Аҟәатәи амобилтә госпиталь адырра ҟанаҵоит COVID-19 змоу рхыԥхьаӡара еиҵахеит ҳәа

25
(ирҿыцуп 10:57 12.02.2021)
Жьҭаара 20 2020 шықәса раахыс ААО амедицинатә маҵзура аҟазауаа агоспиталь аҿы астационартә хәышәтәра иахрыжьит 500 пациент.

АҞӘА, жәабран 12 - Sputnik. Аԥсны иҟоу Урыстәылатәи арратә мобилтә госпиталь иазгәанаҭеит аҵыхәтәантәи аамҭазы авирус зцәа иалоу ачымазцәа рхыԥхьаӡара акыр ишеиҵахаз. Абри атәы аанацҳауеит Аладатәи арратә округ апресс-маҵзура.

"Акоронавирустә инфекциа зманы иааиуа рхыԥхьаӡара акыр илаҟәит" ҳәа хырхарҭарацәалатәи агоспиталь аиҳабы Абдулмеджит Магомедов иажәақәа аанагоит ААО апресс-маҵзура.

Уаанӡа адырра ҟаҵан жәабран жәохә рзы Аԥсны зусура хзыркәшараны иҟаз арратә госпиталь ара аҟазаара аҿҳәара иацҵан аҭагылазаашьа иахҟьаны ҳәа.

Иахьазы арратә медусзуҩцәа рнапаҿы иҟоуп ҩеижәаҩык апациентцәа COVID-19 рыманы.

"Иарбоу аамҭала Аԥсны ауааԥсыра хнызқьҩык инареиҳаны амбулатор-консультативтә цхыраара рыҭан амобилтә госпиталь аҿы", - аҳәоит адырраҭараҿы.

Агоспиталь аҿы иара убасгьы имҩаԥыргон анализқәа р-ПЦР-диагностика, Аԥсны алобараториақәа рҟынтәи иааргоз. Алабораториа аус ауанаҵы иҟаҵан 5 045 тест.

Урыстәылатәи амобилтә госпиталь Аԥсныҟа идәықәҵан Ставропольтәи атәылаҿацә аҟынтәи жьҭаара 17 рзы акоронавирустә инфекциа COVID-19 змоу апациентцәа рыхәышәтәраҿы ацхыраара аҟаҵаразы. Агоспиталь асасааирҭа "Аиҭар" аҵакыраҿы идыргылеит жьҭаара 20 рзы.

Амобилтә медицинатә еилазаара иалоуп 112-ҩык аррамаҵурауааи иҷыдоу арратә техника 30 цыреи. Ари агоспиталь иҟоуп алабораториа, арентген ауада, еиқәыршәоуп арԥҳақәа аҳауарҭарсгақәа, УЗИ аппаратқәа, ашьа анализҟаҵагақәа рыла. ПЦР-анализқәагьы аҭыԥан иҟарҵалон.

25

Ашьапылампыл азы Аԥсны аҿар еизгоу ркоманда Ростов акоманда иаҵахеит

10
(ирҿыцуп 19:28 28.02.2021)
Аԥсназы ростовтәи акомандеи иареи реицыхәмарра аԥшьбатәи аиҩызаратә хәмарра акәхеит аҵара-ҽазыҟаҵаратә ҽеизгарақәа рҳәаақәа иҭагӡаны.

АҞӘА, жәабран 28 – Sputnik. Ашьапылампыл азы Аԥсны аҿар еизгоу ркоманда Ростовтәи Аолимпиатә резерв аучилишье акоманда иаҵахеит амҽыша жәабран 28 рзы. Абри азы адырра ҟанаҵоит Аԥсны Аспорт азы аҳәынҭеилакы.

Ҭамаз Бжьаниа иааӡамҭацәа Аԥсни Урыстәылеи зҽаԥсазтәыз разыҟаҵаҩ Александр Тумасиан иазыҟаиҵо акоманда иацыхәмаруан Шәача Аолимпиатә парк аҟны, иагьхыркәшахеит 2:1 ҳәа ростоваа риааирала.

Ахәмарра даҭааит Аԥсны Аҿари аспорти рзы аҳәынҭқарратә еилакы ахантәаҩы Џьамал Гәбаз, иара Александр Тумасиан идиныҳәалеит "Ахьӡ-аԥша" аорден III аорден ахьианаршьаз, уи азы Аԥсны ахада аусԥҟа инапы аҵаиҩхьан жәабран 9 рзы.

"Сара сазыҟаҵаҩ Александр Тумасиан аорден ахьианаршьаз идсныҳәалоит. Ари ауаҩ еснагь аԥснытәи аспортсменцәа илаԥш рхуп, ҳтәылаҿы аспорт арҿиара, аларҵәара дацхраауеит. Сынтәа иара ибзоураны аԥснытәи ашьапылампыласцәа қәыԥшқәа ааҩык Ростовтәи аолимпиатә резерв иаҵанакуа атәылаҿацәтә училишье иҭалеит. Иара гәыла-ԥсыла аспорт даласоуп, ианаауҭаххалак зегь рыла дувагылоит", - ҳәа азгәеиҭеит иара.

Ашьапылампыл азы Аԥсны аҿар ркоманда аҵара-ҽазыҟаҵаратә еизгарақәа рҳәаақәа ирҭагӡаны уаанӡа иацыхәмаруан шәачатәи акоманда "Медик", урҭ ирыҵахеит 4:0 ҳәа. Анаҩс ирыцыхәмарит аклуб "Шәача", аԥснытәи акоманда ари ахәмарраан иаиааит 4:2 ҳәа. Анаҩс, ҳкоманда астрахантәи "Волгарь" адубль иацыхәмарит, ара "Волгарь" аиааит 4:1 ҳәа.

10

Амшын иаҿықәу абаҳча: апринц Ольденбургтәи ипарк аиҭашьақәыргылара шымҩаԥысуа

4
Апринц Ольденбургтәи ипарк аиҭашьақәыргылара иалагеит 2017 шықәсазы, аусурақәа рхыркәшара азԥхьагәаҭоуп аԥхынра алагамҭаз 2021 шықәсазы.

Акурорт Гагра ашьаҭаркҩы, апринц Ольденбургтәи ипарки гагратәи аколоннадеи реиҭашьақәыргылара иалагеит ԥшьышықәса раԥхьа асоциал-економикатә ҿиара апрограммала. Аусурақәа рынагӡаразы иазоушьҭын 118 миллион мааҭ аԥара.

Иазԥхьагәаҭан апарк ӡылеи фымцалашаралеи аиқәыршәара. Ҳаамҭа иақәшәо аинфраструктура аиҿкаара адагьы иазыԥхьагәаҭоуп аҵиаақәа рацәаны реиҭаҳара, аӡҭарчқәа аԥсыӡ рҭаҵара.

4