Милиция МВД

Гәдоуҭа иӡыз аӡӷаб дрыԥшааит

33
Диана Самава, 2006 шықәса рзы ииз, Гәдоуҭа, Владислав Арӡынба ихьӡ зху амҩаҿы игылоу лыҩнаҟынтәи ддәылҵит жәабран 16 асааҭ 10:00 рзы, аҽны хәлаанӡагьы аӡәгьы лыҽималымдеит.

АҞӘА, жәабран 17 – Sputnik, Бадраҟ Аҩӡба. Диана Самава, 2006 шықәса рзы ииз, аоперативтә ԥшаарақәа ирылҵшәаны дыԥшаауп. Абри атәы Sputnik иазеиҭарҳәеит Аԥсны ААР апресс-маҵзураҿы.

Иазгәарҭеит аӡӷаб кьыс лымам ҳәа. Инацҵоу адыррақәа ҟарымҵеит.

Уаанӡатәи адыррақәа рыла Диана Самава, 2006 шықәса рзы ииз, Гәдоуҭа, Владислав Арӡынба ихьӡ зху амҩаҿы игылоу лыҩнаҟынтәи ддәылҵит жәабран 16 асааҭ 10:00 рзы, аҽны хәлаанӡагьы аӡәгьы лыҽималымдеит. Аӡӷаб лыԥшаара иалахәын Аԥсны ААР араионтә ҟәшақәа, аппарат хада, СОБР аусзуҩцәа.

Иара убас шәаԥхьар ҟалоит:

 

33

Аԥсны Апарламент аԥхьа еизаз рҟынтәи ԥшьҩык адепутатцәа рахь инеиит

21
(ирҿыцуп 15:56 02.03.2021)
Аԥсны Апарламент ахьиниуеит ауаажәларра, аоппозициа, апартиақәа рхаҭарнакцәа ахада уаанӡатәи иабжьгаҩ иумҭа иақәыӡбарц.

АҞӘА, хәажәкыра 2 - Sputnik, Асмаҭ Ҵәыџьԥҳа. Ауаажәларратә еиҿкаарақәа рхаҭарнакцәа Бенур Қәираиа иумҭа ахәшьара аҭаразы Апарламент адепутатцәа рыҿцәажәаразы инеиит.

Аделегатцәа ауаажәларратә ветерантә еиҿкаара "Аруаа" аиҳабы Ҭимур Гәлиа, АУЕ "Аруаа" Иреиҳаӡоу ахеилак алахәыла Ҭемур Надараиа, апартиа "Аԥсны" аиҳабы Витали Габниа, Жәлар ракзаара Афорум аиҳабы Аслан Барцыц.

Аҩаша, хәажәкыра 2 рзы Аҟәа, Ахақәиҭра ашҭаҿы ауаажәларратә еиҿкаара "Аруаа" ааԥхьара ҟанаҵеит ачынуаа Қырҭтәыла рцара згәы амырҭынчуа зегьы еизарц азы.

Абри ашьҭахь Ахақәиҭра ашҭаҿы еизаз рҟынтәи ҩышәҩык рҟынӡа Аԥсны Жәлар Реизара ахыбрахь инеиит адепутатцәа ирыҿцәажәарц уаанӡатәи ахада иабжьгаҩ Бенур Қәираиа Қырҭтәыла иҟазаара иазкны.

Иара убас шәаԥхьар ҟалоит:

21

200-ҩык рҟынӡа ауаа Апарламент ахь инеиит ахада уаанӡатәи иабжьгаҩ Қырҭтәыла иҟазааразы

20
(ирҿыцуп 16:02 02.03.2021)
Аҩаша, хәажәкыра 2 рзы Аҟәа, Ахақәиҭра ашҭаҿы ауаажәларратә еиҿкаара "Аруаа" ааԥхьара ҟанаҵеит ачынуаа Қырҭтәыла рцара згәы амырҭынчуа зегьы еизарц азы.

АҞӘА, хәажәкыра 2 - Sputnik, Асмаҭ Ҵәыџьба. Ахақәиҭра ашҭаҿы еизаз рҟынтәи ҩышәҩык рҟынӡа Аԥсны Жәлар Реизара ахыбрахь инеиит адепутатцәа ирыҿцәажәарц уаанӡатәи ахада иабжьгаҩ Бенур Қәираиа Қырҭтәыла иҟазаара иазкны.

Адепутатцәеи дареи реицәажәара ашьҭахь ахада иахь инеиит гәыԥк.

Уаанӡа аопоззициатә партиақәа рхаҭарнакцәа аҳәамҭа ҟарҵахьан Бенур Қәираиа ԥхьатәара ицаразы адҵа шыҟаҵахо азы. Убри аан ахада Иусбарҭа аҳәамҭа ҟанаҵеит Қвираиа жәабран 19 рзы инапынҵақәа шьҭеиҵеит ҳәа.

Амитинг иалахәыз рыбжьқәа дыргон Бенур Қвираиа Қырҭтәыла аҩызара аполитика дадгылаҩызар, уахь дцарц.

Апарламент аҿаԥхьа иара убасгьы еизоит аоппозициатә мчрақәа рхаҭарнакцәа.

Ахыбра аҩналарҭа рыхьчоит азинхьчаратә усбарҭақәа.

Иара убас шәаԥхьар ҟалоит:

20