Урыстәылатәи аруаа атанкқәеи акәылӡмашьынақәеи рыла ахысрақәа мҩаԥыргеит

14:15 18.02.2021(ирҿыцуп 14:19 18.02.2021)

Аҽазыҟаҵарақәа мҩаԥысит аполигонқәа Ҵабал, Нагвалоу, Гәдоуҭа (Аԥсны), аполигон Маикопски (Адыгатәыла) рҿы.

АҞӘА, жәабран 18 - Sputnik. Хнызқьҩык инарзынаԥшуа Аԥсны иҟоу Аладатәи Арратә округ аррамаҵзурауаа уахынлатәи ахысрақәа мҩаԥыргеит атанкқәа Т-72Б3, акәылӡмашьынақәа БТР-82АМ рҟынтәи ҳәа аанацҳауеит ААО апресс-маҵзура.

ААО аррамаҵзурауаа Аԥсны аԥырҩы дызҭам "аӷа" иԥрыгақәа ҭадырхеит

Ахысрақәа мҩаԥган аруаа аполигонқәа Ҵабал, Нагвалоу, Гәдоуҭа (Аԥсны), аполигон Маикопски (Адыгатәыла) рҿы имҩаԥысуаз арратә ҽазыҟаҵарақәа рҳәаа иҭагӡаны. Иазгәаҭоуп аруаа атактикатә, анџьныртә, ахысратә, иҷыдоу аҵараҽазыҟаҵарақәа ирхысуан ҳәа.

Иара убасгьы Амшынеиқәа аԥшаҳәаҿи ашьхараҿи ахысрақәа раан амотохысцәа еиқәыршәан иҿыцу армаҭәа "Ратник" ала, рхы иадырхәон ҳаамҭазтәи аԥшыхәреи аимадареи еиҭаргоу ркомплексқәа "Стрелец".

Аруаа ирдырҵон еиуеиԥшым аҵара-еибашьратә дҵақәа рынагӡашьа. Аҵара шьаҭаны иаман иахьазы адунеи аҿы имҩаԥысуа ҩџьарлатәи аимакқәа рԥышәа.

Зынӡа ауснагӡатә иалахәын 150 ак арратә техника, акәылӡмашьынақәа "Тигр", КамАЗ "Мустанг" назлоу.

Аԥсны ауааԥсыра амобилтә госпиталь аҳақьымцәа март 8 рыдырныҳәалеит

12:09 08.03.2021(ирҿыцуп 11:12 08.03.2021)

2020 шықәса жьҭаара 20 рзы аусура иалагаз Урыстәыла Атәылахьчара аминистрра арратә мобилтә госпиталь ашәахьа хәажәкыра 1 азы Аԥсны аусура хнаркәшеит.

АҞӘА, хәажәкыра 8 - Sputnik. Аԥсны ауааԥсыра Урыстәыла Атәылахьчара аминистрра иатәу амобилтә госпиталь аҳақьымцәа- аҳәса март 8 рыдырныҳәалеит. Абри атәы аанацҳауеит ААР апресс-маҵзура.

Аԥсны ауааԥсыра ковид-госпиталь аусзуҩцәа аныҳәа рыдырныҳәалеит асасааирҭа "Аиҭар" аҵакыраҿы.

Амобилтә госпиталь аҳақьымцәа аҳәса 20-ҩык иранаршьеит ашәҭқәеи аҳамҭақәеи, ирзеиӷьаршьеит агәабзиара, абзиабара, агәалаҟазаара бзиа, ачҳара имариам рус аҿы.

Иарбоу аамҭа иалагӡаны амбулатор-консультациатә цхыраара рыҭан хнызқьи быжьшәҩык инареиҳаны Аԥсны ауааԥсыра, амбулатортә дкылара рыҭан 3,3 нызқьҩык, астационартә – 450-ҩык рҟынӡа.

Иара убасгьы агоспиталь алабораториаҿ 18 000 рҟынӡа клиникатә ҭҵаара мҩаԥган, урҭ рҟынтәи 5,3 нызқь ПЦР-тест, 2 000 рентгенограмма. Иахьазы амедусзуҩцәа аҽеизгара иаҿуп. Хара имгакәа арратә техника аилазаара иаланы есқьаангьтәи ргыларҭа ҭыԥ иазыхынҳәуеит.

