Бжьаниа ахархәараз узхысыр ҟамло афымцамчхыԥхьаӡара атәы иҳәеит

17
(ирҿыцуп 18:31 16.02.2021)
Ԥхынҷкәын 11 рзы Аԥсны Урыстәылантәи алашара аиура иалагеит, убри аан ажьырныҳәа 20 рҟынӡа Гәылрыԥшь, Очамчыра, Гал, Тҟәарчал араионқәа ЕгрыГЕС аҟынтәи ироуан алашара.

АҞӘА, жәабран 16 - Sputnik. Ари амзазы Аԥсны рхы иадырхәо афымцамч 8,3 миллион киловатт еиҳамзароуп ҳәа иҳәеит Аслан Бжьаниа аиҳабыра рлахәылацәа, араионқәа рхадацәа, "Амшынеиқәафымцамч" анапхгара, Апрокуратура хада, Аԥсны ААР рхаҭарнакцәа злахәыз аилацәажәараҿы. Абри атәы аанацҳауеит ахада ипресс-маҵзура.

Бжьаниа иазгәеиҭеит имоу аинформациала атәылаҿ афымцамч ахархәара еизҳауа ишалагаз. Убри аан уи зегьы ахьҭақәа рыҟалара иузақәҵом.

"Уахыки-ҽнаки рыла Аԥсны рхы иадырхәо афымцамч 8,3 миллион киловатт еиҳамзароуп", - иҳәеит иара.

Аслан Бжьаниа иҳәеит ари атемала ԥхьаҟа аилацәажәарақәа рымҩаԥгара игәы ишҭам.

"Сара исоуа аинформациа шьаҭас иҟаҵаны аӡбрақәа сыдыскылалоит", - азгәеиҭеит иара.

Амаҵзурауаа ргәырҽаниҵеит инапынҵақәа рынамыгӡаразы хаҭалатә ҭакԥхықәра шрыдло азы.

Иара убас шәаԥхьар ҟалоит:

17
Атемақәа:
Аԥсны аенергетика апроблемақәа (228)

Гыцба еиҭеиҳәеит Гәдоуҭатәи аветеринартә маҵзурахьы аҳақьымцәа усура изымнеиуа

14
(ирҿыцуп 20:14 26.02.2021)
Гәдоуҭатәи аветеринартә маҵзура аиҳабы Лавренти Гыцба арадио Sputnik аефир аҟны еиҭеиҳәеит рмаҵзура иахьа уадаҩрас иамоу атәы.
Раионк аԥсҭазаараҟынтә: Гыцба еиҭеиҳәеит Гәдоуҭатәи аветеринартә маҵзура аусушьа атәы

"Ҳраион аҟны 20 қыҭа ыҟоуп, ашьамаҟа хыԥхьаӡарала иугозар 45 нызқь рҟынӡа инаӡоит. Ачымазара бааԥсқәа узыцәшәаша ҳәа макьана акгьы ҳамам. Арахә ачымазара рыламҽырц ҳазҿу аусурақәа ыҟоуп, аха ҳазхьымӡогьы рацәоуп. Сара аусураҟны аҳақьым дсымаӡам. Афельдшер аӡәы апрактика дахысуеит, аӡәы еилзырго лоуп акәымзар, аҳақьым ҳара ҳҟны дааиӡом ауалафахәы амаҷра иахҟьаны. Ачымазарақәа рҟынтәи ахшәқәа ааҳгоит, ҳамч ахьынӡарықәхо. Араион аҟынтәигьы ацхыраара ҟарҵоит, аха уи жәаџьара ишаны хәҭак. Абиуџьет уажәы еиҵартәеит, 80 нызқь мааҭ шықәсык ҳәа иԥхьаӡан. Хык 350 мааҭ ақәӡоит иҟауҵозар (ахәшә). 45 нызқь хы арахә ахьыҟоу, ажәқәа мацара аагозар, хәҭак хыџьара- ԥшьыџьара ишаны иҟалоит. Ачымазара рыхьаанӡа апрофилактика аҳасабала алаҵа ҟауҵароуп", - иҳәеит Гыцба.

Шәазыӡырҩы аудио.

14

Аԥсны акоронавирус ҿыц издырбалаз 11-ҩык ыҟоуп, аӡәы иԥсҭазаара далҵит

10
(ирҿыцуп 19:01 26.02.2021)
Иҳаҩсыз уахыки-ҽнаки рыла COVID-19 рылоу ирыламу аилкааразы 161-ы атестқәа рзыҟаҵан, урҭ рахьтә 11-ҩык акоронавирус рцәа ишалаз аадырԥшит .

АҞӘА, жәабран 25 – Sputnik. Гәдоуҭатәи ахәышәтәырҭаҿы иԥсҭазаара далҵит 1958 шықәса рзы ииз апациент, ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Апациент иизықәыргылаз адиагноз хада акоронавирустә инфекциа ҿыц ауп. Ахаҵа иԥсҭазаара далҵит жәабран 25 рзы.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 44-ҩык, урҭ рахьтә 37-ҩык акоронавирус адиагноз рзышьақәыргылоуп, рҭагылазаашьа бааԥсуп 15-ҩык, ибжьаратәуп - 16-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 10-ҩык апациентцәа, Очамчыра ирхәышәтәуеит фҩык, Тҟәарчалтәи ахәышәтәырҭаҿы - хҩык, Гагратәи ахәышәтәырҭаҿы - 14-ҩык, Аҟәатәи амобилтә госпиталь аҟны ишьҭоуп акоронавирус зыдбалоу жәҩык апациентцәа.

Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 12788-ҩык ыҟоуп, ргәы бзиахеит 12169-ҩык, рыԥсҭазаара иалҵит 198-ҩык.

Акоронавирус иазку ажәабжьқәа зегьы шәрыԥхьар ҟалоит абра>>

10
Атемақәа:
Аҿкычымазара – акоронавирус Аԥсни адунеи аҿи: иалкаау