Аԥсуа тәанчахәқәа абанкоматқәа рҿы рамхра ҟало иалагоит

20
Аԥсны нанҳәа 17 раахыс атәанчахәытә шәарақәа абанктә хсаалагақәа ирхымԥхьаӡалакәа абанктә кассақәа рҟынтәи рыҭара иалагеит.

АҞӘА, жәабран 8 - Sputnik, Бадраҟ Аҩӡба. Аԥсуа тәанчахәқәа хара имгакәа абанкоматқәа рҿы рамхра ҟало иалагоит ҳәа иҳәеит Sputnik аинтервиу азҭаз Аԥсны атәанчахәытә фонд ахантәаҩы Денис Гәылариа.

Арахь иаҵанакуеит Урыстәылатәи атәанчахәқәа змауа атәанчаҩцәа ркатегориа.

"Арахь иаҵанакуам Урыстәылатәи атәанчахәы зауа. Ишыжәдыруеиԥш урҭ рзы ашәарақәа абанктә хсаалагақәа рыла рынашьҭра ааныркылеит ареспублика ауааԥсыра рҟынтә џьоукы-џьоукы рыуацәа рыԥсҭазаара ианалҵ ашьҭахьгьы рыхьӡала атәанчахәы амырхуан азы", - иҳәеит иара, иагьазгәеиҭеит асеиԥштәи аилагарақәа аԥсуа тәанчахәы зауаз рганахьалагьы ишазгәаҭаз.

Убри аан Аԥсны Атәанчахәытә фонд гәахәараны иаԥхьаӡоит атәанчаҩцәа абанктә хсаалагақәа рзырхынҳәра, аиҳаракгьы атәанчаҩцәа агәаран рықәгылара еиёха иахьырмаҷхо азы ҳәа азгәеиҭеит Гәылариа.

"Ауаа ари рзыманшәалоуп, ианырҭаху иахьырҭаху абанкомат аҿы ртәанчахәы амырхуеит", - ҳәа иҳәоит Атәанчахәытә фонд ахантәаҩы.

Иара иҳәеит аамҭа-аамҭала афонд ахь атәанчахәы зауа рзы адыррақәа шынарышьҭуагьы, иуадаҩуп атәылауаа рганахьала изакәаным аумҭақәа рышьклаԥшра ҳәа, аха уаанӡатәи аԥарашәара асистемахь  аиасра уеизгьы ииашоуп ҳәа азиԥхьаӡоит Денис Гәылариа.

Зынӡа Аԥсны 47 нызқьҩык атәанчаҩцәа ыҟоуп, урҭ рҟынтәи урыстәылатәи атәанчахәы зауа – 30 000-ҩык ыҟоуп.

Аԥсны Атәанчахәытә фонд мацара аҟынтәи атәанчахәқәеи ацхыраагӡақәеи зауа 17 нызқьҩык ыҟоуп. Урҭ рахьтә рықәрахь иахьнеиз азы аԥсуа тәанчахәы зауа аа-нызқьҩык роуп иҟоу. Абанкоматқәа рыла аԥараиурахь идырхынҳәуеит Аԥсны Атәанчахәытә фонд аҟынтәи мацара аԥарашәарақәа зауа 17 нызқьҩык атәылауаа.

Иара убас шәаԥхьар ҟалоит:

20

"Аруаа" адҵа ҟарҵоит ҩаӡарарацәалатәи Қырҭтәыла алацәажәарақәа ирҟәаҵтәуп ҳәа

14
Аҩаша, хәажәкыра 2 рзы Аҟәа, Ахақәиҭра ашҭаҿы еизаз рҟынтәи ҩышәҩык рҟынӡа Аԥсны Жәлар Реизара ахыбрахь инеиит адепутатцәа ирыҿцәажәарц уаанӡатәи ахада иабжьгаҩ Бенур Қәираиа Қырҭтәыла иҟазаара иазкны.

АҞӘА, хәажәкыра 2 - Sputnik. Апарламент ахь инеиз аоппозициатә партиа "Аруаа" адҵа ҟарҵоит Аԥсны адәныҟаполитикатә концепциаҿы ҩаӡарарацәалатәи Қырҭтәыла алацәажәарақәа ирҟәаҵтәуп ҳәа.

"Арҭ ауаа – ақырҭцәа, ҳара ҳраӷаны ҳарбоит. Урыстәылатәи аҳәаахьчаҩцәа ракәымзар егьараантә абџьар шьҭыхны иҳақәлахьазаарын. Аахыҵ Уаԥстәыла иҟалаз ҳара ҳҿгьы иҟарҵон. Ахада иконцепциаҿы иарбоуп ҩаӡарарацәалатәи аизыҟазаашьақәа, ари иалацәажәатәума ҳәынҭқарраны ҳрымԥхьаӡозар?", - иҳәеит аиҿкаара "Аруаа" алахәыла Ҭемур Надараиа.

