Музыкант Александр Шоуа во время концерта группы Непара в филармонии в Сухуме

Александр Шьоууа ашоу "Точь-в-точь" далахәуп

13
(ирҿыцуп 12:27 15.02.2021)
Ашоу "Точь-в-точь" асезон ҿыц актәи ақәгылара ддырбеит аурыстәылатәи Актәи аканал аҿы жәабран 14 рзы.

АҞӘА, жәабран 15 – Sputnik. Аԥснытәи ашәаҳәаҩ Александр Шьоууа ашоу "Точь-в-точь" далахәуп. Иара арадио Sputnik аинтервиу аҭо, иҳәеит уи аҽалархәра зиӡбаз.

"Аҽаӡә иԥсҭазаара асценаҿы исзынагӡару ҳәа аинтерес соуит. Иҟоуп исыгхақәаз, аха арҽеира сылсыршеит. Ҳәарада, уактиорымкәа ицәгьоуп уи аилкаара. Аха иара ашоу аҿы иҟаз аҭагылазаашьа, Хьыбла Герзмааԥҳа дназлаз ажиуритә еилазаара исырҭеит алшара иҟасҵаша ҟасҵартә еиԥш", - иҳәеит иара.

Ашоу алахәыла аӡә данааирԥшуа уи ихы инаркны иҵыхәанӡа иҷыдарақәа рыҟаҵашьа дақәшәозароуп. Уи, Александр Шьоууа иажәақәа рыла, имариоу акакәым.

"Зтәы ҟауҵо ихымҩаԥгашьа аҷыдара рацәа аныԥшуазар еиҳа имариоуп, гәаӷьк алысхындаз ҳәа уанеимдо еиҳа иуадаҩуп", - ҳәа иҳәоит ашәаҳәаҩ.

Ашоу "Точь-в-точь" алахәхара дарбанызаалак артист изы инасыԥуп ҳәа ахиҳәааит аԥсуа шәаҳәаҩы. Иара убасгьы иазгәеиҭеит ажиури робиективтә хәшьара акыр шаҵанакуа, иугу-иубзо шунарбо.

Александр Шьоууа иара убасгьы иҳәеит аорден "Аԥсадгьыл амаҵ азуразы" шианаршьаз.

"Аԥсадгьыл амаҵ азура ҳаҭыр дууп. Сахьынхо атәыла (Урыстәыла-аред.) аиҳабыра алкаара сырҭеит", - иҳәеит иара.

Ашоу "Точь-в-точь" асезон ҿыц актәи ақәгылара ддырбеит Актәи аканал аҿы жәабран 14, асааҭ 21:50 рзы. Зынӡа жәа-ефирк азԥхьагәаҭоуп.

Иара убас шәаԥхьар ҟалоит:

13

Гыцба еиҭеиҳәеит Гәдоуҭатәи аветеринартә маҵзурахьы аҳақьымцәа усура изымнеиуа

14
(ирҿыцуп 20:14 26.02.2021)
Гәдоуҭатәи аветеринартә маҵзура аиҳабы Лавренти Гыцба арадио Sputnik аефир аҟны еиҭеиҳәеит рмаҵзура иахьа уадаҩрас иамоу атәы.
Раионк аԥсҭазаараҟынтә: Гыцба еиҭеиҳәеит Гәдоуҭатәи аветеринартә маҵзура аусушьа атәы

"Ҳраион аҟны 20 қыҭа ыҟоуп, ашьамаҟа хыԥхьаӡарала иугозар 45 нызқь рҟынӡа инаӡоит. Ачымазара бааԥсқәа узыцәшәаша ҳәа макьана акгьы ҳамам. Арахә ачымазара рыламҽырц ҳазҿу аусурақәа ыҟоуп, аха ҳазхьымӡогьы рацәоуп. Сара аусураҟны аҳақьым дсымаӡам. Афельдшер аӡәы апрактика дахысуеит, аӡәы еилзырго лоуп акәымзар, аҳақьым ҳара ҳҟны дааиӡом ауалафахәы амаҷра иахҟьаны. Ачымазарақәа рҟынтәи ахшәқәа ааҳгоит, ҳамч ахьынӡарықәхо. Араион аҟынтәигьы ацхыраара ҟарҵоит, аха уи жәаџьара ишаны хәҭак. Абиуџьет уажәы еиҵартәеит, 80 нызқь мааҭ шықәсык ҳәа иԥхьаӡан. Хык 350 мааҭ ақәӡоит иҟауҵозар (ахәшә). 45 нызқь хы арахә ахьыҟоу, ажәқәа мацара аагозар, хәҭак хыџьара- ԥшьыџьара ишаны иҟалоит. Ачымазара рыхьаанӡа апрофилактика аҳасабала алаҵа ҟауҵароуп", - иҳәеит Гыцба.

Шәазыӡырҩы аудио.

14

Аԥсны акоронавирус ҿыц издырбалаз 11-ҩык ыҟоуп, аӡәы иԥсҭазаара далҵит

10
(ирҿыцуп 19:01 26.02.2021)
Иҳаҩсыз уахыки-ҽнаки рыла COVID-19 рылоу ирыламу аилкааразы 161-ы атестқәа рзыҟаҵан, урҭ рахьтә 11-ҩык акоронавирус рцәа ишалаз аадырԥшит .

АҞӘА, жәабран 25 – Sputnik. Гәдоуҭатәи ахәышәтәырҭаҿы иԥсҭазаара далҵит 1958 шықәса рзы ииз апациент, ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Апациент иизықәыргылаз адиагноз хада акоронавирустә инфекциа ҿыц ауп. Ахаҵа иԥсҭазаара далҵит жәабран 25 рзы.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 44-ҩык, урҭ рахьтә 37-ҩык акоронавирус адиагноз рзышьақәыргылоуп, рҭагылазаашьа бааԥсуп 15-ҩык, ибжьаратәуп - 16-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 10-ҩык апациентцәа, Очамчыра ирхәышәтәуеит фҩык, Тҟәарчалтәи ахәышәтәырҭаҿы - хҩык, Гагратәи ахәышәтәырҭаҿы - 14-ҩык, Аҟәатәи амобилтә госпиталь аҟны ишьҭоуп акоронавирус зыдбалоу жәҩык апациентцәа.

Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 12788-ҩык ыҟоуп, ргәы бзиахеит 12169-ҩык, рыԥсҭазаара иалҵит 198-ҩык.

Акоронавирус иазку ажәабжьқәа зегьы шәрыԥхьар ҟалоит абра>>

10
Атемақәа:
Аҿкычымазара – акоронавирус Аԥсни адунеи аҿи: иалкаау