Занҭариа еиҭеиҳәеит аԥсуа ԥҳәыс дҳаразкуа аҟазшьақәа ртәы

11:31 08.03.2021(ирҿыцуп 10:34 08.03.2021)

Иахьатәи ауаажәларратә ԥсҭазаараҿы аԥҳәыс иаанылкало аҭыԥ атәы арадио Sputnik аефир аҿы дазааҭгылеит апоет, апублицист Владимир Занҭариа.

Арадио

Занҭариа: аԥсуа ԥҳәыс дҳаразкуа ҟазшьақәа ируакын лыԥшӡара, лыхшыҩ аҵарра, лҟәыӷара

"Аԥсуа идоуҳатә ԥсҭазарааҿы аԥҳәыс лроль даара иҳаракын, аамсҭашәара аҵан, ауаҩра ацын. Уи ҳлитературагьы, ҳфольклоргьы, ҳҟазарагьы иӷәӷәаны ирныԥшит. Иахьагьы, аԥсуа ԥҳәыс ауаажәларратә ԥсҭазаара дыӷәӷәаны далагылоуп, уи ус машәыршәа иҟамлеит. Аԥсуа ԥҳәыс дҳаразкуа лҟазшьақәа ируакын лыԥшӡара, лыхшыҩ аҵарра, лҟәыӷара. Уи шьақәзырӷәӷәо аҿырԥштәқәа рацәаны иҟоуп ҳҭоурых аҿы", - иҳәеит апоет.

Аԥҳәыси ахаҵеи реизыҟазаашьа атәы далацәажәауа Занҭариа иазгәеиҭеит, уи аҭҵаамҭақәа рзукыр шыҟало.

"Аԥҳәыс лҭеиҭыԥши лыҩныҵҟатәи лбеиареи реинраалара ауп еиҳарак ахаҵа дхызхуа. Зны-зынла дыссирны, дышәҭыкакаҷны дыҟаӡам, аха дыгәнаалоуп, акалашәа ухылхуеит, акалашәа улаԥш дыҵашәоит", - иҳәеит Занҭариа.

Иаҳа инеиҵыху аиҿцәажәара шәызыӡырҩыр шәылшоит аудио аҿы.

Иара убас шәаԥхьар ҟалоит:

Анцәахәқәеи амч лашьцеи: аԥҳәыс лхаҿра аарԥшышьа аԥсуа фольклор аҿы
Хә-ҟазшьак аазырԥшуа: аԥҳәыс лроль аԥсуаа ртрадициатә культураҿы
Аԥсуаа рытрадициа аҟнытә: аԥҳәыс лзинқәа ирызкны

Иреиӷьӡоу ацәаҳәақәа зызку: адунеи аҟны еицырдыруа аҳәса

13:23 08.03.2021(ирҿыцуп 11:46 08.03.2021)

Жәларбжьаратәи аҳәса рымш аҽны Sputnik Аԥсны еиднакылеит еиуеиԥшым ахырхарҭақәа рҟны зылшамҭақәа рацәоу, аҭоурых аҿы зышьҭа аанзыжьыз, адунеи аҟны еицырдыруа аҳәса рфотосахьақәа.

Жәларбжьаратәи Аҳәса рымш–ари ааԥынреи, анасыԥи, аҭынчреи ирныҳәоуп. Ари аныҳәа аԥҵан Клара Цеткин лаԥшьгарала 1910 шықәсазы, Копенгаген.

Адунеи аҟны аҳәса аҳәынҭқарра аргылараҟны иҟарҵо рлагала, иааныркало аҭыԥ ҷыда азы аҭоурых иадыруеит.

