Лампочка

Аԥсны Урыстәыла аҿаԥхьа афымцалашара аиуразы ауал ақәуп

24
(ирҿыцуп 11:16 17.02.2021)
2016 шықәса раахыс ҭагалан-аӡын аамҭақәа рзы ареспубликахь афымцалашара аауеит урыстәылантәи.

АҞӘА, жәабран 17 - Sputnik. 2020 шықәса жәабран-мшаԥы амзақәа рзтәи ахархәаразы Аԥсны Урыстәыла аҿаԥхьа афымцалашара аиураз 619 миллион мааҭ ауал ақәуп ҳәа лҳәеит абрифинг аҿы аԥыза-министр ихаҭыԥуаҩ, аекономика аминистр Кристина Озган.

Ԥхынҷкәын 11 2020 шықәсазы афымцалашара аара ианалагозгьы 2020 шықәса жәабран-мшаԥы амзақәа рзтәи ахархәаразы Аԥсны Урыстәыла аҿаԥхьа афымцалашара аиураз 619 миллион мааҭ ауал ақәын, уи адагьы ишәамызт 2019 шықәсазтәи 190 миллион мааҭ.

"Иахьазы 190 миллион мааҭ, 2019 шықәсазтәи ауал, акомпенсациа азууп Аинвестпрограмма аҳәаақәа ирҭагӡаны. 619 миллион мааҭ ауал аҟынтәи 162 миллион мааҭ аурыс-аԥсуа еиҳабырабжьаратә комиссиа ацхантәаҩцәа рыӡбра аҳәаа иҭакны ишәахоит. Иаанхаз макьаназ аԥаразоужьра азыҟазҵо шьақәыргылам" ҳәа лҳәеит Озган.

Лара илҳәеит Аслан Бжьаниа Урыстәыла анапхгарахь аҳәара ҟаиҵеит ари ауал ақәхра азҵаара аӡбразы. Озган илҳәеит абри ахырхарҭала аусурақәа шымҩаԥысуа.

Аминистр иара убасгьы дазааҭгылеит афымцамчхара атарифқәа рыцҵара азҵаарагьы. Аенергетика аусхк аҟны атарифтә политика аҭагылазаашьа иақәшәо иҟам.

"Атарифқәа зегьы асоциалтә ҭагылазаашьа иахьынҳалоуп. Аулафахәқәеи атәанчахәқәеи ирҿырԥшны актуалтә тарифтә политика узалацәажәом. Аха ҭыԥк аҿы агылара, аҽаӡәы ҳапроблемақәа анбеиӡбо ҳәа аԥшра иашам" ҳәа азгәалҭеит Озган.

Лара илҳәеит иахьатәи атарифқәа 2011 шықәса раахыс ишырымԥсахыц.

"Еилкаауп афымцамчхара ахәԥса атарифқәа ишырнымаало. Ари аҭагылазаашьаҿы аусура бзиа, еиԥҟьарада афымцалашара рыӡбахә аҳәара залшом" - лҳәоит Кристина Озган.

Лара иазгәалҭеит аҳәынҭқарра атарифтә политика аконцепциа аус адуланы асистема шьақәнаргылар шакәу.

"Ҳара атарифқәа рыԥсахра аԥшьгара ҳгәы иҭоуп. Ари азҵаара иалацәажәахоит аиҳабыра, Апарламент рҿы. Иалҳаршароуп акиловатт ахәԥса ашәара", - лҳәеит аԥыза-министр ихаҭыԥуаҩ.

Убри аан иазгәалҭеит ипроблема дуны ишыҟоу алашара ахә амшәара.

Иара убас шәаԥхьар ҟалоит:

24
Атемақәа:
Аԥсны аенергетика апроблемақәа (233)

Хә-ҟазшьак аазырԥшуа: аԥҳәыс лроль аԥсуаа ртрадициатә культураҿы

115
Аԥсуаа ртрадициатә культураҿы аԥҳәыс лхаҿала иаарԥшу анцәахәқәеи, хә-ҟазшьак аазырԥшуа аҳәсеи ртәы дазааҭгылоит Нарҭдырреи адәынтәи афольклорҭҵаареи рцентр аҭҵаарадырратә усзуҩы Есма Ҭодуаԥҳа.

