Гагратәи атуристтә базақәа 2021 шықәсазы аҿаҵаразы еиҳа ирҭаху аҭыԥқәа ирыҵаркит

12
(ирҿыцуп 13:03 09.02.2021)
Атуристтә базақәа рҿы ҭаацәала аԥсшьара зҭаху атуристцәа рхыԥхьаӡара 6 - 8 процент рыла иацлеит ҵыԥх иаҿырԥшны.

АҞӘА, жәабран 9 - Sputnik. Гагратәи атуристтә базақәа 2021 шықәсазы аҿаҵаразы еиҳа ирҭаху аҭыԥқәа ирыҵаркит ҳәа аанацҳауеит TVIL.RU асаит.

Аекспертцәа иазгәарҭеит 2021 шықәсазы атуристцәа еиҳа зыхә мариоу аԥсшьара-формақәа алырхуа иалагеит ҳәа, убри азы аҭыԥқәа заанаҵы иҿарҵоит абнараҿ, аӡиасқәеи аӡиақәеи ирхықәгылоу атурбазақәа алырхуа иалагеит ҳәа.

Астатистикатә дыррақәа рыла, 48% аҭаацәарақәа атурбазақәа рҿы аҩнхәыҷқәа аҿарҵоит, 22% - аԥсшьарҭатә базақәа рҿы, 12% ақалақь анҭыҵҟа ацаразы акоттеџьқәа ааныркылоит.

Атуристцәа реиҳараҩык уахык инаркны 12 уха рҟынӡа иаангылоит, уахыки-ҽнаки рзы инырхуеит зықь мааҭ инаркны 12 нызқь мааҭ рҟынӡа.

Урыстәылаа еиҳа имарианы атурбазатә ҩнқәа роуеит Гагреи Оленевкеи - зықь мааҭ, Ҟрым – ҩ-нызқь мааҭ.

Амаҵзура TVIL.RU иалнакааит 2021 шықәса рзы еиҳа аҿаҵарақәа ахьымҩаԥырго:

  • Евпаториа (Ҟрым) – 3051 мааҭ, 13 у/ҽ рзы, 17%;
  • Оленевка (Ҟрым) – 2142 мааҭ, жәаха-жәымш, 17%,
  • Голубицкаиа (Краснодартәи атәылаҿацә) – 767 мааҭ, 11 у/ҽ, 15%,
  • Луга (Ленинградтәи аобласт) – 6396 мааҭ, ҩаха-ҩымш, 9%
  • Ильински (Карелиа) – 4587 мааҭ, хаха-хымш, 7%,
  • Дмитров (Московатәи аобласт) – 7000 мааҭ, уахык, 5%,
  • Артыбаш (Алтаи)– 4700 мааҭ, ҩаха-ҩымш, 5%,
  • Кимовск (Тулатәи аобласт) – 12000 мааҭ, 1 уахык, 4%,
  • Шерегеш (Кемеровтәи аобласт) – 9400 мааҭ, ԥшьаха-ԥшьымш, 4%,
  • Абзаково (Башкириа) – 3900 мааҭ, уахык, 3%,
  • Гагра (Аԥсны) - 1000 мааҭ, хәаха-хәымш, 3%.

Уаанӡа атуризм аминистр Ҭеимураз Хышба апортал TourDom.ru аинтервиу аҭо иҳәеит Аԥсны ишырзыԥшу миллионк инареиҳаны атуристцәа 2021 шықәсазы ишырзыԥшу.

Иара убас шәаԥхьар ҟалоит:

12

Ашьапылампыл азы Аԥсны аҿар еизгоу ркоманда Ростов акоманда иаҵахеит

10
(ирҿыцуп 19:28 28.02.2021)
Аԥсназы ростовтәи акомандеи иареи реицыхәмарра аԥшьбатәи аиҩызаратә хәмарра акәхеит аҵара-ҽазыҟаҵаратә ҽеизгарақәа рҳәаақәа иҭагӡаны.

АҞӘА, жәабран 28 – Sputnik. Ашьапылампыл азы Аԥсны аҿар еизгоу ркоманда Ростовтәи Аолимпиатә резерв аучилишье акоманда иаҵахеит амҽыша жәабран 28 рзы. Абри азы адырра ҟанаҵоит Аԥсны Аспорт азы аҳәынҭеилакы.

Ҭамаз Бжьаниа иааӡамҭацәа Аԥсни Урыстәылеи зҽаԥсазтәыз разыҟаҵаҩ Александр Тумасиан иазыҟаиҵо акоманда иацыхәмаруан Шәача Аолимпиатә парк аҟны, иагьхыркәшахеит 2:1 ҳәа ростоваа риааирала.

Ахәмарра даҭааит Аԥсны Аҿари аспорти рзы аҳәынҭқарратә еилакы ахантәаҩы Џьамал Гәбаз, иара Александр Тумасиан идиныҳәалеит "Ахьӡ-аԥша" аорден III аорден ахьианаршьаз, уи азы Аԥсны ахада аусԥҟа инапы аҵаиҩхьан жәабран 9 рзы.

"Сара сазыҟаҵаҩ Александр Тумасиан аорден ахьианаршьаз идсныҳәалоит. Ари ауаҩ еснагь аԥснытәи аспортсменцәа илаԥш рхуп, ҳтәылаҿы аспорт арҿиара, аларҵәара дацхраауеит. Сынтәа иара ибзоураны аԥснытәи ашьапылампыласцәа қәыԥшқәа ааҩык Ростовтәи аолимпиатә резерв иаҵанакуа атәылаҿацәтә училишье иҭалеит. Иара гәыла-ԥсыла аспорт даласоуп, ианаауҭаххалак зегь рыла дувагылоит", - ҳәа азгәеиҭеит иара.

Ашьапылампыл азы Аԥсны аҿар ркоманда аҵара-ҽазыҟаҵаратә еизгарақәа рҳәаақәа ирҭагӡаны уаанӡа иацыхәмаруан шәачатәи акоманда "Медик", урҭ ирыҵахеит 4:0 ҳәа. Анаҩс ирыцыхәмарит аклуб "Шәача", аԥснытәи акоманда ари ахәмарраан иаиааит 4:2 ҳәа. Анаҩс, ҳкоманда астрахантәи "Волгарь" адубль иацыхәмарит, ара "Волгарь" аиааит 4:1 ҳәа.

10

Амшын иаҿықәу абаҳча: апринц Ольденбургтәи ипарк аиҭашьақәыргылара шымҩаԥысуа

4
Апринц Ольденбургтәи ипарк аиҭашьақәыргылара иалагеит 2017 шықәсазы, аусурақәа рхыркәшара азԥхьагәаҭоуп аԥхынра алагамҭаз 2021 шықәсазы.

Акурорт Гагра ашьаҭаркҩы, апринц Ольденбургтәи ипарки гагратәи аколоннадеи реиҭашьақәыргылара иалагеит ԥшьышықәса раԥхьа асоциал-економикатә ҿиара апрограммала. Аусурақәа рынагӡаразы иазоушьҭын 118 миллион мааҭ аԥара.

Иазԥхьагәаҭан апарк ӡылеи фымцалашаралеи аиқәыршәара. Ҳаамҭа иақәшәо аинфраструктура аиҿкаара адагьы иазыԥхьагәаҭоуп аҵиаақәа рацәаны реиҭаҳара, аӡҭарчқәа аԥсыӡ рҭаҵара.

4