Аԥснытәи адепутатцәа Урыстәыла Аҳәынҭдумаҿы иалацәажәеит аихамҩатә еимадара азҵаара

12
Аԥсны Апарламент адепутатцәа Урыстәыла Аҳәынҭдумаҿ рыҟазаара мҩаԥысит жәабран 12-17 рзы. Иара аҳәаақәа ирҭагӡаны ирылацәажәан еиуеиԥшым азҵаарақәа.

АҞӘА, жәабран 18– Sputnik. Аԥсны Апарламент Урыстәыла Аҳәынҭдумахь адырра ҟанаҵеит ареспублика шазыхиоу Аԥсны иалсны Урыстәылеи Ермантәылеи рыбжьара аихамҩатә еимадара ашьҭра. Урыстәыла Аҳәынҭдума адепутатцәеи Аԥсны Апарламент адепутатцәеи реиԥылараан Урыстәыла Аҳәынҭдума адепутатцәа ари иадгылеит ҳәа арадио Sputnik иазеиҭеиҳәеит Апарламент жәларбжьаратәии, апарламентбжьаратәии еимадарақәеи аџьынџьуаа реимадарақәеи рзы аилак ахантәаҩы Асҭамур Логәуа.

"Аҳәынҭқарратә Думахь ашәҟәы наҳашьҭит Владимир Путини Азербаиџьан ахада Ильхам Алиеви Ермантәыла аԥыза-министр Никол Пашиниани реиԥылара ашьҭахь арегион аҿы ишыҟалаз алшара атранспорттә коммуникациақәа русуразы азгәаҭаны. Иаҳҳәеит Аԥсны шазыхио ари апроект алахәра", - иҳәеит иара.

Ажьырныҳәа 11, 2021 шықәсазы Владимир Путин дырԥылеит Азербаиџьан ахада Ильхам Алиеви Ермантәыла аԥыза-министр Никол Пашиниани. Аиԥылараҿ иӡбан атәылақәа рыбжьара аихамҩатә еимадара ахацыркра.

Жәабран 8 рзы Аԥсны Апарламент Урыстәыла Аҳәынҭдумахь адырра ҟанаҵеит ареспублика шазыхиоу Аԥсны иалсны Урыстәылеи Ермантәылеи рыбжьара аихамҩатә еимадара ашьҭра.

Асҭамур Логәуа иҳәеит Аҳәынҭдума адепутатцәа аԥснытәи рколлегацәа рзыҳәа ишадгылаз.

"Ақырҭуа политикцәа иҟоу шыҟоу ирыдыркылароуп. Ҳара ара ԥхьаҟагьы ҳаицынхалароуп. Аԥсны аҭыԥ аҿы иҟалом Италиа, Қырҭтәыла аҭыԥ аҿгьы - Франциа. Ҳаилацәажәароуп даргьы ҳаргьы апроектқәа рынагӡаразы", - иҳәеит Логәуа.

Ари азҵаара адагьы аделегациа Москва рыҟазаараан ирылацәажәан егьырҭ азҵаарақәагьы ҳәа азгәеиҭеит Асҭамур Логәуа.

"Иалацәажәан мариала аҳәынҭқарратә ҳәаа ахысра азҵаара, аиҳаракгьы ҳаззыԥшу акурорттә сезон аламҭалаз", - иҳәеит иара.

Аԥснытәи адепутатцәеи урыстәылатәи рколлегацәеи аҵара аус иадҳәалаз азҵаарақәагьы шьҭырхит. "Урыстәыла ԥарашәарада аҵараҵаразы аквотақәа рыцҵара азҵаара ҳазааҭгылан ҳалацәажәеит", - иҳәеит иара.

Иара убас шәаԥхьар ҟалоит:

12

Аԥсны акоронавирус даҽа 19-ҩык ирыдырбалеит

12
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 12861-ы ыҟоуп, ргәы бзиахеит 12387-ҩык, рыԥсҭазаара иалҵит 202-ҩык.

АҞӘА, хәажәкыра 2– Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 208-ҩык атестқәа рзыҟаҵан, урҭ рахьтә 19-ҩык акоронавирус рцәа ишалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 34-ҩык, урҭ рахьтә 28-ҩык акоронавирус адиагноз рзышьақәыргылоуп, рҭагылазаашьа бааԥсуп 7-ҩык, ибжьаратәуп -19-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу жәаҩык апациентцәа, Очамчыра ирхәышәтәуеит ԥшьҩык, Тҟәарчалтәи ахәышәтәырҭаҿы - хҩык, Гагратәи ахәышәтәырҭаҿы - 11-ҩык.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа зегьы шәрыԥхьар ҟалоит абра>>

12
Атемақәа:
Аҿкычымазара – акоронавирус Аԥсни адунеи аҿи: иалкаау

Џьопуа Гәылрыԥшь афымцалашара ахархәаразы: иаҳзыԥҵәоу арбага ҳахысран ҳаҟам

28
(ирҿыцуп 20:25 02.03.2021)
Гәылрыԥшь араион ахада ихаҭыԥуаҩ Асҭамыр Џьопуа арадио Sputnik аефир аҿы еиҭеиҳәеит араион аҿы афымца ахархәара хылаԥшра азызуа аштаб аусура атәы.
Раионк аԥсҭазаараҟынтә: Џьопуа Гәылрыԥшь афымца ахархәара хылаԥшра азызуа аштаб

"Гәылрыԥшь араион аамҭакала 34 мегаватт афымца ахархәаразы азин амоуп. Уажәы ашколқәеи ахәыҷбаҳчақәеи аусура иалагеит, уи инамаданы афымцалашара ахәархәара иаҳа иацлеит, аха ҳраион иазоужьу арбагақәа ҳархымсӡеит, убри аҟнытә аҭагылазаашьа цәгьам ҳәа ахыуҳәаартә иҟоуп. Ҳара иазыԥҵәоу арбага ҳахысрангьы ҳаҟам. Акаҭрантә зауад аҿы аус зуаз амаинингтә ферма акәзар, уаанӡагьы иаҿаҳхьан, уи аферма еиҳагьы еиҳан, маҷ-маҷ ақәгара иаҿын. Иахьазы уи азауад аҿы акгьы ыҟаӡам. Аштаб еиҿкаауижьҭеи 20 ферма инарзынаԥшуа аҿыхуп. Иҟоуп актәи амш инаркны аԥшәмацәа аилкаара аарԥшны иаҿызхыз, уи ашьҭахьгьы иаҿазымкыз. Иҟоуп еиҭа иаҿазкуагьы, урҭ рфермақәа зынӡагьы иқәыргартә аҟынӡа ҳазнеит, иахьазы быжь-фермак араион аҿы зынӡагьы иқәгоуп", -  еиҭеиҳәеит Џьопуа.

Иаҳа инеиҵыху аиҿцәажәара шәызыӡырҩыр шәылшоит аудио аҿы.

28
Атемақәа:
Аԥсны аенергетика апроблемақәа