Аҵара азыхынҳәра: Аԥсны ахәыҷбаҳчақәеи ашколқәеи аусура иалагеит

26
(ирҿыцуп 15:28 15.02.2021)
Жәабран 15 инаркны Аԥсны ахәыҷбаҳчақәеи ашколқәеи русура азин ҟаҵоуп. Аҟәатәи ашколқәа рҿы амчыбжь еихшаны ашколқәа аус рулоит.

Аҵаратә усҳәарҭақәа русура шхацдыркыз, ашәарҭадаратә уснагӡатәқәа шымҩаԥырго атәы Sputnik Аԥсны аматериал аҿы.

Бадраҟ Аҩӡба, Sputnik

Аԥхьа аиҵбацәа

Аҟәатәи, Пушкин ихьӡ зху ашкол №2 аҩналараз аушьҭырҭа-хылаԥшратә пункт уахысроуп. Амедусзуҩцәа арҵаҩцәеи ахәыҷқәеи ршоура гәарҭоит, ахәыҷқәа рнапқәа арзҩыдагақәа рхьыршьуеит, аҭаацәа ашкол ахь иҩнарҵом.

Ашкол адиректор Ирина Повирскер илҳәеит алагарҭатә школ аҵаратә еихшанҵа инақәыршәаны аусура ишалагаз.

"Уажәы актәии аԥшьбатәии аклассаа аҵара рҵоит. Ашкол алагарҭатә классқәа рҿы 514-ҩык ахәыҷқәа ыҟоуп. Актәи аклассқәа хԥа рыда егьырҭ аклассқәа еихаҳшеит. Актәи асменаҿы аҵара рҵоит 276-ҩык, 16 гәыԥ ыҟоуп. Аҩбатәи асменахь иныҟәоит 238-ҩык, 14 гәыԥ ыҟоуп", - лҳәоит лара.

Актәи асменаа ашкол ахь инеиуеит асааҭ жәба рзы, аҩбатәи - 12:30 рзы. Аурокқәа 35-35 минуҭ ыҟоуп. Аԥсшьараамҭа – 10 минуҭк. Онлаин-ҵараан апрограмма ахысра рҽазыршәеит, ашкол аҿы апрограмма еиҭахысуеит ҳәа лҳәоит лара.

"Зегь маншәалахар, еиҭах акарантин ахь ацара ҳақәымшәар, рашәарамза нҵәаанӡа апрограмма ҳахысуеит. Зынӡа 1280 ҵаҩы ыҟоуп, аклассқәа - 44. Ашкол 78 гәыԥ рыла еихаҳшеит. 20-ҩык иахьеиҳау аклассқәа еиҩаҳшеит", - ҳәа еиҭалҳәоит адиректор.

60 шықәса ирҭысхьоу арҵаҩцәа ракәзар, аҭагылазаашьа еилыркаауеит, ашәарҭадаратә ҭахрақәа ирықәныҟәаны аус шыруа рҳәеит ҳәа азгәалҭеит Ирина Повирскер.

"Ашәарҭарақәа еилыркаауеит. Ирацәаҩуп ачымазара зхызгахьоу. Уажәы арҵаҩцәа рыԥшаара уадаҩуп. Акрыфарҭа аусура аамҭала иаанкылоуп, аха ақалақь ахада илшарала актәи ахымш фатәыла ахәыҷқәа еиқәыршәоуп", - лҳәеит лара.

Арҵаҩы акласс ахь афатә неигалоит ҳәа лҳәеит адиректор.

Ахәыҷқәа рҩызцәа, рырҵаҩцәа гәхьааргон.

"Ашкол ахь ахынҳәра сазыԥшын. Адистанциатә ҵара сгәы иақәымшәеит. Уи адагьы сырҵаҩцәеи сҩызцәеи гәхьаазгон", - ҳәа лҳәоит аԥшьбатәи акласс аҵаҩы Мариа Голанӡиаԥҳа.

Еиҭах ахәыҷбаҳчахь

Русура хацдыркит ахәыҷбаҳчақәа. Урҭ руак, "Алиас" адиректор Заира Қәҭелиаԥҳа илҳәеит ари амш ргәы ҭамгыло ишазыԥшыз.

"Аҵаратә процесс хацҳаркит ҳҽазыҟаҵаны. Ақалақь ахадара ҳаиқәнаршәеит арзҩыдагақәа рыла. Ашоурашәагақәа ҳамоуп. Амедусзуҩцәа иҳадырҵо зегь ҟаҳҵоит", - ҳәа лҳәоит лара.

Ахәыҷбаҳчаҿ 154-ҩык ахәыҷқәа ыҟоуп. Актәи амш азы инеит 63-ҩык. Урҭ фатәыла-жәтәыла еиқәшәоуп.

