Урыстәыла аспорт азы аминистрра Аԥсны ажәҩаҵшьратә база аиҭарҿиара аинтерес амоуп

19
Гал иҟаз аолимпиатә базаҿ иазыҟарҵон Асовет Еидгыла ажәҩаҵшьыҩцәа – аӡырҳәыԥқәеи аканоеқәеи рыла. Уажәы, 1992-1993 шықәсатәи Аԥсны Аџынџьтәылатә еибашьра ашьҭахь аспорттә инфраструктура цәынхакгьы аанымхеит.

АҞӘА, жәабран 11 – Sputnik, Бадраҟ Аҩӡба. Галтәи ажәҩаҵшьырҭатә база еиҭашьақәыргылахар ҟалоит ҳәа Sputnik иазеиҭеиҳәеит Аспорт азы аҳәынҭқарратә еилакы ахантәаҩы ихаҭыԥуаҩ Беслан Қарчаа.

"2020 шықәса анҵәамҭазы Урыстәыла аспорт аминистри сареи аиԥылара ҳаман. Ҳазлацәажәаз еиуеиԥшым  азҵаарақәа иреиуоуп ажәҩаҵшьырҭатә база "Речхә" аиҭашьақәыргылара", - ҳәа иҳәеит иара.

Қарчаа иажәақәа рыла, аминистр Олег Матыцин ари аобиект аиҭашьақәыргыларахь аинтерес ду ааирԥшит.

"Иара аинтерес ду ааирԥшит, иҳәеит Урыстәыла аӡынразы ажәҩаҵшьыҩцәа ахьаднакылаша ӡиа заҵәык шыҟоу, аха уигьы зегьы шзаднамкыло. Убри азы урыстәылатәи аган ари апроект анагӡара аҭахны иабоит", - иҳәеит Қарчаа.

Ииасыз ашықәс азтәи аилацәажәарақәа рыла ареспубликаҿ иааны иҟан урыстәылатәи аделегациа. Дара имҩаԥгатәны иҟоу аусурақәа рымҽхак азгәарҭараны иҟоуп. Аделегациа иалахәын Урыстәыла аспорт аминистр иабжьгаҩ Михаил Дремов, аӡырҳәыԥқәеи аканоеқәеи рыла ажәҩаҵшьразы Урыстәылазегьтәи Афедерациа аиҳабы ихаҭыԥуаҩ Дмитри Миронов.

"Аделегациа иара убасгьы Шәқәырча аӡиа рбар рҭаххеит. Ҳәарада зегь ргәаԥхеит. Абаза аиҭашьақәыргыларазы аԥара рацәаны иақәхарџьтәуп, шьаҭанкыла иҿыцны иахьалагатәу азы. Ҳгәыӷуеит азҵаара ҵоураны иӡбхап ҳәа", - иҳәеит Беслан Қарчаа.

Аԥсны иҟаз аделегациа жәамш рыҩнуҵҟа Урыстәыла аспорт аминистр идикылараны дыҟоуп. Уаҟа иӡбахоит абаза ԥхьаҟатәи алахьынҵа ҳәа азгәеиҭеит Қарчаа.

Урыстәылатәи аделегациа алахәылацәа аӡеизакырҭеиԥш акәша-мыкәшатәи аҵакырагьы рбеит.

Дмитри Миронов иажәақәа рыла, абаза аӡбахә уаанӡа ара аҽазыҟаҵарақәа ирхысуаз аспортсменцәа рҟынтәоуп иахьраҳаз.

"1980-тәи Аолимпиатә хәмаррақәа рыламҭалаз асоветтә команда ароуп аҽазыҟаҵарақәа иахьырхысуаз, ақәгыларақәа рҿгьы иреиӷьыз арбагақәа аадырԥшит", - ҳәа иҳәеит Миронов.

Михаил Дремов иакәзар, ажәҩаҵшьыҩцәа рзы ари аҭыԥ иреиӷьқәоу иреиуоуп. Аӡеизакырҭаҿы еизо асырӡ аицлабрақәа раан рхы иадырхәо аӡы аасҭа еиҳа ихьанҭоуп азы, ибзианы уҽазыҟауҵартә алшара уоуеит.

Ажәҩаҵшьырҭатә база "Речхә" асовет спортсменцәа Разыҟаҵаратә центр акәын. Аракәын Европа, адунеи, аолимпиатә хәмаррақәа рҽырхьырзыҟарҵоз. Уи адагьы, ара имҩаԥысуан 250, 500, 1000 метратәи СССР ачемпионатқәа.

Абазаҿ инхон, рҽагьазыҟарҵон еицырдыруаз аспортсменцәа: Иури Филатов, Галина Крефт, Владимир Парфенович, Виталии Леониди Ивановаа.

19

"Аруаа" адҵа ҟарҵоит ҩаӡарарацәалатәи Қырҭтәыла алацәажәарақәа ирҟәаҵтәуп ҳәа

13
Аҩаша, хәажәкыра 2 рзы Аҟәа, Ахақәиҭра ашҭаҿы еизаз рҟынтәи ҩышәҩык рҟынӡа Аԥсны Жәлар Реизара ахыбрахь инеиит адепутатцәа ирыҿцәажәарц уаанӡатәи ахада иабжьгаҩ Бенур Қәираиа Қырҭтәыла иҟазаара иазкны.

АҞӘА, хәажәкыра 2 - Sputnik. Апарламент ахь инеиз аоппозициатә партиа "Аруаа" адҵа ҟарҵоит Аԥсны адәныҟаполитикатә концепциаҿы ҩаӡарарацәалатәи Қырҭтәыла алацәажәарақәа ирҟәаҵтәуп ҳәа.

