"130-ҩык рышәҟәы": Аԥснытәи аҳәынҭқарратә университет 42 шықәса ахыҵит

10
Жәабран 13, 1979 шықәсазы СССР аминистрцәа рхеилак Максим Горки ихьӡ зху Аҟәатәи Аҳәынҭқарратә Арҵаҩратә институт Аԥснытәи аҳәынҭқарратә университет ахь ииаган.

АҞӘА, жәабран 13-Sputnik. Аԥснытәи аҳәынҭқарратә университет 42 шықәса ахыҵит.

42 шықәса раԥхьа иҟалаз аҭоурыхтә хҭыс игәалаиршәоит афилософиатә ҭҵаарадыррақәа ркандидат Олег Дамениа.

"Усҟан аҭагылазаашьа уадаҩхеит, аполитика акырӡа аҽаԥсахит, ашәарҭара ҳазнарҵысит, аԥсуаа ҳҭагылазаашьа акырӡа еицәахеит. Қырҭтәыла Аԥсны имҩаԥнагоз аполитика атәы зҳәоз ашәҟәқәа хаз-хазы ирыҩуан, убри зегьы Москваҟа ицон, уантәи ирхынҳәны Қарҭҟа инарышьҭуан. Урҭ ашәҟәқәа рҩышьагьы иаман ахатә ԥҟарақәа, аха урҭ азгәамҭакәа, ауаа рхы-ргәы ԥжәаны ирыҩуаз иахырҟьаны аԥсуаа рцәа рхырхуа, милаҭ еилыхыҩцәоуп ҳәа рзырҳәо иалагеит. Ҩаԥхьа аԥсуаа ахара зду милаҭны аҟаларазы ашәарҭара иҭагылеит. Усҟан аинтеллигенциа ахаҭарнакцәа ирыӡбеит ашәҟәы аҩра, иара аӡәырҩы рнапы иҵырхит", - иҳәоит Дамениа.

Аҵарауаҩ иажәақәа рыла, "130-ҩык рышәҟәы" (Асовет Еидгыла аиҳабырахь аԥсуа интеллигенциа ирыҩыз ашәҟәы, Аԥсны иҟоу аҭагылазаашьеи, Аԥсны Қарҭтәыла алҵра шхымԥадатәиу ртәы ахьарбаз – аред.) иабзоуроуп ауниверситет аартра.

"Уи ус имариамызт, маӡала иҟаз усын, иара шықәсыбжак ҳадхалеит. Уи ашәҟәы иахылҵыз ауп ауниверситет аартра зыхҟьаз, ажурналқәа аԥсышәала рҭыҵра ишалагаз. Асовет Еидгыла ақәҵарала иаартын ауниверситет, аԥсуа телехәаԥшра. Усҟан Аԥсны акультуреи аекономикеи рырҿиаразы иазоушьҭын уи аамҭазы имаҷмыз аԥара", - ҳәа азгәеиҭеит Олег Дамениа.

ААУ апроректор Виктор Маланӡиа иазгәеиҭеит, 1979 шықәса, жәабран 13 рзы ишьақәгылаз СССР аминистрцәа реилазаара рыдҵа иагәылан апункт, уи ала ауниверситет арҵаратә хырхарҭа ахьчалар акәын, уи даара аҭҵааратә спектр аиҵыҵра иаԥырхагахон.

"Аҭагылазаашьа цәгьа ҳашҭагылазгьы азанааҭ ҿыцқәа раартра ҳалшеит, даара акраҵанакуеит аҭашықәсқәа ирҭагӡаны ауниверситет аҭҵааратә потенциал иахьацлаз", – иазгәеиҭеит Маланӡиа.

Маланӡиа иажәақәа рыла, арҵаратә институт ауниверситет ахь аиагара Аԥсны жәлар ахақәиҭра аҭоурых ишиашоу иадҳәалоуп, избан акәзар атәылақәа зегь рыҟнеиԥш аҳәынҭқарра аиҿкаараҟны ихадоу иашьагәыҭуп.

Жәабран 13, 1979 шықәсазы СССР аминистрцәа рхеилак Аҟәатәи арҵаратә институт Аԥснытәи аҳәынҭқарратә университет ахь аиагара адҵа ҟарҵеит, ректорс дҟаҵан аҵарауаҩ Зураб Анчабаӡе.

