Делба Ростуризм аделегациеи иареи атуристтә усхкы арҿиара азҵаарақәа ирылацәажәеит

23
Аԥсны атуризм аминистр иааԥхьарала ҳтәылаҿы иааны иҟоуп Урыстәыла атуризм азы афедералтә агентраҿы иҟоу Ауаажәларратә хеилак аделегациа.

АҞӘА, жәабран 21 - Sputnik. Аамҭала Аԥсны аԥыза-министр инапынҵақәа назыгӡо Владимир Делба идикылеит Урыстәыла атуризм азы афедералтә агентраҿы иҟоу Ауаажәларратә хеилак аделегациеи уи ахантәаҩы Дмитри Давыденкои. Абри атәы аанацҳауеит Аԥсны атуризм аминистрра апресс-маҵзура.

Аиԥылараҟны иалацәажәан асасдкылара аусхк, атуристцәа рыԥгаԥсара, урҭ ршәарҭадара аиҿкаара, зхаҭабзиара ҳараку асанатор-хәышәтәратә хырхарҭа змоу ахыбрақәа рыргылара уҳәа ахырхарҭақәа рҟны акадрқәа разыҟаҵара азҵаара.

Делба инаҵшьны иазгәеиҭеит Аԥсны шазҿлымҳау атәылахь аинвестициақәа радԥхьалара, уи ҳреспублика аекономика арҿиара ахырхарҭақәа ируакуп. Иара убасгьы иҳәеит Аԥсны астратегиатә ҩыза Урыстәылеи иареи реизыҟазаашьақәа пату шрықәнаҵо, ишреиҷаҳауа, хықәкысгьы ишамоу урҭ наҟ-наҟ ахырхарҭақәа зегь рыла рырҿиара шаҭаху.

Дмитри Давыденко иакәзар, иазгәеиҭеит 2021 шықәсазы Аԥсныҟа иаауа аурыс туристцәа рхыԥхьаӡара аиԥш ҟамлацт ҳәа.

"Урыстәылаа Аԥсны бзиа рбоит, арахь урҭ рацәаҩны иаауеит, уи даара акраҵанакуеит ҳара ҳзы. Есышықәса урҭ рхыԥхьаӡара еиҳа-еиҳа иацлоит, атуроператор ҿыцқәагьы цәырҵуеит", - иҳәеит Давыденко.

Иара иазгәеиҭеит Аԥсныҟа иаауа атурист агәахәара иоуларц хымԥада ишыҟаҵатәу, атуризм аусхкаҟны аус зуа акадрқәа разыҟаҵареи реиҭазыҟаҵареи шаҭаху, иара убас иҵегьы аобиект ҿыцқәа шыргылатәу.

Аԥсны атуризм аминистр Ҭеимураз Хышба адырра ҟаиҵеит атуристтә еилахәыра дуқәеи иареи шеилацәажәоз мышқәак раԥхьа.

"Ҳалацәажәон Аԥсны хә-еҵәак змоу шықәсынаҟьак аусура зылшо акурорттә комплекс аргылара азҵаара. Уи даара акраҵанакуеит Аԥсназы", - иҳәеит иара.

Аиҿцәажәарақәа рхыркәшамҭаз Аԥсны Атуризм аминистрреи А.С.Грибоедов ихьӡ зху Жәларбжьаратәи азини аекономикеи ринститути Аусеицуразы амеморандум рнапы аҵарҩит.

Иара убас шәаԥхьар ҟалоит:

23

Урыстәыла Атәылахьчара аминистрра арратә госпиталь аҭыԥ ахь амҩа иқәлеит

0
(ирҿыцуп 12:21 09.03.2021)
2020 шықәса жьҭаара 20 рзы аусура иалагаз Урыстәыла Атәылахьчара аминистрра арратә мобилтә госпиталь ашәахьа хәажәкыра 1 азы Аԥсны аусура хнаркәшеит.

АҞӘА, хәажәкыра 9 - Sputnik, Бадраҟ Аҩӡба. Урыстәыла Атәылахьчара аминистрра арратә госпиталь, 2020 шықәса жьҭаара 20 рзы Аԥсны аусура иалагаз аҭыԥ ахь амҩа иқәлеит арратә техника аколонна иаланы.

Урыстәылатәи амедусзуҩцәа ҩымш рышьҭахь арратә техника аилазаара иаланы, 800 километра амҩа иахысны есқьаангьтәи ргыларҭа ҭыԥ иазыхынҳәуеит, Ставропольтәи атәылаҿацәахь.

