Sputnik аҟны иӡыргоуп Аԥсны арҵаҩцәа Рассоциациа асаит

22
(ирҿыцуп 17:27 18.02.2021)
Sputnik апресс-центр аҟны жәабран 18 рзы иӡырыргеит Аԥсны арҵаҩцәа Рассоциациа асаит.

АҞӘА, жәабран 18 – Sputnik, Асмаҭ Ҵәыџьԥҳа. Аԥсны арҵаҩцәа Рассоциациа (ASUR) асаити ацҵеи ирхықәку ашколқәраҟынӡатәи аусҳәарҭақәеи ашколқәеи рырҵаратә коллективқәа, арҵаратә кружокқәа рырҵаҩцәа рԥышәа аимдара ауп ҳәа иҳәеит апресс-конференциаҿ апроект автор, аицлабра "Аԥсны агәадура" аиааиҩы, Алаҳаӡытәи актәи ашкол адиректор Саид Беиа.

"Иахьатәи аамҭазы арҵара амҩаԥысшьа аартуп. Акоронавирустә ҭагылазаашьа иаҳнарбеит ҳаԥсҭазаара аспектқәак ҳшырзыҟаҵам. Асеиԥш иҟоу аусқәа урзыхиазарц азы ирышьашәало апроектқәа аус рыдуулозароуп", - иҳәеит Беиа.

© Sputnik / Марианна Кубрава
Саид Беиа

ASUR аплатформа асаит мчыбжьык ирықәуп аус ауеижьҭеи. Аҟәшақәа рҿы иуԥшаар ҟалоит аматериалқәа, арҵагақәа, астатиақәа, аҭҵаарақәа, авидеоурокқәа Аԥсны аҭоурых, афизика, ахимиа, аурыси аԥсуеи бызшәақәа уҳәа егьырҭ амаҭәарқәагьы рзы.

Асаит аҟны зметодикатә рҵага ма авидеоурок цәырызгар зҭаху иматериалқәеи асаит аҿы иарбоу аԥошьҭахь инеишьҭуеит. Азыҳәа иахәаԥшуеит ҩымш рыҩныҵҟа. Акьыԥхьра аламҭалаз апроект автори амаҭәар азҟазауааи игәарҭоит.

Асаит аҿы авидеоурокқәа рыдагьы иубар ҟалоит иактуалу адунеитә жәабыжьқәа, аиҿцәажәарақәа, адырраҭарақәа. Асаит иамоуп иҷыдоу аҟәша – аспорт иазку. Ара абаҩрҵәыразы арҵаҩцәа разыҟаҵаратә программақәа цәырыргоит. Дзиудо азы жәларбжьаратәи акласс иатәу аспорт азҟаза, Алаҳаӡытәи ашкол арҵаҩы Едишер Конџьариа игәаанагарала ари аус аҭаацәа рзы ихәарҭоуп, ахәыҷы секциак изалхразы.

© Sputnik / Марианна Кубрава
Едишер Конџьариа

Макьаназ асаит аҿы иарбо амҵәышәмпыл, дзиудо, ашьапылампыл, анапылампыл роуп, аха авторцәа асекциақәа рырҭбаара рыгәҭакуп.

Гечрыԥшьтәи абжьаратә школ аԥсуа бызшәа арҵаҩы Денис Анқәаб иазгәеиҭеит ари аҩыза аплатформа акыр ишыманшәало.

"Уколлегацәа рԥышәа ухы иархәаны упрограмма аплан аус адуулар ҟалоит. Амаҭәарқәа рзы аматериалқәа рыԥшаара мариоуп аинтернет аҿы. Аԥсуа бызшәа аганахь ала аматериалқәа рыԥшаара ауадаҩрақәа рыҵоуп, иагьмаҷуп. Аха ари аплатформала иуҭаху аинформациа аԥшаара улшаратәы избоит", - иҳәеит иара.

© Sputnik / Марианна Кубрава
Денис Анқәаб

Иазыԥхьагәаҭоуп ASUR ацҵа App Store, Google Play рҿы аҟалара. Уи азы апроект авторцәа 18 000 мааҭ аларгалароуп. Афинанстә цхырааразы аҳәара ҟарҵеит афонд "Амшра" ахь.

Иара убас шәаԥхьар ҟалоит:

22

Аԥсны акоронавирус даҽа 19-ҩык ирыдырбалеит

12
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 12861-ы ыҟоуп, ргәы бзиахеит 12387-ҩык, рыԥсҭазаара иалҵит 202-ҩык.

АҞӘА, хәажәкыра 2– Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 208-ҩык атестқәа рзыҟаҵан, урҭ рахьтә 19-ҩык акоронавирус рцәа ишалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 34-ҩык, урҭ рахьтә 28-ҩык акоронавирус адиагноз рзышьақәыргылоуп, рҭагылазаашьа бааԥсуп 7-ҩык, ибжьаратәуп -19-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу жәаҩык апациентцәа, Очамчыра ирхәышәтәуеит ԥшьҩык, Тҟәарчалтәи ахәышәтәырҭаҿы - хҩык, Гагратәи ахәышәтәырҭаҿы - 11-ҩык.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа зегьы шәрыԥхьар ҟалоит абра>>

12
Атемақәа:
Аҿкычымазара – акоронавирус Аԥсни адунеи аҿи: иалкаау

Џьопуа Гәылрыԥшь афымцалашара ахархәаразы: иаҳзыԥҵәоу арбага ҳахысран ҳаҟам

28
(ирҿыцуп 20:25 02.03.2021)
Гәылрыԥшь араион ахада ихаҭыԥуаҩ Асҭамыр Џьопуа арадио Sputnik аефир аҿы еиҭеиҳәеит араион аҿы афымца ахархәара хылаԥшра азызуа аштаб аусура атәы.
Раионк аԥсҭазаараҟынтә: Џьопуа Гәылрыԥшь афымца ахархәара хылаԥшра азызуа аштаб

"Гәылрыԥшь араион аамҭакала 34 мегаватт афымца ахархәаразы азин амоуп. Уажәы ашколқәеи ахәыҷбаҳчақәеи аусура иалагеит, уи инамаданы афымцалашара ахәархәара иаҳа иацлеит, аха ҳраион иазоужьу арбагақәа ҳархымсӡеит, убри аҟнытә аҭагылазаашьа цәгьам ҳәа ахыуҳәаартә иҟоуп. Ҳара иазыԥҵәоу арбага ҳахысрангьы ҳаҟам. Акаҭрантә зауад аҿы аус зуаз амаинингтә ферма акәзар, уаанӡагьы иаҿаҳхьан, уи аферма еиҳагьы еиҳан, маҷ-маҷ ақәгара иаҿын. Иахьазы уи азауад аҿы акгьы ыҟаӡам. Аштаб еиҿкаауижьҭеи 20 ферма инарзынаԥшуа аҿыхуп. Иҟоуп актәи амш инаркны аԥшәмацәа аилкаара аарԥшны иаҿызхыз, уи ашьҭахьгьы иаҿазымкыз. Иҟоуп еиҭа иаҿазкуагьы, урҭ рфермақәа зынӡагьы иқәыргартә аҟынӡа ҳазнеит, иахьазы быжь-фермак араион аҿы зынӡагьы иқәгоуп", -  еиҭеиҳәеит Џьопуа.

Иаҳа инеиҵыху аиҿцәажәара шәызыӡырҩыр шәылшоит аудио аҿы.

28
Атемақәа:
Аԥсны аенергетика апроблемақәа