Есма Ҭодуаԥҳа, Sputnik

Уагьынзырхо, уагьыхзырҵәо

Аԥсуаа ртрадициатә культураҿы аԥҳәыс еснагь иҳаракыу аҭыԥ аанылкылон. Хыԥхьаӡара рацәала аԥсуаа зымҵаныҳәо анцәахәқәа рҟынгьы аԥҳәыс лхаҿала иаарԥшу анцәахәқәа шеиҳау убоит. Иара зегь иреиҳау мчны иԥхьаӡо Анцәа ихьӡ акәзаргьы, ажәа "ан" аҟынтәи иаауеит. Аԥҳәыс лроль шҳаракыз аадырԥшуеит аԥсуа жәлар рҿаԥыцтә ҳәамҭақәагьы. Уи Саҭанеи Гәашьеи Гәында-ԥшӡеи рхаҿсахьа уҳәару, аҭоурых-фырхаҵаратә ҳәамҭақәа рҟны иаарԥшу Баалоу-ԥҳа Мадина леиԥш иҟоу афырԥҳәызбацәа инадыркны аԥсуа лакәқәа рҟны иуԥыло аҭаца ҟәыш лхаҿсахьа уҳәа ирацәаны.

Аԥҳәыс илыхҟьаны жәларык еиҿагыланы еибашьыргьы ауан, ус еиԥш Аԥсны аҭоурыхгьы иадыруеит. Убас Шьалуа Инал-иԥа ишиҩуа ала, VI ашәышықәса азбжазы аԥсилаа аԥҳәыс лыпату ахьчаразы усҟантәи аамҭазы Ҵабал иҟаз агарнизон зегь ықәырхит, атәымуаҩ дааны ахьымӡӷ шԥаҳиргоз ҳәа. Аха убри аан аԥҳәыс лҭыԥ лдыруа дыҟан. Иаҳҳәап, аԥҳәыс ахаҵа иаасҭа дыррала деиҳазаргьы, ауаа рҟны уи аалырԥшуамызт, лара лҵаҳәақәа рыла ахаҵа аиааира илыргон. Убри азоуп изырҳәогьы аԥҳәыс илҭаххар, унлырхоит, ианамуӡагь – ухлырҵәоит ҳәа.

Аԥсуаа ишырҳәо ала, иҟоуп хә-ҟазшьак аазырԥшуа аҳәса: амшәԥҳәыс, афырԥҳәызба, абырфынԥҳәыс, агәарабжьараԥҳәыс, агәараԥҳәыс.

  • Амшәԥҳәыс ҳәа иҟаз лгәаҿы ахахәы аауан, уыбрыи азыҳәаны уи лгара зегьы ирзыгәаӷьуамызт. Аха уи илхылҵуаз цәгьа дуаҩы ԥшӡахон, дыӷәӷәахон ҳәа еиҭарҳәоит ажәытәуаа.
  • Афырԥҳәызба – уи ҳаамҭагьы дагым ус еиԥш иҟоу, Аԥснытәи аџьынџьтәылатә еибашьра имаҷымкәа афырԥҳәызбацәа ҳнарбеит.
  • Ахԥатәи, абырфынԥҳәыс ҳәа иҟоу, ишырҳәо ала, "ашьац таата еигӡан зшьапы ылазмыргыло" ҳәа ззырҳәо дреиуоуп.
  • Аԥшьбатәи акатегориахь даҵанакуеит агәарабжьараԥҳәыс. Аӡәы ишиҳәаз иуҳәозар, "урҭ иахьа ҳархырыҩны ҳкаҳауеит. Агәылара иааҟәымҵӡакәан ицот, иаха бхаҵа ибеиҳәеи, уҳәансҳәан, ана акофе ыжәуа, ара акофе ыжәуа".
  • Ахәбатәи, агәараԥҳәыс – аҩназы зегь ҟалҵоит, аха аҩны дындәылҵыр, акгьы лылшом.