Аԥсуа ҳәсақәа ракәзар, аԥсҭазаараҟны акрызҵазкуа аусхкқәа рҿы: агәабзиарахьчараҟны, аспорт аҟны, абизнес аҿы, акультуреи аҭҵаарадырреи рыҿиараҟны рылшамҭақәа азгәаҭоуп. Аԥсуа ԥҳәыс лџьабаа еснагь иӷәӷәоуп: ахәыҷқәа рааӡоит, аҭаацәа ныҟәыргоит, аҩнтәи аусқәа рнапы иҵырхуеит. Ианаҭахха аамҭазгьы агәаӷьра, ачҳара аадырԥшуеит. Аԥсны аџьынџьтәылатәи еибашьраҿы акәзар, ахацәа реиԥш, бџьаршьҭыхла рыԥсадгьыл ахьчара рылшеит.

Ашәҟәыҩҩцәеи апоетцәеи аԥсуа ҳәсақәа иреиӷьӡоу рцәаҳәақәа рзыркхьеит.

"Иамалкуеит амра,

Иамалкуеит амза,

Ашьха ӡыхь еиԥш уи аԥҳәызба дыцқьоуп.

Лцәажәашьа еинаала, Лыблақәа хаара...

Уаҳа дихашҭуама знык дызбахьоу", абас иҩуан апоет-романтик Таиф Аџьба.

© Foto / Всемирный абхазо-абазинский конгресс
Қьериман Халис Едже (Ебжьноуԥҳа) 1932 шықәса рзы, 28 тәыла рхаҭарнакцәа злахәыз аԥшӡара аконкурс аҟны, раԥхьатәи "Адунеи амисс" ҳәа ахьӡ ҳарак лыхҵахеит.
© Foto / Абхазская интернет-библиотека
Сария Лакоба – Нестор Лакоба иԥҳәыс, 1937 шықәса рзы дырбаандаҩын. Абахҭаҿы акыр ддыргәаҟит, Нестор ажәлар драӷоуп ҳәа лдырҳәарц, аха лара уи дақәшаҳаҭымхеит. Дыргәаҟны лыԥсҭазаара далхын.
© Sputnik / Александр Макаров
Абалет "Лебединое озеро" аҟнытәи асцена, Одетта лроль налыгӡоит СССР Жәлар рартистка Маиа Плисецкаиа.
© Sputnik / Моисей Наппельбаум
Апоетесса Анна Андреи-иԥҳа Ахматова (1889-1966). Аҭыхымҭа автор Маисеи Наппельбаум, 1922 шықәса.
© Foto / Гильермо Калхо
Мексикатәи асахьаҭыхҩы Фрида Кало. Лусумҭақәа еиҳарак автопортретқәа роуп, урҭ рыла деицырдыруеит.
© Foto / из книги Адиле Аббас-оглы "Не могу забыть"
Адиле Аббас-оӷлы - Нестор Лакоба иҭаацәараҟынтәи арепрессиақәа рышьҭахь зыԥсы ҭаны иаанхаз аҵыхәтәантәи иҭынха лакәын. Ажьырныҳәа 14, 2020 шықәсазы лыԥсҭазаара далҵит ашәҟәыҩҩы, Аԥсны акультура зҽаԥсазтәыз аусзуҩ, "Ахьӡ-аԥша" аорден аҩбатәи аҩаӡара занашьаз Адиле Аббас-оӷлы.
Афотоҟны Адиле Аббас-оӷлы илхыҵуан 16 шықәса.
© AFP 2019 / HO
Ари асахьаҟны даарԥшуп хылҵшьҭрала Австриа иатәу актриса Хеди Ламарр. Ажьырныҳәа 19, 2000 шықәсазы 86 шықәса ирҭагылаз Ламарр Флорида лыҩнаҟны лыԥсыбаҩ ԥшаан. Деицырдыруа дҟалеит 1933 шықәсазы адрама "Екстези" анҭыҵ ашьҭахь.
© Sputnik
Зхы иақәиҭу акәашара ашьаҭа зкыз, америкатәи акәашаҩ Аиседора Дункан (1877-1927). 1922—1924 шықәсқәа рзы Сергеи Есенин иԥшәма ԥҳәыс лакәын.
© Sputnik / Израиль Озерский
Чапаевтәи ахысратә дивизиа алахәыла, аснаипер Лиудмила Павличенко. Аџьынџьтәылатәи еибашьра ду 1941-1945 ашықәсқәа.