Иахьазы  аԥсуа университет аҟны аҵара рҵоит х-нызқьҩык астудентцәа аа-факультет аҟны: агроинженертә, абиолого-географиатә, аҭоурыхтә, апедагогикатә, афизико-математикатә, афилолгиатә, аекономикатә, аиуристә.

10

Миқаа Гал аус зуа агәрагаратә кәалаԥқәа рзы: иарбанзаалак қьаадк иамыԥхьаӡакәа иаанымхацт

10
Гал араион ахадара апресс-маҵзура аиҳабы Ерик Миқаа арадио Sputnik аефир аҿы еиҭеиҳәеит ақалақь аҩныҵҟа иқәшыргылоу агәрагаратә кәалаԥқәа аус шыруа атәы.
Раионк аԥсҭазаараҟынтә: Миқаа Гал иҟоу агәрагаратә кәалаԥқәа рзы

"Хымз раԥхьа Кәасҭа Ԥлиеи уи ихаҭыԥуаҩ Игорь Аҩӡбеи ражәалагалала ақалақь аҿы иқәыргылан акәалаԥқәа. Аилибамкаара ҟамларцаз, ажәла мҳәакәа, ахьӡ азгәамҭакәа, акәалаԥқәа кнаҳҳаит аџьармыкьа уахьынҭало, Гал араион ахадара аҩналарҭа аԥхьа. Аинформациатә дырраҭарақәа рыла ажәлар ирылаҳҳәоит агәрагаратә кәалаԥқәа шыҟоу, дарбанзаалакгьы џьара ажәалагалак змоу, араион аҿы иҳахәаша, ма дара иргәамԥхо, ргәы еихьызшьуа акыр ыҟазар, ражәалагала азыӡырҩра, ҳшазыхиоу. Мчыбжьык ахь знык араион ахадеи сареи ҳцаны ақьаадқәа ҭганы иааҳгоит, Кәасҭа Ԥлиа даԥхьоит, анаҩс доусы инаигӡаша аусмҩаԥгатәқәа риҭоит. Иарбанзаалакгьы қьаадк аанымхацт иамыԥхьаӡакәа. Акәалаԥқәа русура иабзоураны галтәи аџьармыкьа аусқәа ҳаӡбахьеит. Амҩақәа рыҟаҵара, абаҳчақәа рҿы атәарҭақәа ахьыргылатәу уҳәа иҟаҳҵахьо маҷым. Иҳәатәуп, ари аус адгылара шаиуз ауааԥсыра рҟынтә, даара ибзиан аус ауеит аимадара", - ҳәа еиҭеиҳәеит Миқаа.

Иаҳа инеиҵыху аиҿцәажәара шәазыӡырҩыр шәылшоит аудио аҿы.

Иара убас шәаԥхьар ҟалоит:

10

Аԥсны акоронавирус даҽа 28-ҩык ирыдырбалеит иҳаҩсыз уахыки-ҽнаки рыла

11
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 12842-ҩык ыҟоуп, ргәы бзиахеит 12387-ҩык, рыԥсҭазаара иалҵит 202-ҩык.

АҞӘА, хәажәкыра 1 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 199-ҩык атестқәа рзыҟаҵан, урҭ рахьтә 28-ҩык акоронавирус рцәа ишалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 49-ҩык, урҭ рахьтә 28-ҩык акоронавирус адиагноз рзышьақәыргылоуп, рҭагылазаашьа бааԥсуп 7-ҩык, ибжьаратәуп - 21-ы.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 15-ҩык апациентцәа, Очамчыра ирхәышәтәуеит фҩык, Тҟәарчалтәи ахәышәтәырҭаҿы - хҩык, Гагратәи ахәышәтәырҭаҿы - 13-ҩык.

Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 12842-ҩык ыҟоуп, ргәы бзиахеит 12387-ҩык, рыԥсҭазаара иалҵит 202-ҩык.

Акоронавирус иазку ажәабжьқәа зегьы шәрыԥхьар ҟалоит абра>>

11
Атемақәа:
Аҿкычымазара – акоронавирус Аԥсни адунеи аҿи: иалкаау