Ачемпионат ConIFA-2021 аҿы Аԥсны акоманда зындаҭло еилкаахеит

31
(ирҿыцуп 14:00 21.02.2021)
Ашьапылампыл азы Европа ачемпионат CONIFA-2021 аҿы Аԥсны еизгоу акоманда зындаҭло акомандақәа арбану ахьеилкаахаз алԥшаарақәа мҩаԥысит асабша, жәабран 20 рзы.

АҞӘА, жәабран 21 – Sputnik. Ашьапылампыл азы Европа ачемпионат CONIFA-2021 аҿы Аԥсны еизгоу акоманда агәыԥ В аҿы ирындаҭлоит Сампии Секеитәи атәылаҿацәи ркомандақәа.

Европа ачемпионат мҩаԥысраны иҟоуп Франциа ақалақь Ницца рашәарамза 9 инаркны 19 рҟынӡа.

Аахыҵ Уаԥстәыла агәыԥ С иақәшәеит, уа ирацлабуеит Арцахи Корнуолли ркомандақәа.

Зынӡа атурнир иалахәуп 12 команда: Ницца Аграфра еизгоу акоманда, Аԥсны, Аахыҵ Уаԥстәыла, Паданиа, Сапми, Мраҭашәаратәи Ермантәыла, Аҩадатәи Кипр, Арцах, Секеитәи атәылаҿацә, Чамериа, Сардиниа, Корнуолл.

2016 шықәсазы Ашьапылампыл азы адунеи ачемпионат ConIFA мҩаԥысуан Аԥсны, усҟан Аԥсны еизгоу амилаҭтә команда аиааира агеит.

Ихьыԥшым ашьапылампылтә ассоциациақәа рконфедерациа еиҿкаан 2013 шықәсазы. ConIFA еиднакылоит официалла FIFA иалам атәылақәеи автономиақәеи еизгоу ркоманлақәа, урҭ рхыԥхьаӡара 25 рҟынӡа иҟоуп.

31

Иҳаҩсыз уахыки-ҽнаки рыла даҽа 52-ҩык акоронавирус рыдырбалеит Аԥсны

4
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 14795-ы ыҟоуп, ргәы бзиахеит 13780-ҩык, рыԥсҭазаара иалҵит 222-ҩык.

АҞӘА, лаҵара 7 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 334-ҩык атестқәа рзыҟаҵан, урҭ рахьтә 52-ҩык рцәа акоронавирус шалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 51-ҩык, урҭ рахьтә 45-ҩык акоронавирус адиагноз рзышьақәыргылоуп, рҭагылазаашьа бааԥсуп 26-ҩык, ибжьаратәуп - 20-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 37-ҩык апациентцәа, Очамчыра ирхәышәтәуеит 13-ҩык, Гагратәи ахәышәтәырҭаҿы - 21-ҩык, Тҟәарчалтәи ахәышәтәырҭаҿы - хәҩык апациентцәа.

Акоронавирус иазку ажәабжьқәа зегьы шәрыԥхьар ҟалоит абра>>

4
Атемақәа:
Аҿкычымазара – акоронавирус Аԥсни адунеи аҿи: иалкаау

Габуниа Дәрыԥшь имҩаԥысран иҟоу аҽырыҩрақәа рзы: ақыҭақәа зегьы рзы ныҳәа дууп

9
Аџьынџьтәылатә еибашьра Ду аҿы Аиааира 76 шықәса ахыҵра аҳаҭыраз Дәрыԥшь ақыҭан имҩаԥысуеит аҽырыҩрақәа. Урҭ шеиҿкаахо, насгьы иалахәхо акомандақәа ртәы арадио Sputnik аефир аҿы еиҭеиҳәеит аҽырыҩраҿы аӡбаҩ хада имаӡаныҟәгаҩ Џьума Габуниа.
Раионк аԥсҭазаараҟынтә: Габуниа Дәрыԥшь имҩаԥысран иҟоу аҽырыҩрақәа ирызкны

"Маи 8-9 Гәдоуҭа араион ф-қыҭак злахәу аныҳәа дуӡӡа амҩаԥгара ҳазыхиоуп, ашҭа маншәлоуп, аҽқәа уахь инаргаран иҟаз зегьы иахьа инагоуп. Аҽқәа рҭыԥ дара ақыҭақәа рхала, рџьабаала иҟарҵеит. Араион аҟынтә ф-командак 50-50 нызқь мааҭ рыҭоуп, ацхыраара ҳасабала. Иҟоуп раԥхьаӡа акәны ас еиԥш аҽырхәмаррақәа ирылахәу. Иҟоуп раԥхьаӡа акәны иҽыжәлазгьы, ус ҳара ҳҿы дыҟоуп 9 класск рҿы итәоу аҽыуаҩ қәыԥш. Ари аныҳәа ҳажәлар еиднакылоит, аԥсуа жәынгьы-ҿангьы ирымаз аспорт аихьӡарақәа аазырԥшуаз, аԥсҭазаара дуӡӡа ԥхьаҟа изгоз ажәларқәа ҳреиуоуп ҳара. Иҟан аамҭақәа 10 командак рҟынӡа ианыҟаз. Аԥсуа ҽыбӷаҟазаратә хәмаррақәа раԥхьа имҩаԥган Абгархықә, нас Аҷандара, Аацы, абарҭ ақыҭақәа зегьы рзы ари амш азы аныҳәа дуӡӡа ҟарҵон, иара усгьы иҟоуп иахьагьы", - ҳәа еиҭеиҳәеит Габуниа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

9