Надараиа иара убасгьы дазааҭгылеит ахәаахәҭратә еизыҟазаашьа. Аполитикатә зҵаарақәа ӡбамкәа ахәаахәҭра азҵаара алацәажәара иашам ҳәа азиԥхьаӡоит иара.

"Ҳара иаҳҭаху иацы ирылаҵәаз авидео азы адепутатцәа ргәаанагара адырреи, Апарламент аполитикатә зҵаарақәа рыӡбаанӡа иарбанызаалак ахәаахәҭратә формақәа ралмыршараз азакәан адкылареи роуп", - иҳәеит Надараиа.

Иара иҳәеит Қырҭтәыла алахәаахәҭра аԥсадгьыл аинтересқәа рыҭира акәны ишахәаԥштәу.

Аҩаша, хәажәкыра 2 рзы Аҟәа, Ахақәиҭра ашҭаҿы ауаажәларратә еиҿкаара "Аруаа" ааԥхьара ҟанаҵеит ачынуаа Қырҭтәыла рцара згәы амырҭынчуа зегьы еизарц азы.

Ахақәиҭра ашҭаҿы еизаз рҟынтәи ҩышәҩык рҟынӡа Аԥсны Жәлар Реизара ахыбрахь инеиит адепутатцәа ирыҿцәажәарц уаанӡатәи ахада иабжьгаҩ Бенур Қәираиа Қырҭтәыла иҟазаара иазкны.

Ауаажәларратә еиҿкаарақәа рхаҭарнакцәа – ауаажәларратә ветерантә еиҿкаара "Аруаа" аиҳабы Ҭимур Гәлиа, АУЕ "Аруаа" Иреиҳаӡоу ахеилак алахәыла Ҭемур Надараиа, апартиа "Аԥсны" аиҳабы Витали Габниа, Жәлар ракзаара Афорум аиҳабы Аслан Барцыц Бенура Қвираиа иумҭа ахәшьара аҭаразы Апарламент адепутатцәа рыҿцәажәаразы инеиит. Аицәажәара ашьҭахь дара ахада иахь инеираны иҟоуп.

Уаанӡа аопоззициатә партиақәа рхаҭарнакцәа аҳәамҭа ҟарҵахьан Бенур Қәираиа ԥхьатәара ицаразы адҵа шыҟаҵахо азы. Убри аан ахада Иусбарҭа аҳәамҭа ҟанаҵеит Қвираиа жәабран 19 рзы инапынҵақәа шьҭеиҵеит ҳәа.

"Аԥсны Аҳәынҭқарра адәныҟатә политика аконцепциазы" адҵа Аслан Бжьаниа инапы аҵеиҩит ԥхынҷкәын 7 рзы.

Аконституциа инақәыршәаны атәыла ахада иҳәаақәиҵоит адәныҟатәии аҩныҵҟатәии политика ахырхарҭақәа.

Иара убас шәаԥхьар ҟалоит:

14

Аԥсны Апарламент аԥхьа еизаз рҟынтәи ԥшьҩык адепутатцәа рахь инеиит

29
(ирҿыцуп 15:56 02.03.2021)
Аԥсны Апарламент ахьиниуеит ауаажәларра, аоппозициа, апартиақәа рхаҭарнакцәа ахада уаанӡатәи иабжьгаҩ иумҭа иақәыӡбарц.

АҞӘА, хәажәкыра 2 - Sputnik, Асмаҭ Ҵәыџьԥҳа. Ауаажәларратә еиҿкаарақәа рхаҭарнакцәа Бенур Қәираиа иумҭа ахәшьара аҭаразы Апарламент адепутатцәа рыҿцәажәаразы инеиит.

Аделегатцәа ауаажәларратә ветерантә еиҿкаара "Аруаа" аиҳабы Ҭимур Гәлиа, АУЕ "Аруаа" Иреиҳаӡоу ахеилак алахәыла Ҭемур Надараиа, апартиа "Аԥсны" аиҳабы Витали Габниа, Жәлар ракзаара Афорум аиҳабы Аслан Барцыц.

Аҩаша, хәажәкыра 2 рзы Аҟәа, Ахақәиҭра ашҭаҿы ауаажәларратә еиҿкаара "Аруаа" ааԥхьара ҟанаҵеит ачынуаа Қырҭтәыла рцара згәы амырҭынчуа зегьы еизарц азы.

Абри ашьҭахь Ахақәиҭра ашҭаҿы еизаз рҟынтәи ҩышәҩык рҟынӡа Аԥсны Жәлар Реизара ахыбрахь инеиит адепутатцәа ирыҿцәажәарц уаанӡатәи ахада иабжьгаҩ Бенур Қәираиа Қырҭтәыла иҟазаара иазкны.

Иара убас шәаԥхьар ҟалоит:

29