Олег Етлухов аорден "Ахьӡ-Аԥша" II аҩаӡара ианашьоуп

20
(ирҿыцуп 19:14 12.02.2021)
Анашьаратә церемониа мҩаԥысит Аԥсны ахада Иусбарҭаҿы. Аслан Бжьаниа Етлухов идиныҳәалеит иреиҳаӡоу аҳәынҭқарратә ҳамҭа аиура, изеиӷьеишьеит агәабзиара, анасыԥ, ақәҿиарақәа.

АҞӘА, жәабран 12 – Sputnik. Аԥсны ахада Аслан Бжьаниа Олег Етлухов аорден "Ахьӡ-Аԥша" II аҩаӡара ианеишьеит Аԥсны аҿаԥхьа илшамҭақәа рзы ҳәа аанацҳауеит ахада ипресс-маҵзура.

Олег Етлухов аорден "Ахьӡ-Аԥша" II аҩаӡара ианеишьоуп Аԥсни Ҟарачы-Черқьесиеи ажәларқәа реиҩызара арӷәӷәаразы, амилаҭтә литература арҿиареи аларҵәареи рзы.

"Сара аҳамҭақәа соухьан аԥсуа жәлар рԥацәа иашақәа– Владислав Григори-иԥа Арӡынбеи Сергеи Уасил-иԥа Багаԥшьи рнапаҟынтә. Сара сзы иҳаҭыр дууп шәара, Аслан Гьаргь-иԥа шәҟынтәгьы сџьа маҷ асеиԥш ахәшьара ҳарак ахьаиуз", - иҳәеит Етлухов.

Олег Етлухов абаза ҵарауаҩ, аҭҵаарадырыҩ, ашәҟәыҩҩы, аекономикатә наукақәа рдоктор, еицырдыруа ауаажәларратә усзуҩ.

Анашьаратә церемониа мҩаԥысит Аԥсны ахада Иусбарҭаҿы. Аслан Бжьаниа Етлухов идиныҳәалеит иреиҳаӡоу аҳәынҭқарратә ҳамҭа аиура, изеиӷьеишьеит агәабзиара, анасыԥ, ақәҿиарақәа.

20

Аԥсны даҽа 21 акоронавирустә хҭыс ҿыц ашәҟәы иҭагалоуп

1
(ирҿыцуп 22:16 05.03.2021)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 12952-ҩык ыҟоуп, ргәы бзиахеит 12400-ҩык, рыԥсҭазаара иалҵит 203-ҩык.

АҞӘА, хәажәкыра 5– Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 234-ҩык атестқәа рзыҟаҵан, урҭ рахьтә 21-ы акоронавирус рцәа ишалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 34-ҩык, урҭ рахьтә 21-ы акоронавирус адиагноз рзышьақәыргылоуп, рҭагылазаашьа бааԥсуп фҩык, ибжьаратәуп -16-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 14-ҩык апациентцәа, Очамчыра ирхәышәтәуеит фҩык, Тҟәарчалтәи ахәышәтәырҭаҿы - хҩык, Гагратәи ахәышәтәырҭаҿы - жәаҩык.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит аҿкычымазара рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа зегьы шәрыԥхьар ҟалоит абра>>

1
Атемақәа:
Аҿкычымазара – акоронавирус Аԥсни адунеи аҿи: иалкаау

Какалиа "Ақыҭанхамҩа аҿиареи, аинновациеи рзы ацентр" иазкны

4
(ирҿыцуп 22:05 05.03.2021)
Ақыҭанхамҩа ԥасатәи аминистр Амиран Какалиа арадио Sputnik аефир аҟны еиҭеиҳәеит анаплак ҿыц "Ақыҭанхамҩа аҿиареи, аинновациеи рзы ацентр" ахықәкы, инанагӡараны иҟоу аусқәа ртәы.
Ҳазлацәажәаша ҳамоуп: Какалиа "Ақыҭанхамҩа аҿиареи, аинновациеи рзы ацентр" иазкны

Аҟәа имҩаԥысит "Ақыҭанхамҩа аҿиареи, аинновациеи рзы ацентр" захьӡу анаплак ҿыц аалыҵ аӡыргара иазкыз аусмҩаԥгатә. Аӡыргарахь инаган еиуеиԥшым ахәаҷа-маҷақәа рнырҵәаразы рхы иадырхәо ҩынҩажәа рҿынӡа ахәшәқәа. Аиҿкааҩцәа излазгәарҭо ала, ари коммерциатә проектуп. Уи напхгара аиҭоит ақыҭанхамҩа ԥасатәи аминистр Амиран Какалиа.

Шәазыӡырҩы аудио.

4