Акоронавирус хызҽуа ахԥатәи урыстәылатәи алаҵа ҭарҩит

14
Аклиникатә ԥышәарақәа жьҭаара алагамҭазы ирылагеит, макьана ихәарҭамкәа ахы аанамырԥшыцт. Аҩбатәи афаза анхыркәшахалак ашьҭахь, х-нызқьҩык ауаа хатәгәаԥхарала атестқәа ирхысуеит.

АҞӘА, жәабран 20 - Sputnik. Урыстәыла агәабзиарахьчара аминистрра иҭанаҩит COVID-19 хызҽуа ахԥатәи алаҵа "КовиВак", абри атәы иҳәеит аԥыза-министр Михаил Мишустин.

"КовиВак" аԥҵоуп Урыстәылатәи аҭҵаарадыррақәа ракадемиа иатәу М.П. Чумаков ихьӡ зху Аиммунологиатә препаратқәа рыҭҵаареи аус рыдулареи рфедералтә ҭҵаарадырратә центр аҟны.

© Foto / Пресс-служба АФК "Система"

Мишустин иажәақәа рыла, алаҵа раԥхьатәи 127 нызқь доза ауаа рзыҟаҵара иалагоит хәажәкыра азбжазы. Иара убас жәларбжьаратәи аџьармыкьақәа рахь рнагарагьы ргәы иҭоуп.

Апрепарат "КовиВак" - ахԥатәи урыстәылатәи лаҵоуп "Спутник V", "ЭпиВакКорона" рышьҭахь, уи хкылагьы дара иреиԥшым. Иара ашьаҭаҿы иҟоуп имҿио, мамзаргьы "ишьу" акоронавирус.

Ацәеижь ари алаҵа анаиулак, иаднаклыоит авирус антигентә еилазаашьа, уи агәалашәараҿы иаанхоит, анаҩс авирус азцәырҵыр, иара аҿагылара иазхиазаауеит.

Чумаков ихьӡ зху ацентр аиҳабы, Урыстәылатәи аҭҵаарадыррақәа ракадемиа алахәыла-корреспондент Аидар Ишмухаметов игәаанагарала, "КовиВак" ибзианы аус аулоит амутациа зыхьыз аштаммқәа ирҿагылангьы, избанзар уи аҿы ахархәара амоуп авирус иааидкыланы зегьы, уи агеном ахәҭақәак ракәымкәа.

Ари алаҵа ҟарҵар ҟалоит18 инаркны 60 шықәса рҟынӡа зхыҵуа ауааԥсыра. Иҵегьы ахархәара ҭбаахар ҟалоит 60 шықәса иреиҳабу рҟны, иара убас ачымазарақәа змоу рҟны аԥышәарақәа аҩбатәи рфаза анымҩаԥыргалак ашьҭахь.

Уажәтәи аамҭазы акоронавирус ахҽразы иҟарҵо алаҵа "Спутник V" ауп, уи аԥҵан гамалеи ихьӡ зху Ацентри РФПИ еицыҟарҵеит. Ари алаҵа адунеи аҟны раԥхьаӡа акәны COVID-19 хызҽуа ҳәа иҭарҩыз лаҵахеит.

Уи адагьы, Урыстәылатәи агәабзиарахьчара аминистрра жьҭаарамзазы иҭанаҩит даҽа лаҵакгьы - "ЭпиВакКорона", уи новосибирсктәи ацентр "Вектор" иаԥнаҵеит.

14
Атемақәа:
Аҿкычымазара – акоронавирус Аԥсни адунеи аҿи: иалкаау (1082)

Аԥсны акоронавирус даҽа 19-ҩык ирыдырбалеит

12
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 12861-ы ыҟоуп, ргәы бзиахеит 12387-ҩык, рыԥсҭазаара иалҵит 202-ҩык.

АҞӘА, хәажәкыра 2– Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 208-ҩык атестқәа рзыҟаҵан, урҭ рахьтә 19-ҩык акоронавирус рцәа ишалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 34-ҩык, урҭ рахьтә 28-ҩык акоронавирус адиагноз рзышьақәыргылоуп, рҭагылазаашьа бааԥсуп 7-ҩык, ибжьаратәуп -19-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу жәаҩык апациентцәа, Очамчыра ирхәышәтәуеит ԥшьҩык, Тҟәарчалтәи ахәышәтәырҭаҿы - хҩык, Гагратәи ахәышәтәырҭаҿы - 11-ҩык.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа зегьы шәрыԥхьар ҟалоит абра>>

12
Атемақәа:
Аҿкычымазара – акоронавирус Аԥсни адунеи аҿи: иалкаау (1082)

Џьопуа Гәылрыԥшь афымцалашара ахархәаразы: иаҳзыԥҵәоу арбага ҳахысран ҳаҟам

28
(ирҿыцуп 20:25 02.03.2021)
Гәылрыԥшь араион ахада ихаҭыԥуаҩ Асҭамыр Џьопуа арадио Sputnik аефир аҿы еиҭеиҳәеит араион аҿы афымца ахархәара хылаԥшра азызуа аштаб аусура атәы.
Раионк аԥсҭазаараҟынтә: Џьопуа Гәылрыԥшь афымца ахархәара хылаԥшра азызуа аштаб

"Гәылрыԥшь араион аамҭакала 34 мегаватт афымца ахархәаразы азин амоуп. Уажәы ашколқәеи ахәыҷбаҳчақәеи аусура иалагеит, уи инамаданы афымцалашара ахәархәара иаҳа иацлеит, аха ҳраион иазоужьу арбагақәа ҳархымсӡеит, убри аҟнытә аҭагылазаашьа цәгьам ҳәа ахыуҳәаартә иҟоуп. Ҳара иазыԥҵәоу арбага ҳахысрангьы ҳаҟам. Акаҭрантә зауад аҿы аус зуаз амаинингтә ферма акәзар, уаанӡагьы иаҿаҳхьан, уи аферма еиҳагьы еиҳан, маҷ-маҷ ақәгара иаҿын. Иахьазы уи азауад аҿы акгьы ыҟаӡам. Аштаб еиҿкаауижьҭеи 20 ферма инарзынаԥшуа аҿыхуп. Иҟоуп актәи амш инаркны аԥшәмацәа аилкаара аарԥшны иаҿызхыз, уи ашьҭахьгьы иаҿазымкыз. Иҟоуп еиҭа иаҿазкуагьы, урҭ рфермақәа зынӡагьы иқәыргартә аҟынӡа ҳазнеит, иахьазы быжь-фермак араион аҿы зынӡагьы иқәгоуп", -  еиҭеиҳәеит Џьопуа.

Иаҳа инеиҵыху аиҿцәажәара шәызыӡырҩыр шәылшоит аудио аҿы.

28
Атемақәа:
Аԥсны аенергетика апроблемақәа