Железная дорога.

Аԥсны иалсуа Урыстәылеи Ермантәылеи реихамҩатә еимадара аекспертцәа ахәшьара арҭеит

16
Аԥсны Апарламент Урыстәыла Аҳәынҭдумахь адырра ҟанаҵеит ареспублика шазыхиоу Аԥсны иалсны Урыстәылеи Ермантәылеи рыбжьара аихамҩатә еимадара ашьҭра.

АҞӘА, жәабран 12 - Sputnik, Мариа Науменко. Аԥсны Урыстәылеи Ермантәылеи реихамҩатә еимадара апроект аҽалархәра ишазыхио азгәанаҭеит аха аекспертцәа агәра ганы иҟоуп Қарҭ уи ишақәшаҳаҭымхо.

"Қырҭтәылеи Урыстәылеи, Қырҭтәылеи Ермантәылеи рыбжьара адипломатиатә еизыҟазаашьақәа анышьақәгылам аихамҩатә еимадара апроект алацәажәара заауп", - ҳәа иҳәоит аполитолог Артур Атаев.

Иара убри аҩыза агәаанагара имоуп МГИМО Кавказ апроблемақәеи арегионалтә шәарҭадареи Рцентр аусзуҩ еиҳабы Николаи Силаев.

"Қарҭи Аҟәеи еилацәажәар акәхоит атранзит азы. Уи иаанаго Аԥсны ахьыԥшымра де-факто азхаҵароуп. Қырҭтәыла уи иақәшаҳаҭхом", - ҳәа иҳәеит иара.

Ақырҭуа напхгара рпозициа арԥсыҽра иацхраар ауеит аекономикатә жәалагалақәа. Уи алшеит ЕгрыГЕС аицхархәараан. Аха атранспорттә магистраль ҿыц Қырҭтәылаз аекономикатә феида дук анаҭом ҳәа рҳәоит аекспертцәа.

"Амҩа Қырҭтәыла ианаҭо атранзит феидоуп. Уи маҷӡоуп, избанзар Ермантәыла атауармҩангара рацәа алшом. Уи адагьы Қырҭтәылеи, Ҭырқәтәылеи, Азербаиџьани реизыҟазаашьақәа ԥхасҭахар ауеит", - ҳәа азгәеиҭеит СПбГУ жәларбжьаратәи аизыҟазаашьақәа рфакультет акафедра адоцент Ниази Ниазов.

Аԥсны иаднагалаз хра змам проектуп ҳәа ишьоит Артур Атаев.

"Аахыҵ Кавказтәи аихамҩа ахәҭа еихамҩак ауп иамоу. Уи иунарбоит ара инагӡоу ахархәара шыҟамыз. Аахыҵ Кавказтәи аихамҩа ахархәаратә апогеи 1970-тәи ашықәсқәа ирыҵаркуеит. 1985-тәи ашықәс азы иубартә аидарамҩангара каҳаит. Убасеиԥш иҟалеит апассаџьырцәа рымҩангараҿгьы", - ҳәа иҳәоит аексперт.

Ҟарабахтәи аҭагылазаашьа аҭышәныртәаларазы аус адырулоит Ермантәылеи Азербаиџьани рыбжьара аихамҩатә еимадара аиҭашьақәыргылара.

"Уи адагьы ааигәа идәықәҵан аекспорт дәыӷба Ҭырқәтәылантәи Урыстәылаҟа, амагистраль Бақәа-Қарҭ- Ҟарс ала. Анкареи Бақәеи амеигәырӷьозар акәхап Ермантәылеи Урыстәылеи реихамҩатә еимадара", - ҳәа иҳәеит Аахыҵ Кавказ азы аексперт Андреи Арешев.

Адунеитә практикаҿы иҟоуп аҳәынҭқарра ахьыԥшымра азхазымҵо егьи аҳәынҭқарреи иареи атранспорттә еимадара анрымоу. Убас, Китаии Таивани аҳаиртә еимадара рыбжьоуп, Молдовеи Приднестровьеи аимадара рымоуп.

Ажьырныҳәа 11, 2021 шықәсазы Владимир Путин дырԥылеит Азербаиџьан ахада Ильхам Алиеви Ермантәыла аԥыза-министр Никол Пашиниани. Аиԥылараҿ иӡбан атәылақәа рыбжьара аихамҩатә еимадара ахацыркра.