Аколонна амҩатә ныҟәара ашәарҭадара ахылаԥшра арҭоит Аладатәи арратә округ арратә автоинспекциа.

Амобилтә медицинатә ҟәша аилазаара иалахәын шәҩык рҟынӡа амедусзуҩцәа, 30 ак арратә техника.

Аԥсны ауааԥсыра аҿкчымазара рацәыхьчаразы иҟанаҵаз аҳәарала Урыстәыла Атәылахьчара аминистрра арахь иаанашьҭит хырхарҭарацәалатәи амобилтә госпиталь шә-иарак зкышаз, ареспубликаҿ акоронавирустә инфекциа аҿагылара аҭаразы 2020 шықәса жьҭаара 20 рзы.

Иарбоу аамҭа иалагӡаны амбулатор-консультациатә цхыраара рыҭан хнызқьи быжьшәҩык инареиҳаны Аԥсны ауааԥсыра, амбулатортә дкылара рыҭан 3,3 нызқьҩык, астационартә – 450-ҩык рҟынӡа.

Иара убасгьы агоспиталь алабораториаҿ 18 000 рҟынӡа клиникатә ҭҵаара мҩаԥган, урҭ рҟынтәи 5,3 нызқь ПЦР-тест, 2 000 рентгенограмма.

Иара убас шәаԥхьар ҟалоит:

0
Атемақәа:
Аҿкычымазара – акоронавирус Аԥсни адунеи аҿи: иалкаау

Аԥсны аусура иалагараны иҟоуп атуристцәа рзы аинформациатә ресурс

5
(ирҿыцуп 11:42 09.03.2021)
Аурыс-аԥсуа проект "Хаба-Хаба" активла аԥсшьара бзиа избо атуристцәа рзы ицхыраагӡоуп.

АҞӘА, хәажәкыра 9 - Sputnik. Аԥсни Урыстәылеи ртуризм азы аинформациа-еилкааратә ресурс "Хаба-Хаба" аусура иалагалараны иҟоуп, ауснагӡатәқәа хыркәшоуп ҳәа арадио Sputnik иазеиҭеиҳәеит афонд "Ишьхатәылоу Аԥсны" анапхгаҩы Ҭенгиз Ҭарба.

Аресурс аԥҵареи арҿиареи рнапы алакын иактиву атуризм аусхк аганахьала аус зуа урыстәылатәи аҟазауаа, Ҭенгиз Ҭарба дрылахәны.

"Шьаҿа-шьаҿала активла атуризм мҩаԥызго ауаа рзы иманшәалоу ахархәагақәа аԥаҳҵоит. Ҳсаит иҭалан ицарц ахьырҭаху аԥшааразы алшара рымазаауеит. Уи азы иахәҭоу аинформациа рыҭахоит. Ирыҭахоит абжьгарақәа аныҟәара шымҩаԥыргашазы. Иара убасгьы, асаит аҿы иаархәар ҟалоит ирҭаххаша амаҭәа ҷыда", - иҳәеит иара.

Ҭарба иҳәеит "Хаба-Хаба" – иуникалу проектны ишыҟоу, атәылақәа жәпакы рҿы зеиԥш уԥымло шакәу.

Ҭарба иажәақәа рыла, апроект актәи ахәҭа ишаҵанакуа Урыстәылеиԥш Аԥсынгьы иактиву атуризм азы иахәҭаны иҟоу амаҭәа ҷыда ахьааухәаша аинтернет-дәқьан аартра. Аплатформа аамҭа-аамҭала ихарҭәаалахоит арҭ атәылақәа рҭыԥ ԥшӡарақәа рыӡбахә зҳәо аинформациала, хаҭала амаршрутқәа ирзааҭгыланы.

"Ари аурыс-аԥсуа проект авторцәа сыруаӡәкуп. Актәи аетап аан Аԥсны иазку аинформациа иаҳа еиҳауп. Нас –Алтаи, Камчатка уҳәа Урыстәыла егьырҭ арегионқәа ирылацәажәахоит", -  иҳәеит Ҭарба.

"Хаба-Хаба" иахәҭа ҷыданы иҟалоит аныҟәараан ашәарҭадара азхьаԥшразы аинформациа.

Афонд "Ишьхатәылоу Аԥсны" анапхгаҩы иҳәеит апроект ахьӡ –"Хаба-Хаба" иаанаго, Суахили абызшәаҟынтә уи "шьаҿа-шьаҿала" ма "маҷ-маҷла" ауп. Ари апроект аҵакы аанарԥшуеит.

Иара убас шәаԥхьар ҟалоит:

5