Аԥснынтәи Урыстәылаҟа 55 000 тонна ацитрусқәа нашьҭуп
АҞӘА, жәабран 19 – Sputnik. 2020 шықәса цәыббрамза инаркны иахьанӡа Урыстәылаҟа инагоуп 55 нызқьи 72 тонна ацитрусаалыҵ ҳәа Sputnik иазеиҭалҳәеит Аԥсны аҳазалхратә еилакы астатистика аҟәша аиҳабы Асида Кәыҵниаԥҳа.
"2020 шықәса цәыббрамза инаркны иахьанӡа Урыстәылаҟа инагоуп 55 нызқьи 72 тонна ацитрус аалыҵ. 2019 шықәса иаҿурԥшуазар, 40 000 тонна рыла еиҳауп арҭ арбагақәа", - ҳәа лҳәеит лара.
Аԥсны аҳазалхратә еилакы астатистика аҟәша аиҳабы Асида Кәыҵниаԥҳа лажәақәа рыла аекспорт аиҳарак ԥхынҷкәынмзазы имҩаԥган. Бжьаратәла уахыки-ҽнаки рыла аҳәаа иахысуан 200 еидарамҩангага машьына, бжьаратәла аҳәаа иахыргон 1000 тонна.
"12 000 тонна ацитрусқәа ииаган ажьырныҳәамзазы. Иахьазы уахыки-ҽнаки рыла 70 тонна рҟынӡа ииаргоит. Асезон мҩасит", - ҳәа лҳәоит Асида Кәыҵниаԥҳа.
Лара иазгәалҭеит уажәы амашьынақәа риасразы проблема шыҟам.
"Урыстәыла аҳазалхратәи аҳәаахьчаратәи маҵзурақәа рхаҭарнакцәеи ҳареи ҳаицәажәарақәа рышьҭахь ирыдыркылаз ауснагӡатәқәа аҳәаа ахысра акыр идырмариеит", - ҳәа лҳәеит лара.
Аԥсуа ҳазалхырҭаҟынтә аиагараан атауар аҳазатә хәыԥса 19 мааҭ ҳәа ишьақәыргылоуп, аҳазалхратә шәахтә уи ахәԥсаҟынтә 0,1 процент артәоит.
Аурыс ҳазалхырҭаҿы иалкаау хәыԥсак шьақәыргылам. Адекларациаҿы иарбоу акапан, атауар злаахәаз ахә рыла ишьақәдыргылоит. Уи адагьы НДС азы 10 процентк ахшәаатәуп.
Иара убас шәаԥхьар ҟалоит:
-
Аԥснынтәи Урыстәылаҟа ацитрусқәа рекспорт ҩынтәны еиҳауп 2019 шықәсатәи арбагақәа раасҭа
-
Џьынџьиа аалыҵ аҳәаа ахыгараҿы аԥҟара ҿыцқәа рзы: ҳаиҵанархеит, аха анхацәа ирыхәеит
Аԥсны даҽа 21 акоронавирустә хҭыс ҿыц ашәҟәы иҭагалоуп
(ирҿыцуп 22:16 05.03.2021)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 12952-ҩык ыҟоуп, ргәы бзиахеит 12400-ҩык, рыԥсҭазаара иалҵит 203-ҩык.АҞӘА, хәажәкыра 5– Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 234-ҩык атестқәа рзыҟаҵан, урҭ рахьтә 21-ы акоронавирус рцәа ишалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.
Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 34-ҩык, урҭ рахьтә 21-ы акоронавирус адиагноз рзышьақәыргылоуп, рҭагылазаашьа бааԥсуп фҩык, ибжьаратәуп -16-ҩык.
Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 14-ҩык апациентцәа, Очамчыра ирхәышәтәуеит фҩык, Тҟәарчалтәи ахәышәтәырҭаҿы - хҩык, Гагратәи ахәышәтәырҭаҿы - жәаҩык.
Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит аҿкычымазара рымкырц азы иахәҭоу аԥҟарақәа зегьы ирықәныҟәаларц.
Акоронавирус иазку ажәабжьқәа зегьы шәрыԥхьар ҟалоит абра>>
Какалиа "Ақыҭанхамҩа аҿиареи, аинновациеи рзы ацентр" иазкны
(ирҿыцуп 22:05 05.03.2021)
Ақыҭанхамҩа ԥасатәи аминистр Амиран Какалиа арадио Sputnik аефир аҟны еиҭеиҳәеит анаплак ҿыц "Ақыҭанхамҩа аҿиареи, аинновациеи рзы ацентр" ахықәкы, инанагӡараны иҟоу аусқәа ртәы. Ҳазлацәажәаша ҳамоуп: Какалиа "Ақыҭанхамҩа аҿиареи, аинновациеи рзы ацентр" иазкны
Аҟәа имҩаԥысит "Ақыҭанхамҩа аҿиареи, аинновациеи рзы ацентр" захьӡу анаплак ҿыц аалыҵ аӡыргара иазкыз аусмҩаԥгатә. Аӡыргарахь инаган еиуеиԥшым ахәаҷа-маҷақәа рнырҵәаразы рхы иадырхәо ҩынҩажәа рҿынӡа ахәшәқәа. Аиҿкааҩцәа излазгәарҭо ала, ари коммерциатә проектуп. Уи напхгара аиҭоит ақыҭанхамҩа ԥасатәи аминистр Амиран Какалиа.
Шәазыӡырҩы аудио.