"Лирика" аконтрабандаз Аԥсны атәылауаҩ иганахь ала ашьаус хацыркуп

22
(ирҿыцуп 15:54 18.02.2021)
Азинеилагаҩ иқәырҵар ҟалоит 3-7 шықәса ихақәиҭра иалхәыдатәра миллионк ахараԥсеи, ма хәышықәса рыҩныҵҟатәи иулафахәы, ма хәышықәса рыҩныҵҟа иоуа аҽа хашәалак.

АҞӘА, жәабран 18 - Sputnik. Урыстәылатәи аҳәаахьчаҩцәа дааныркылеит Аԥсны атәылауаҩ ареспубликахь "Лирика" аҭагалара зҽазызшәоз ҳәа аанацҳауеит Урыстәыла АШәМ Краснодартәи атәылаҿацә Аҳәаахьчаратә усбарҭа апресс-маҵзура.

Ацәгьоуҩы даанкылан Аԥсни Урыстәылеи рҳәаа аушьҭырҭатә ҭыԥ данахысуаз ҳәа аҳәоит адырраҭараҿы. Урыстәыла АШәМ Краснодартәи атәылаҿацә Аҳәаахьчаратә усбарҭа аусзуҩцәа иара дангәарҭоз идырбалеит ззин ыҟам апрепарат "Лирика" (прегабалин).

Урыстәыла АШәМ Краснодартәи атәылаҿацә аусҭҵааратә ҟәша абри ахҭыс аганахь ала ашьаус хацнаркит  УА АЗ ахәҭаҷ 226.1 ахәҭа 1 инақәыршәаны.

Иара убас шәаԥхьар ҟалоит:

22

Урыстәыла Атәылахьчара аминистрра арратә госпиталь аҭыԥ ахь амҩа иқәлеит

0
(ирҿыцуп 12:21 09.03.2021)
2020 шықәса жьҭаара 20 рзы аусура иалагаз Урыстәыла Атәылахьчара аминистрра арратә мобилтә госпиталь ашәахьа хәажәкыра 1 азы Аԥсны аусура хнаркәшеит.

АҞӘА, хәажәкыра 9 - Sputnik, Бадраҟ Аҩӡба. Урыстәыла Атәылахьчара аминистрра арратә госпиталь, 2020 шықәса жьҭаара 20 рзы Аԥсны аусура иалагаз аҭыԥ ахь амҩа иқәлеит арратә техника аколонна иаланы.

Урыстәылатәи амедусзуҩцәа ҩымш рышьҭахь арратә техника аилазаара иаланы, 800 километра амҩа иахысны есқьаангьтәи ргыларҭа ҭыԥ иазыхынҳәуеит, Ставропольтәи атәылаҿацәахь.

Аколонна амҩатә ныҟәара ашәарҭадара ахылаԥшра арҭоит Аладатәи арратә округ арратә автоинспекциа.

Амобилтә медицинатә ҟәша аилазаара иалахәын шәҩык рҟынӡа амедусзуҩцәа, 30 ак арратә техника.

Аԥсны ауааԥсыра аҿкчымазара рацәыхьчаразы иҟанаҵаз аҳәарала Урыстәыла Атәылахьчара аминистрра арахь иаанашьҭит хырхарҭарацәалатәи амобилтә госпиталь шә-иарак зкышаз, ареспубликаҿ акоронавирустә инфекциа аҿагылара аҭаразы 2020 шықәса жьҭаара 20 рзы.

Иарбоу аамҭа иалагӡаны амбулатор-консультациатә цхыраара рыҭан хнызқьи быжьшәҩык инареиҳаны Аԥсны ауааԥсыра, амбулатортә дкылара рыҭан 3,3 нызқьҩык, астационартә – 450-ҩык рҟынӡа.

Иара убасгьы агоспиталь алабораториаҿ 18 000 рҟынӡа клиникатә ҭҵаара мҩаԥган, урҭ рҟынтәи 5,3 нызқь ПЦР-тест, 2 000 рентгенограмма.

Иара убас шәаԥхьар ҟалоит:

0
Атемақәа:
Аҿкычымазара – акоронавирус Аԥсни адунеи аҿи: иалкаау

Аԥсны аусура иалагараны иҟоуп атуристцәа рзы аинформациатә ресурс

5
(ирҿыцуп 11:42 09.03.2021)
Аурыс-аԥсуа проект "Хаба-Хаба" активла аԥсшьара бзиа избо атуристцәа рзы ицхыраагӡоуп.

АҞӘА, хәажәкыра 9 - Sputnik. Аԥсни Урыстәылеи ртуризм азы аинформациа-еилкааратә ресурс "Хаба-Хаба" аусура иалагалараны иҟоуп, ауснагӡатәқәа хыркәшоуп ҳәа арадио Sputnik иазеиҭеиҳәеит афонд "Ишьхатәылоу Аԥсны" анапхгаҩы Ҭенгиз Ҭарба.

Аресурс аԥҵареи арҿиареи рнапы алакын иактиву атуризм аусхк аганахьала аус зуа урыстәылатәи аҟазауаа, Ҭенгиз Ҭарба дрылахәны.

"Шьаҿа-шьаҿала активла атуризм мҩаԥызго ауаа рзы иманшәалоу ахархәагақәа аԥаҳҵоит. Ҳсаит иҭалан ицарц ахьырҭаху аԥшааразы алшара рымазаауеит. Уи азы иахәҭоу аинформациа рыҭахоит. Ирыҭахоит абжьгарақәа аныҟәара шымҩаԥыргашазы. Иара убасгьы, асаит аҿы иаархәар ҟалоит ирҭаххаша амаҭәа ҷыда", - иҳәеит иара.

Ҭарба иҳәеит "Хаба-Хаба" – иуникалу проектны ишыҟоу, атәылақәа жәпакы рҿы зеиԥш уԥымло шакәу.

Ҭарба иажәақәа рыла, апроект актәи ахәҭа ишаҵанакуа Урыстәылеиԥш Аԥсынгьы иактиву атуризм азы иахәҭаны иҟоу амаҭәа ҷыда ахьааухәаша аинтернет-дәқьан аартра. Аплатформа аамҭа-аамҭала ихарҭәаалахоит арҭ атәылақәа рҭыԥ ԥшӡарақәа рыӡбахә зҳәо аинформациала, хаҭала амаршрутқәа ирзааҭгыланы.

"Ари аурыс-аԥсуа проект авторцәа сыруаӡәкуп. Актәи аетап аан Аԥсны иазку аинформациа иаҳа еиҳауп. Нас –Алтаи, Камчатка уҳәа Урыстәыла егьырҭ арегионқәа ирылацәажәахоит", -  иҳәеит Ҭарба.

"Хаба-Хаба" иахәҭа ҷыданы иҟалоит аныҟәараан ашәарҭадара азхьаԥшразы аинформациа.

Афонд "Ишьхатәылоу Аԥсны" анапхгаҩы иҳәеит апроект ахьӡ –"Хаба-Хаба" иаанаго, Суахили абызшәаҟынтә уи "шьаҿа-шьаҿала" ма "маҷ-маҷла" ауп. Ари апроект аҵакы аанарԥшуеит.

Иара убас шәаԥхьар ҟалоит:

5