Аԥсны ААР аусзуҩцәа дааныркылеит аашықәса раԥхьа ибналаз ауаҩы

27
(ирҿыцуп 13:13 16.02.2021)
Иаанкылоу ахаҵа 2013 шықәсазы дыбналеит, ашьҭазаара иман. Иахьанӡа аусҭҵаареи аӡбареи рҟынтәи иҽцәхьакны дыҟан.

АҞӘА, жәабран 16 - Sputnik. Аԥсны ААР ашьаусԥшаара Аусбарҭа аусзуҩцәеи Гәдоуҭа араион ААР аусзуҩцәеи дааныркылеит 2013 шықәсазы ибналаз, Лыхны ақыҭан инхо Дмитри Барцыц. Абри атәы аанацҳауеит аусбарҭа асаит.

Барцыц Аԥсны ААР иатәу абахҭа дҭакын ацәгьоуразы. 2011 шықәса ԥхынгәы 10 рзы акаҳуажәырҭа "Камелия" аҿы, Гагра ажәеимакра ашьҭахь акаҳуажәырҭа аусзуҩ аҳәызба илаҵаны дыбналеит. Ааха зауз ахаҵа иԥсҭазаара далҵит.

2011 шықәсазы Дмитри Барцыц дааныркылеит, 2012 шықәса лаҵарамзазы аашықәса иқәҵаны иус рыӡбеит. 2013 шықәса, цәыббрамзазы Агәыӡера иҟоу арратә госпиталь ахь даныргоз амҩан дыбналеит.

Цәыббра 17, 2013 шықәсазы ишьҭазаара рылаҳәан, аха иахьанӡа иҽыҵәахны дыҟан.

Жәабран 15, 2021 шықәсазы иара иганахь ала ашьаус хацыркын ибналаразы. Аусҭҵаара мҩаԥнагоит Гәылрыԥшь араион апрокуратура.

27

Гыцба еиҭеиҳәеит Гәдоуҭатәи аветеринартә маҵзурахьы аҳақьымцәа усура изымнеиуа

14
(ирҿыцуп 20:14 26.02.2021)
Гәдоуҭатәи аветеринартә маҵзура аиҳабы Лавренти Гыцба арадио Sputnik аефир аҟны еиҭеиҳәеит рмаҵзура иахьа уадаҩрас иамоу атәы.
Раионк аԥсҭазаараҟынтә: Гыцба еиҭеиҳәеит Гәдоуҭатәи аветеринартә маҵзура аусушьа атәы

"Ҳраион аҟны 20 қыҭа ыҟоуп, ашьамаҟа хыԥхьаӡарала иугозар 45 нызқь рҟынӡа инаӡоит. Ачымазара бааԥсқәа узыцәшәаша ҳәа макьана акгьы ҳамам. Арахә ачымазара рыламҽырц ҳазҿу аусурақәа ыҟоуп, аха ҳазхьымӡогьы рацәоуп. Сара аусураҟны аҳақьым дсымаӡам. Афельдшер аӡәы апрактика дахысуеит, аӡәы еилзырго лоуп акәымзар, аҳақьым ҳара ҳҟны дааиӡом ауалафахәы амаҷра иахҟьаны. Ачымазарақәа рҟынтәи ахшәқәа ааҳгоит, ҳамч ахьынӡарықәхо. Араион аҟынтәигьы ацхыраара ҟарҵоит, аха уи жәаџьара ишаны хәҭак. Абиуџьет уажәы еиҵартәеит, 80 нызқь мааҭ шықәсык ҳәа иԥхьаӡан. Хык 350 мааҭ ақәӡоит иҟауҵозар (ахәшә). 45 нызқь хы арахә ахьыҟоу, ажәқәа мацара аагозар, хәҭак хыџьара- ԥшьыџьара ишаны иҟалоит. Ачымазара рыхьаанӡа апрофилактика аҳасабала алаҵа ҟауҵароуп", - иҳәеит Гыцба.

Шәазыӡырҩы аудио.

14

Аԥсны акоронавирус ҿыц издырбалаз 11-ҩык ыҟоуп, аӡәы иԥсҭазаара далҵит

10
(ирҿыцуп 19:01 26.02.2021)
Иҳаҩсыз уахыки-ҽнаки рыла COVID-19 рылоу ирыламу аилкааразы 161-ы атестқәа рзыҟаҵан, урҭ рахьтә 11-ҩык акоронавирус рцәа ишалаз аадырԥшит .

АҞӘА, жәабран 25 – Sputnik. Гәдоуҭатәи ахәышәтәырҭаҿы иԥсҭазаара далҵит 1958 шықәса рзы ииз апациент, ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Апациент иизықәыргылаз адиагноз хада акоронавирустә инфекциа ҿыц ауп. Ахаҵа иԥсҭазаара далҵит жәабран 25 рзы.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 44-ҩык, урҭ рахьтә 37-ҩык акоронавирус адиагноз рзышьақәыргылоуп, рҭагылазаашьа бааԥсуп 15-ҩык, ибжьаратәуп - 16-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 10-ҩык апациентцәа, Очамчыра ирхәышәтәуеит фҩык, Тҟәарчалтәи ахәышәтәырҭаҿы - хҩык, Гагратәи ахәышәтәырҭаҿы - 14-ҩык, Аҟәатәи амобилтә госпиталь аҟны ишьҭоуп акоронавирус зыдбалоу жәҩык апациентцәа.

Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 12788-ҩык ыҟоуп, ргәы бзиахеит 12169-ҩык, рыԥсҭазаара иалҵит 198-ҩык.

Акоронавирус иазку ажәабжьқәа зегьы шәрыԥхьар ҟалоит абра>>

10
Атемақәа:
Аҿкычымазара – акоронавирус Аԥсни адунеи аҿи: иалкаау