Иазԥхьагәаҭоуп аихамҩа Азербаиџьан мрагыларатәи ахәҭала ииасуеит, Ермантәылагьы 1992 шықәса раахыс раԥхьаӡа акәны Урыстәылаҟа адәыӷбақәа дәықәнаҵап, иара убасгьы Иран ахь анеирҭа аиууп ҳәа. Бақәа акәзар 30 шықәса раахыс Нахичевантәи автономтә республикеи Ҭырқәтәылеи аҽрымадара алшо иҟалоит.

16

Ашьапылампыл азы Аԥсны аҿар еизгоу ркоманда Ростов акоманда иаҵахеит

8
(ирҿыцуп 19:28 28.02.2021)
Аԥсназы ростовтәи акомандеи иареи реицыхәмарра аԥшьбатәи аиҩызаратә хәмарра акәхеит аҵара-ҽазыҟаҵаратә ҽеизгарақәа рҳәаақәа иҭагӡаны.

АҞӘА, жәабран 28 – Sputnik. Ашьапылампыл азы Аԥсны аҿар еизгоу ркоманда Ростовтәи Аолимпиатә резерв аучилишье акоманда иаҵахеит амҽыша жәабран 28 рзы. Абри азы адырра ҟанаҵоит Аԥсны Аспорт азы аҳәынҭеилакы.

Ҭамаз Бжьаниа иааӡамҭацәа Аԥсни Урыстәылеи зҽаԥсазтәыз разыҟаҵаҩ Александр Тумасиан иазыҟаиҵо акоманда иацыхәмаруан Шәача Аолимпиатә парк аҟны, иагьхыркәшахеит 2:1 ҳәа ростоваа риааирала.

Ахәмарра даҭааит Аԥсны Аҿари аспорти рзы аҳәынҭқарратә еилакы ахантәаҩы Џьамал Гәбаз, иара Александр Тумасиан идиныҳәалеит "Ахьӡ-аԥша" аорден III аорден ахьианаршьаз, уи азы Аԥсны ахада аусԥҟа инапы аҵаиҩхьан жәабран 9 рзы.

"Сара сазыҟаҵаҩ Александр Тумасиан аорден ахьианаршьаз идсныҳәалоит. Ари ауаҩ еснагь аԥснытәи аспортсменцәа илаԥш рхуп, ҳтәылаҿы аспорт арҿиара, аларҵәара дацхраауеит. Сынтәа иара ибзоураны аԥснытәи ашьапылампыласцәа қәыԥшқәа ааҩык Ростовтәи аолимпиатә резерв иаҵанакуа атәылаҿацәтә училишье иҭалеит. Иара гәыла-ԥсыла аспорт даласоуп, ианаауҭаххалак зегь рыла дувагылоит", - ҳәа азгәеиҭеит иара.

Ашьапылампыл азы Аԥсны аҿар ркоманда аҵара-ҽазыҟаҵаратә еизгарақәа рҳәаақәа ирҭагӡаны уаанӡа иацыхәмаруан шәачатәи акоманда "Медик", урҭ ирыҵахеит 4:0 ҳәа. Анаҩс ирыцыхәмарит аклуб "Шәача", аԥснытәи акоманда ари ахәмарраан иаиааит 4:2 ҳәа. Анаҩс, ҳкоманда астрахантәи "Волгарь" адубль иацыхәмарит, ара "Волгарь" аиааит 4:1 ҳәа.

8

Амшын иаҿықәу абаҳча: апринц Ольденбургтәи ипарк аиҭашьақәыргылара шымҩаԥысуа

4
Апринц Ольденбургтәи ипарк аиҭашьақәыргылара иалагеит 2017 шықәсазы, аусурақәа рхыркәшара азԥхьагәаҭоуп аԥхынра алагамҭаз 2021 шықәсазы.

Акурорт Гагра ашьаҭаркҩы, апринц Ольденбургтәи ипарки гагратәи аколоннадеи реиҭашьақәыргылара иалагеит ԥшьышықәса раԥхьа асоциал-економикатә ҿиара апрограммала. Аусурақәа рынагӡаразы иазоушьҭын 118 миллион мааҭ аԥара.

Иазԥхьагәаҭан апарк ӡылеи фымцалашаралеи аиқәыршәара. Ҳаамҭа иақәшәо аинфраструктура аиҿкаара адагьы иазыԥхьагәаҭоуп аҵиаақәа рацәаны реиҭаҳара, аӡҭарчқәа аԥсыӡ рҭаҵара.

4