазаараҟынтә: Џьопуа Гәылрыԥшь афымца ахархәара хылаԥшра азызуа аштаб

"Гәылрыԥшь араион аамҭакала 34 мегаватт афымца ахархәаразы азин амоуп. Уажәы ашколқәеи ахәыҷбаҳчақәеи аусура иалагеит, уи инамаданы афымцалашара ахәархәара иаҳа иацлеит, аха ҳраион иазоужьу арбагақәа ҳархымсӡеит, убри аҟнытә аҭагылазаашьа цәгьам ҳәа ахыуҳәаартә иҟоуп. Ҳара иазыԥҵәоу арбага ҳахысрангьы ҳаҟам. Акаҭрантә зауад аҿы аус зуаз амаинингтә ферма акәзар, уаанӡагьы иаҿаҳхьан, уи аферма еиҳагьы еиҳан, маҷ-маҷ ақәгара иаҿын. Иахьазы уи азауад аҿы акгьы ыҟаӡам. Аштаб еиҿкаауижьҭеи 20 ферма инарзынаԥшуа аҿыхуп. Иҟоуп актәи амш инаркны аԥшәмацәа аилкаара аарԥшны иаҿызхыз, уи ашьҭахьгьы иаҿазымкыз. Иҟоуп еиҭа иаҿазкуагьы, урҭ рфермақәа зынӡагьы иқәыргартә аҟынӡа ҳазнеит, иахьазы быжь-фермак араион аҿы зынӡагьы иқәгоуп", -  еиҭеиҳәеит Џьопуа.

Иаҳа инеиҵыху аиҿцәажәара шәызыӡырҩыр шәылшоит аудио аҿы.

28
Атемақәа:
Аԥсны аенергетика апроблемақәа