Атуризм аусхк аҟны Аԥсни Чечентәи Ареспубликеи аусеицура иалагоит

7
(ирҿыцуп 10:57 12.02.2021)
Аԥсны атуризм аминистр Ҭеимураз Хышба аусутә ныҟәарақәа мҩаԥигеит ақалақьқәа Москвеи Санкт-Петербурги рахь атуризм аусхк аҟны Аԥсни Урыстәылеи русеицура аҿиареи арӷәӷәареи рызҵаарақәа рыӡбразы.

АҞӘА, жәабран 12 - Sputnik. Аԥсны атуризм аминистр Ҭеимураз Хышбеи Чечентәи Ареспублика аԥыза-министр ихаҭыԥуаҩ Хасан Хакимови Грозныи реиԥылараан иалацәажәеит аусеицура азҵаарақәа ҳәа аанацҳауеит аусбарҭа апресс-маҵзура.

Аԥсны атуризм аминистр Ҭеимураз Хышба Чечентәи Ареспубликахь днеит жәабран 11 рзы усутә визитла. Уи аҽны иара убасгьы аиԥылара рыман Хышбеи Чечентәылатәи Ареспублика атуризм азы аминистр Муслим Баитазиеви.

Аԥсны атуризм аминистр Ҭеимураз Хышба усутә ныҟәарала Чечентәыла даҭааит

Хышбеи Хакимови Аԥсны аинвестициақәа ралагалара иалацәажәеит. Аминистр аинтерес иманы дазҵаауан ареспубликаҿы аинвеистициақәа рзы иаԥҵоу аҭагылазаашьақәа.

Аицәажәараҿы еиқәшаҳаҭхеит Аԥсни Чечнеи атуризм аусхк аҟны MITT аҳәаақәа ирҭагӡаны аиқәшаҳаҭра анапаҵаҩразы.

Уаанӡа, Москва, жәабран 4 рзы Ҭеимураз Хышбеи Урыстәыла атуризм азы Афедералтә маҵзура анапхгаҩы Зарина Догузовеи еиқәшаҳаҭхеит ацәыргақәҵа MITT аҳәаақәа ирҭагӡаны русеицура мҩаԥыргаларц.

Иара убас шәаԥхьар ҟалоит:

7

"Аруаа" адҵа ҟарҵоит ҩаӡарарацәалатәи Қырҭтәыла алацәажәарақәа ирҟәаҵтәуп ҳәа

11
Аҩаша, хәажәкыра 2 рзы Аҟәа, Ахақәиҭра ашҭаҿы еизаз рҟынтәи ҩышәҩык рҟынӡа Аԥсны Жәлар Реизара ахыбрахь инеиит адепутатцәа ирыҿцәажәарц уаанӡатәи ахада иабжьгаҩ Бенур Қәираиа Қырҭтәыла иҟазаара иазкны.

АҞӘА, хәажәкыра 2 - Sputnik. Апарламент ахь инеиз аоппозициатә партиа "Аруаа" адҵа ҟарҵоит Аԥсны адәныҟаполитикатә концепциаҿы ҩаӡарарацәалатәи Қырҭтәыла алацәажәарақәа ирҟәаҵтәуп ҳәа.

"Арҭ ауаа – ақырҭцәа, ҳара ҳраӷаны ҳарбоит. Урыстәылатәи аҳәаахьчаҩцәа ракәымзар егьараантә абџьар шьҭыхны иҳақәлахьазаарын. Аахыҵ Уаԥстәыла иҟалаз ҳара ҳҿгьы иҟарҵон. Ахада иконцепциаҿы иарбоуп ҩаӡарарацәалатәи аизыҟазаашьақәа, ари иалацәажәатәума ҳәынҭқарраны ҳрымԥхьаӡозар?", - иҳәеит аиҿкаара "Аруаа" алахәыла Ҭемур Надараиа.

Надараиа иара убасгьы дазааҭгылеит ахәаахәҭратә еизыҟазаашьа. Аполитикатә зҵаарақәа ӡбамкәа ахәаахәҭра азҵаара алацәажәара иашам ҳәа азиԥхьаӡоит иара.

"Ҳара иаҳҭаху иацы ирылаҵәаз авидео азы адепутатцәа ргәаанагара адырреи, Апарламент аполитикатә зҵаарақәа рыӡбаанӡа иарбанызаалак ахәаахәҭратә формақәа ралмыршараз азакәан адкылареи роуп", - иҳәеит Надараиа.