Иазгәаҭатәуп, ҵарада аҵара змаз ауаа, аԥсабареи иара аԥсҭазаара ахаҭеи ашьклаԥшрала иҟарҵоз алкаақәа иҵабыргыхаҭаны иубо ишыҟоу.

Народная артистка Абхазии Этери Когония
© Фото : С. Ҷанба ихьӡ зху аԥсуа драматә театр актрисацәа. Афото: Еҭери Коӷониаԥҳа лҭаацәа рархив аҟнытә.

Иахьатәи ҳаамҭазы имҩаԥысуа аполитактә процессқәа ҳрыхәаԥшуазар, Ахада иадминистрациа аԥхьа арҭ амшқәа рзы еизаз рыбжьы аҟынтәи аҳәса рыбжьы "вперед" ҳәа иаалыҩуаз, аӷа ихыбра иақәлозшәа, ашә ԥышәҽ ҳәа ахацәа зыраапкуаз, хыхь зыӡбахә сҳәоз аҳәса фырԥҳәызбацәа ркатегориахь иузаҵакуама?

Аимак змаз аԥҳәыс данрыбжьагылалак, аибашьрагьы аанылкылозҭгьы, иахьа зегь еиҟарауаахеит, аԥҳәысгьы, ахаҵагьы, аиҳабгьы, аиҵыбгьы. Досу рхатә ганахь ишахо ала, аӡәы иаҳа хшыҩла даҽаӡәы диеиҳауп ҳәагьы узҳәом.

Иарбан ԥеиԥшу аԥсҭазаара иаҳзаанагаша, "ҳанзырхо акәу, ҳахзырҵәо акәу" аҳәара уадаҩуп. Ашәак аҟны ишҳәаз еиԥш, "зегь зыӡбо Анцәа иоуп, даҽа маҷк – ауаа роуп"…

Иара убас шәаԥхьар ҟалоит:

115

Аԥсны ауааԥсыра амобилтә госпиталь аҳақьымцәа март 8 рыдырныҳәалеит

2
(ирҿыцуп 11:12 08.03.2021)
2020 шықәса жьҭаара 20 рзы аусура иалагаз Урыстәыла Атәылахьчара аминистрра арратә мобилтә госпиталь ашәахьа хәажәкыра 1 азы Аԥсны аусура хнаркәшеит.

АҞӘА, хәажәкыра 8 - Sputnik. Аԥсны ауааԥсыра Урыстәыла Атәылахьчара аминистрра иатәу амобилтә госпиталь аҳақьымцәа- аҳәса март 8 рыдырныҳәалеит. Абри атәы аанацҳауеит ААР апресс-маҵзура.

Аԥсны ауааԥсыра ковид-госпиталь аусзуҩцәа аныҳәа рыдырныҳәалеит асасааирҭа "Аиҭар" аҵакыраҿы.

Амобилтә госпиталь аҳақьымцәа аҳәса 20-ҩык иранаршьеит ашәҭқәеи аҳамҭақәеи, ирзеиӷьаршьеит агәабзиара, абзиабара, агәалаҟазаара бзиа, ачҳара имариам рус аҿы.

Иарбоу аамҭа иалагӡаны амбулатор-консультациатә цхыраара рыҭан хнызқьи быжьшәҩык инареиҳаны Аԥсны ауааԥсыра, амбулатортә дкылара рыҭан 3,3 нызқьҩык, астационартә – 450-ҩык рҟынӡа.

Иара убасгьы агоспиталь алабораториаҿ 18 000 рҟынӡа клиникатә ҭҵаара мҩаԥган, урҭ рҟынтәи 5,3 нызқь ПЦР-тест, 2 000 рентгенограмма. Иахьазы амедусзуҩцәа аҽеизгара иаҿуп. Хара имгакәа арратә техника аилазаара иаланы есқьаангьтәи ргыларҭа ҭыԥ иазыхынҳәуеит.

2