Бжьаниа антиковидтә уснагӡатәқәа ҭакԥхықәрала ирықәныҟәаларц ааԥхьара ҟаиҵеит

26
(ирҿыцуп 15:51 16.02.2021)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 12106-ҩык ыҟоуп, ргәы бзиахеит 11765-ҩык, рыԥсҭазаара иалҵит 193-ҩык.

АҞӘА, жәабран 16- Sputnik. Аԥсны ахада Аслан Бжьаниа иҳәеит ареспубликаҿы COVID-19 алаҵәара алаҟәрахь анеира ишаанамго ҭакԥхықәрада ари ачымазара азнеира ауеит ҳәа. Абри атәы иҳәеит иара аиҳабыреи араионқәеи ақалақьқәеи рхадарақәеи рԥылараан. Абри атәы аанацҳауеит ахада ипресс-маҵзура.

"Аҵаратә процесс алагара еиҳагьы ашәарҭадаратә нормақәа рықәныҟәара аҭахны иҟоуп", - иҳәеит Бжьаниа.

Агәабзиарахьчара аминистр Ҭамаз Ҵахнакьиа аилацәажәараҿы атәылаҿ иҟоу аепидемиологиатә ҭагылазаашьа далацәажәеит.

Аамҭала аԥыза-министр инапынҵақәа назыгӡо Владимир Делба иҳәеит аҵараиурҭақәа русура алагамҭаз иколлегацәеи иареи урҭ дырҭааны рҭагылазаашьа шгәеиҭоз.

"Иуҳәар ауп ҵараиурҭақәак рҟны азыҟаҵара аҩаӡара даара ишыҳаракыз. Иаабон асанитартә нормақәа зегьы ишрықәныҟәаз", - иҳәеит Делба.

Ахада аиҳабыра рлахәылацәеи аҳәынҭеилакқәа рнапхгаҩцәеи рнапы ианиҵеит ашколқәа хылаԥшра рырҭаларц, иаздырхиарц асиа дасу дызхылаԥшуа ашкол арбаны.

"Уи иаанаго аматериалтә цхыраара ҟаҵатәуп ҳәа акәӡам. Изхылаԥштәу асанитартә нормақәа ишрықәныҟәо ауп. Мызқәак абри арежим ҳақәныҟәалароуп. Апандемиатә проблема шааӡбахалак, ари аус хҳаркәшоит", - иҳәеит Аслан Бжьаниа.

26
Атемақәа:
Аҿкычымазара – акоронавирус Аԥсни адунеи аҿи: иалкаау (1070)

Иҳаҩсыз уахыки-ҽнаки рыла Аԥсны акоронавирус ҩажәаҩык ирыдырбалеит

5
(ирҿыцуп 21:06 24.02.2021)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 12745-ҩык ыҟоуп, ргәы бзиахеит 12097-ҩык, рыԥсҭазаара иалҵит 196-ҩык.

АҞӘА, жәабран 24 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 260-ҩык атестқәа рзыҟаҵан, урҭ рахьтә 20-ҩык акоронавирус рцәа ишалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 49-ҩык, урҭ рахьтә 43-ҩык акоронавирус адиагноз рзышьақәыргылоуп, рҭагылазаашьа бааԥсуп 16-ҩык, ибжьаратәуп - 14-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 12-ҩык апациентцәа, Очамчыра ирхәышәтәуеит быжьҩык, Тҟәарчалтәи ахәышәтәырҭаҿы - хҩык, Гагратәи ахәышәтәырҭаҿы - 13-ҩык, Аҟәатәи амобилтә госпиталь аҟны ишьҭоуп акоронавирус зыдбалоу 14-ҩык апациентцәа.

Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 12745-ҩык ыҟоуп, ргәы бзиахеит 12097-ҩык, рыԥсҭазаара иалҵит 196-ҩык.

Акоронавирус иазку ажәабжьқәа зегьы шәрыԥхьар ҟалоит абра>>

5
Атемақәа:
Аҿкычымазара – акоронавирус Аԥсни адунеи аҿи: иалкаау (1070)

Џьопуа Тҟәарчалтәи аџьармыкьазы: апроект ала иаартны иазгәаҭоуп, аха иаркызар иаҳа еиӷьхон

12
(ирҿыцуп 19:41 24.02.2021)
Тҟәарчалтәи аџьармыкьа аиҳабы Сасрыҟәа Џьопуа арадио Sputnik аефир аҿы еиҭеиҳәеит аџьармыкьаҿы ицо аргыларатә усурақәа ртәы.
Раионк аԥсҭазаараҟынтә: Џьопуа Тҟәарчалтәи аџьармыкьа аиҭашьақәыргылара иазкны

"Аремонттә усурақәа ирзоурыжьран иҟоуп 3 миллионки 500 нызқь мааҭи. Урҭ аԥарақәа ҳарзыԥшуп. Апроект ала аџьармыкьа аартны иазгәаҭоуп, аха иаркызар иаҳа еиӷьхон. Уажәы ахәаахәҭразы аџьармыкьахь иааиуа ауаа маҷуп. Иахьықәгыло ыҟаӡам, ақәа леи, асы леи, адәы иқәгылазароуп. Бедиа ибгаз амҩа иахҟьаны аџьармыкьаҿы ахәаахәҭыҩцәа агхеит. Уажәы ауаа адәахьы ихәаахәҭуеит, астолқәа ргыланы ирымоуп", - ҳәа еиҭеиҳәеит Џьопуа.

Иаҳа инеиҵыху аиҿцәажәара шәазыӡырҩыр шәылшоит аудио аҿы.

12