Иара иҳәеит Қырҭтәыла алахәаахәҭра аԥсадгьыл аинтересқәа рыҭира акәны ишахәаԥштәу.

Аҩаша, хәажәкыра 2 рзы Аҟәа, Ахақәиҭра ашҭаҿы ауаажәларратә еиҿкаара "Аруаа" ааԥхьара ҟанаҵеит ачынуаа Қырҭтәыла рцара згәы амырҭынчуа зегьы еизарц азы.

Ахақәиҭра ашҭаҿы еизаз рҟынтәи ҩышәҩык рҟынӡа Аԥсны Жәлар Реизара ахыбрахь инеиит адепутатцәа ирыҿцәажәарц уаанӡатәи ахада иабжьгаҩ Бенур Қәираиа Қырҭтәыла иҟазаара иазкны.

Ауаажәларратә еиҿкаарақәа рхаҭарнакцәа – ауаажәларратә ветерантә еиҿкаара "Аруаа" аиҳабы Ҭимур Гәлиа, АУЕ "Аруаа" Иреиҳаӡоу ахеилак алахәыла Ҭемур Надараиа, апартиа "Аԥсны" аиҳабы Витали Габниа, Жәлар ракзаара Афорум аиҳабы Аслан Барцыц Бенура Қвираиа иумҭа ахәшьара аҭаразы Апарламент адепутатцәа рыҿцәажәаразы инеиит. Аицәажәара ашьҭахь дара ахада иахь инеираны иҟоуп.

Уаанӡа аопоззициатә партиақәа рхаҭарнакцәа аҳәамҭа ҟарҵахьан Бенур Қәираиа ԥхьатәара ицаразы адҵа шыҟаҵахо азы. Убри аан ахада Иусбарҭа аҳәамҭа ҟанаҵеит Қвираиа жәабран 19 рзы инапынҵақәа шьҭеиҵеит ҳәа.

"Аԥсны Аҳәынҭқарра адәныҟатә политика аконцепциазы" адҵа Аслан Бжьаниа инапы аҵеиҩит ԥхынҷкәын 7 рзы.

Аконституциа инақәыршәаны атәыла ахада иҳәаақәиҵоит адәныҟатәии аҩныҵҟатәии политика ахырхарҭақәа.

Иара убас шәаԥхьар ҟалоит:

11

Аԥсны Апарламент аԥхьа еизаз рҟынтәи ԥшьҩык адепутатцәа рахь инеиит

29
(ирҿыцуп 15:56 02.03.2021)
Аԥсны Апарламент ахьиниуеит ауаажәларра, аоппозициа, апартиақәа рхаҭарнакцәа ахада уаанӡатәи иабжьгаҩ иумҭа иақәыӡбарц.

АҞӘА, хәажәкыра 2 - Sputnik, Асмаҭ Ҵәыџьԥҳа. Ауаажәларратә еиҿкаарақәа рхаҭарнакцәа Бенур Қәираиа иумҭа ахәшьара аҭаразы Апарламент адепутатцәа рыҿцәажәаразы инеиит.

Аделегатцәа ауаажәларратә ветерантә еиҿкаара "Аруаа" аиҳабы Ҭимур Гәлиа, АУЕ "Аруаа" Иреиҳаӡоу ахеилак алахәыла Ҭемур Надараиа, апартиа "Аԥсны" аиҳабы Витали Габниа, Жәлар ракзаара Афорум аиҳабы Аслан Барцыц.

Аҩаша, хәажәкыра 2 рзы Аҟәа, Ахақәиҭра ашҭаҿы ауаажәларратә еиҿкаара "Аруаа" ааԥхьара ҟанаҵеит ачынуаа Қырҭтәыла рцара згәы амырҭынчуа зегьы еизарц азы.

Абри ашьҭахь Ахақәиҭра ашҭаҿы еизаз рҟынтәи ҩышәҩык рҟынӡа Аԥсны Жәлар Реизара ахыбрахь инеиит адепутатцәа ирыҿцәажәарц уаанӡатәи ахада иабжьгаҩ Бенур Қәираиа Қырҭтәыла иҟазаара иазкны.

Иара убас шәаԥхьар ҟалоит:

29