Урыстәылаа еиҳа иргәаԥханы иалырхуа аҳәаанырцәтәылақәа Аԥсны рыҵаркит
АҞӘА, жәабран 16 - Sputnik. 2020 шықәсазы Урыстәылаа еиҳа иргәаԥханы иалырхуаз аҳәаанырцәтәылақәа Аԥсны рыҵаркит. Урыстәыла АШәМ Аҳәаахьчаратә маҵзура адыррақәа иаадырԥшит аиҳа арахь аныҟәарақәа шымҩаԥгаз.
Зынӡа 2 824 631 ҭаара мҩаԥган, аиҳарак атуристтә хықәкала. Убри аан актәи аԥшьбараз 29% илаҟәын, 2019 шықәсазы - 41,2%.
Еиҳа иалыркаауа аҭыԥқәа жәаба:
- Аԥсны - 2 824 631 ныҟәара,
- Ҭырқәтәыла - 2 206 877 ныҟәара,
- Украина - 1 314 879 ныҟәара,
- Финлиандиа - 1 044 648 ныҟәара,
- Ҟазахстан - 864 055 ныҟәара,
- Таиланд - 507 478 ныҟәара,
- Естония - 469 248 ныҟәара,
- ОАЕ - 377 084 ныҟәара,
- Китаи - 305 589 ныҟәара,
- Германиа - 303 104 ныҟәара.
2019 шықәса иаҿырԥшны 2020 шықәсазы аныҟәарақәа 70,6% илаҟәит. Урыстәыла АШәМ Аҳәаахьчаратә маҵзура адыррақәа рыла 2020 шықәсазы 14 140 027 ҳәаанырцәныҟәара мҩаԥыргеит. Ари 70,6% еиҵоуп 2019 шықәсазы аасҭа.
Урыстәыла ауааԥсыра ареспубликахь раара ԥкын акоронавирустә инфекциа иаҿырԥшны нанҳәа 1 аҟынӡа, 2020 шықәсазы. Аԥсны атуризм аминистр Ҭеимураз Хышба, иазгәеиҭеит нанҳәа 1 аахыс 600 нызқьҩык ареспублика ишаҭааз.
Иара убас шәаԥхьар ҟалоит:
- Урыстәылатәи атуроператорцәа Аԥсны аԥхын аԥсшьаразы рҭаххара ахәшьара арҭеит
-
Аԥсны 2021 шықәсазы миллионҩык инареиҳаны аԥсшьацәа ирзыԥшуп
Барганџьиа: атәылаҿы иҟоу атехника зегьы ацәаӷәара аамҭазы еиқәыршәахоит
(ирҿыцуп 09:56 05.03.2021)
Ацәаӷәаразы араионқәа рҿы амашьынатә-трактортә станциақәа ахьынӡазыхиоу атәы арадио Sputnik аефир аҿы еиҭеиҳәеит, ақыҭанхамҩа аминистрра агрономиа аҟәша аиҳабы Едуард Барганџьиа.Хра злоу ахҭысқәа: Барганџьиа араионқәа ацәаӷәара разырхиара иазкны
"Ацәаӷәара аамҭа макьана имааицт, аха уи азы иҳамоу атехника архиаразы аусура мҩаԥысуеит. Ақыҭанхамҩа аминистрраҿы иаԥҵан акомиссиа, араионқәа рахь иныҟәон, игәарҭон атехниказы аҭагылазашьаа зеиԥшроу атәы. Уажәнатә иуҳәар ҟалоит атәылаҿы иҟоу атехника зегьы еиқәыршәахоит ҳәа, иагыз ҟаҵахоит. Ацәаӷәара зҭаху иҟаиҵоит аҳәара, анаҩс инеины ирцәаӷәоит. Ҳара иҳамоу атехникала ҵыԥх аасҭа сынтәа аиҳа ҩынтә еиҳаны иаҳцәаӷәарҭә алшара ҳамоуп, аха ацәаӷәара аамҭа анааилак, иаразанак зегьы рҿы иузыцәаӷәаӡом, амшцәгьагьы уи аус еиԥнарҟьоит. Астанциа ақалақь аҿоуп иахьыҟоу, атехника ақыҭақәа рахь ицароуп, уигьы аамҭа агоит. Знык дахьцо даҽа ҩынтә-хынтә ацара иқәшәоит, избанзар, зегьы аԥара еицрымам", - ҳәа еиҭеиҳәеит Барганџьиа.
Иаҳа инеиҵыху аиҿцәажәара шәазыӡырҩыр шәылшоит аудио аҿы.
Иара убас шәаԥхьар ҟалоит:
-
Шьоууа: аҿар иаҳа ихьаԥшуа иалагеит ақыҭахь, аарыхратә усқәа рахь
-
Бигәаа еиҭеиҳәеит Гал араион ақыҭанхамҩаҿы имҩаԥысуа аусурақәа ртәы
Бжьаниа Гәдоуҭа араион ахадас Боџьгәуа икандидатура еиҭа инаишьҭит
(ирҿыцуп 09:29 05.03.2021)
Гәдоуҭа араионтә еизара адепутатцәа Баграт Боџьгәуа араион ахадас дшьақәыдмырӷәӷәеит ажьырныҳәа 29 рзы имҩаԥысыз аилатәараҿы.АҞӘА, хәажәкыра 5 – Sputnik, Бадри Есиава. Аԥсны ахада Аслан Бжьаниа Гәдоуҭатәи араионтә еизарахь ашәҟәқәа неишьҭит араион ахадас Баграт Боџьгәуа икандидатура ахәаԥшразы ҳәа аанацҳауеит ахада ипресс-маҵзура.
Апресс-маҵзураҿы ишырҳәаз ала адокумент анапы аҵаҩын жәабран 26 рзы.
Баграт Боџьгәуа Гәдоуҭа араион ахада инапынҵақәа назыгӡо ҳәа дҟаҵан Аԥсны ахада Аслан Бжьаниа идҵала 2020 шықәса, лаҵарамзазы. Боџьгәуа ари аҭыԥ аҿы диԥсахит Руслан Ладариа.
Гәдоуҭа араионтә еизара адепутатцәа Боџьгәуа араион ахадас дшьақәыдмырӷәӷәеит ажьырныҳәа 29 азтәи реилатәараҿы. Уи азы бжьык игхеит.
©
Foto / Николай Обаничев
Аконституциатә процедура инақәыршәаны атәыла ахада азин имоуп 30 мшы рыҩныҵҟа аҽазныкгьы Боџьгәуа икандидатура адепутатцәа ирыдигалар, мамзаргьы аҽа кандидатурак рыдигалар.
Аизараҿы ақалақь, араион ахадас зыӡбахә ҳәо икандидатура рыдрымкылар, атәыла ахада азин имоуп аамҭала анапынҵақәа назыгӡо иаҭара.
Араион, Аҟәа ақалақь, аҳабла, ақыҭа ахадас дҟалар илшоит Аԥсны атәылауаҩ, 30 шықәса ирҭысхьоу, 5 шықәса еиҵамкәа аџьатә ԥышәа змоу.