Цандрыԥшьтәи ареабилитациатә центр аԥхьатәи апациентцәа аднакылеит

© Foto / Милана Аджба Реабилитационный центр
 Реабилитационный центр - Sputnik Аҧсны, 1920, 19.02.2021
Анапаҵаҩра
Зхәыҷаахыс ихымхәоу рзы ареабилитациатә центр аадыртит Цандрыԥшь ақыҭан ԥхынҷкәын 25 рзы, аха апандемиа иахырҟьаны уи ауаа аднакыломызт.

АҞӘА, жәабран 19 – Sputnik, Бадри Есиава. Зхәыҷаахыс ихымхәоу рзы Цандрыԥшьтәи ареабилитациатә центр аԥхьатәи апациентцәа аднакылеит ҳәа Sputnik иазеиҭалҳәеит ацентр анапхгаҩы Милана Аџьԥҳа.

"Иацы асы леиуан. Уи иахҟьаны хҩык роуп иҳадаҳкылаз. 16 шықәса рҟынӡа зхыҵуа, адиагноз ДЦП змаз ҳазнеит. Иазԥхьагәаҭаны иҳамоуп мышкы ала хәҩык рыдкылара, акоронавирус иахҟьаны еиҳаны иҳазҳадкылом. Графикла аус аауеит – аҩаша, аԥшьаша, асабша, амҽыша. Уи нас еиҳа Аҟәантәи иаҳзаауа аҳақьымцәеи аҭаацәеи ишырзыманшәалахаша еиҭаҳкуеит", - лҳәоит лара.

Зхәыҷаахыс ихымхәоу рзы ареабилитациатә центр аадыртит Цандрыԥшь ақыҭан ԥхынҷкәын 25 рзы, аха апандемиа иахырҟьаны ауаа аднакыломызт ҳәа лҳәеит Аџьԥҳа.

Милана Аџьба  - Sputnik Аҧсны, 1920, 10.01.2021
"Ҳалшарақәа ҳәаа рымамзароуп": ДЦП адиагноз ззықәыргылоу Милана Аџьԥҳа лҭоурых

Аҵыхәтәантәи амчыбжь азы ачымазара маҷк ихҽит. Ацентр аусзуҩцәагьы русура хдыртит.

Иахьа ара аус руеит хҩык аҟазауаа – ахәышәтәратә баҩырҵәыразы, апсихолог, амассажист. Дара рахь ҩажәижәаҩык рҟынӡа ашәҟәы рҽанырҵахьеит. Аџьԥҳа лажәақәа рыла, Гагра араион аҿы 272-ҩык аинвалидцәа ыҟоуп.

Ареабилитациатә центр аҭыԥантәи аполиклиника ахыбраҿы иаартуп. Еиқәыршәоуп хырхарҭарацәалатәи Бехтерев итренажиор, аҩрҭа мҩа, авелотренажиор рыла. Иаахәатәны иҟоуп апсихолог икабинет азы аҩнымаҭәа: аҿиара иахәо ахәмаргақәа, аколиаскақәа, аҭаныҟәарҭақәа.

Аџьԥҳа лажәақәа рыла, Цандрыԥшь инхо рпациентцәа даара гәахәарыла ирыдыркылеит ареабилитациатә центр аусура иахьалагаз, избанзар зегьы ирылшомызт Аҟәаҟа ацара-аара.

Иара убас шәаԥхьар ҟалоит:

Ажәабжьқәа зегьы
0