"Ахәыҷқәа реиҳараҩык ахәыҷбаҳча гәхьааргон, аха иҟан акраамҭа иахьеиԥҟьаз азы аҵәыуара иалагазгьы. Уажәы зегьы рыҽдырҭынчит. Ҳусзуҩцәа уаанӡатәи арежим ала русура нарыгӡоит", - ҳәа лҳәоит лара.

Жәабран хԥа рзы атәыла ахада имҩаԥигаз инарҭбаау аилацәажәараҿы аҵара аминистр Инал Габлиа иҳәеит ашколқәа 100 инарыцны аусура алагара ишазыхиоу. Жәабран 22 инаркны ашкол ахь инеиуеит 5 – 11 аклассқәа.

26
Атемақәа:
Аҿкычымазара – акоронавирус Аԥсни адунеи аҿи: иалкаау (1078)

Ашьапылампыл азы Аԥсны аҿар еизгоу ркоманда Ростов акоманда иаҵахеит

9
(ирҿыцуп 19:28 28.02.2021)
Аԥсназы ростовтәи акомандеи иареи реицыхәмарра аԥшьбатәи аиҩызаратә хәмарра акәхеит аҵара-ҽазыҟаҵаратә ҽеизгарақәа рҳәаақәа иҭагӡаны.

АҞӘА, жәабран 28 – Sputnik. Ашьапылампыл азы Аԥсны аҿар еизгоу ркоманда Ростовтәи Аолимпиатә резерв аучилишье акоманда иаҵахеит амҽыша жәабран 28 рзы. Абри азы адырра ҟанаҵоит Аԥсны Аспорт азы аҳәынҭеилакы.

Ҭамаз Бжьаниа иааӡамҭацәа Аԥсни Урыстәылеи зҽаԥсазтәыз разыҟаҵаҩ Александр Тумасиан иазыҟаиҵо акоманда иацыхәмаруан Шәача Аолимпиатә парк аҟны, иагьхыркәшахеит 2:1 ҳәа ростоваа риааирала.

Ахәмарра даҭааит Аԥсны Аҿари аспорти рзы аҳәынҭқарратә еилакы ахантәаҩы Џьамал Гәбаз, иара Александр Тумасиан идиныҳәалеит "Ахьӡ-аԥша" аорден III аорден ахьианаршьаз, уи азы Аԥсны ахада аусԥҟа инапы аҵаиҩхьан жәабран 9 рзы.

"Сара сазыҟаҵаҩ Александр Тумасиан аорден ахьианаршьаз идсныҳәалоит. Ари ауаҩ еснагь аԥснытәи аспортсменцәа илаԥш рхуп, ҳтәылаҿы аспорт арҿиара, аларҵәара дацхраауеит. Сынтәа иара ибзоураны аԥснытәи ашьапылампыласцәа қәыԥшқәа ааҩык Ростовтәи аолимпиатә резерв иаҵанакуа атәылаҿацәтә училишье иҭалеит. Иара гәыла-ԥсыла аспорт даласоуп, ианаауҭаххалак зегь рыла дувагылоит", - ҳәа азгәеиҭеит иара.

Ашьапылампыл азы Аԥсны аҿар ркоманда аҵара-ҽазыҟаҵаратә еизгарақәа рҳәаақәа ирҭагӡаны уаанӡа иацыхәмаруан шәачатәи акоманда "Медик", урҭ ирыҵахеит 4:0 ҳәа. Анаҩс ирыцыхәмарит аклуб "Шәача", аԥснытәи акоманда ари ахәмарраан иаиааит 4:2 ҳәа. Анаҩс, ҳкоманда астрахантәи "Волгарь" адубль иацыхәмарит, ара "Волгарь" аиааит 4:1 ҳәа.

9

Амшын иаҿықәу абаҳча: апринц Ольденбургтәи ипарк аиҭашьақәыргылара шымҩаԥысуа

4
Апринц Ольденбургтәи ипарк аиҭашьақәыргылара иалагеит 2017 шықәсазы, аусурақәа рхыркәшара азԥхьагәаҭоуп аԥхынра алагамҭаз 2021 шықәсазы.

Акурорт Гагра ашьаҭаркҩы, апринц Ольденбургтәи ипарки гагратәи аколоннадеи реиҭашьақәыргылара иалагеит ԥшьышықәса раԥхьа асоциал-економикатә ҿиара апрограммала. Аусурақәа рынагӡаразы иазоушьҭын 118 миллион мааҭ аԥара.

Иазԥхьагәаҭан апарк ӡылеи фымцалашаралеи аиқәыршәара. Ҳаамҭа иақәшәо аинфраструктура аиҿкаара адагьы иазыԥхьагәаҭоуп аҵиаақәа рацәаны реиҭаҳара, аӡҭарчқәа аԥсыӡ рҭаҵара.

4