"Арҭ ауаа – ақырҭцәа, ҳара ҳраӷаны ҳарбоит. Урыстәылатәи аҳәаахьчаҩцәа ракәымзар егьараантә абџьар шьҭыхны иҳақәлахьазаарын. Аахыҵ Уаԥстәыла иҟалаз ҳара ҳҿгьы иҟарҵон. Ахада иконцепциаҿы иарбоуп ҩаӡарарацәалатәи аизыҟазаашьақәа, ари иалацәажәатәума ҳәынҭқарраны ҳрымԥхьаӡозар?", - иҳәеит аиҿкаара "Аруаа" алахәыла Ҭемур Надараиа.

Надараиа иара убасгьы дазааҭгылеит ахәаахәҭратә еизыҟазаашьа. Аполитикатә зҵаарақәа ӡбамкәа ахәаахәҭра азҵаара алацәажәара иашам ҳәа азиԥхьаӡоит иара.

"Ҳара иаҳҭаху иацы ирылаҵәаз авидео азы адепутатцәа ргәаанагара адырреи, Апарламент аполитикатә зҵаарақәа рыӡбаанӡа иарбанызаалак ахәаахәҭратә формақәа ралмыршараз азакәан адкылареи роуп", - иҳәеит Надараиа.

Иара иҳәеит Қырҭтәыла алахәаахәҭра аԥсадгьыл аинтересқәа рыҭира акәны ишахәаԥштәу.

Аҩаша, хәажәкыра 2 рзы Аҟәа, Ахақәиҭра ашҭаҿы ауаажәларратә еиҿкаара "Аруаа" ааԥхьара ҟанаҵеит ачынуаа Қырҭтәыла рцара згәы амырҭынчуа зегьы еизарц азы.

Ахақәиҭра ашҭаҿы еизаз рҟынтәи ҩышәҩык рҟынӡа Аԥсны Жәлар Реизара ахыбрахь инеиит адепутатцәа ирыҿцәажәарц уаанӡатәи ахада иабжьгаҩ Бенур Қәираиа Қырҭтәыла иҟазаара иазкны.

Ауаажәларратә еиҿкаарақәа рхаҭарнакцәа – ауаажәларратә ветерантә еиҿкаара "Аруаа" аиҳабы Ҭимур Гәлиа, АУЕ "Аруаа" Иреиҳаӡоу ахеилак алахәыла Ҭемур Надараиа, апартиа "Аԥсны" аиҳабы Витали Габниа, Жәлар ракзаара Афорум аиҳабы Аслан Барцыц Бенура Қвираиа иумҭа ахәшьара аҭаразы Апарламент адепутатцәа рыҿцәажәаразы инеиит. Аицәажәара ашьҭахь дара ахада иахь инеираны иҟоуп.

Уаанӡа аопоззициатә партиақәа рхаҭарнакцәа аҳәамҭа ҟарҵахьан Бенур Қәираиа ԥхьатәара ицаразы адҵа шыҟаҵахо азы. Убри аан ахада Иусбарҭа аҳәамҭа ҟанаҵеит Қвираиа жәабран 19 рзы инапынҵақәа шьҭеиҵеит ҳәа.

"Аԥсны Аҳәынҭқарра адәныҟатә политика аконцепциазы" адҵа Аслан Бжьаниа инапы аҵеиҩит ԥхынҷкәын 7 рзы.

Аконституциа инақәыршәаны атәыла ахада иҳәаақәиҵоит адәныҟатәии аҩныҵҟатәии политика ахырхарҭақәа.

Иара убас шәаԥхьар ҟалоит:

13

Аԥсны Апарламент аԥхьа еизаз рҟынтәи ԥшьҩык адепутатцәа рахь инеиит

29
(ирҿыцуп 15:56 02.03.2021)
Аԥсны Апарламент ахьиниуеит ауаажәларра, аоппозициа, апартиақәа рхаҭарнакцәа ахада уаанӡатәи иабжьгаҩ иумҭа иақәыӡбарц.

АҞӘА, хәажәкыра 2 - Sputnik, Асмаҭ Ҵәыџьԥҳа. Ауаажәларратә еиҿкаарақәа рхаҭарнакцәа Бенур Қәираиа иумҭа ахәшьара аҭаразы Апарламент адепутатцәа рыҿцәажәаразы инеиит.

Аделегатцәа ауаажәларратә ветерантә еиҿкаара "Аруаа" аиҳабы Ҭимур Гәлиа, АУЕ "Аруаа" Иреиҳаӡоу ахеилак алахәыла Ҭемур Надараиа, апартиа "Аԥсны" аиҳабы Витали Габниа, Жәлар ракзаара Афорум аиҳабы Аслан Барцыц.

Аҩаша, хәажәкыра 2 рзы Аҟәа, Ахақәиҭра ашҭаҿы ауаажәларратә еиҿкаара "Аруаа" ааԥхьара ҟанаҵеит ачынуаа Қырҭтәыла рцара згәы амырҭынчуа зегьы еизарц азы.

Абри ашьҭахь Ахақәиҭра ашҭаҿы еизаз рҟынтәи ҩышәҩык рҟынӡа Аԥсны Жәлар Реизара ахыбрахь инеиит адепутатцәа ирыҿцәажәарц уаанӡатәи ахада иабжьгаҩ Бенур Қәираиа Қырҭтәыла иҟазаара иазкны.

Иара убас шәаԥхьар ҟалоит:

29