Аԥсны ахатәнаплакыҩцәеи аиурист хаҿқәеи рзы иаку ашәҟәынҵа аԥҵоуп

13
(ирҿыцуп 09:38 23.02.2021)
Хара имгакәа Аԥсны араионқәа зегь рҟынтәи анаплакыҩцәа аминистрра аппарат хадахьы имаалар ҟалоит иаку ашәҟәынҵа аҟынтәи алҩаа аиуразы.

АҞӘА, жәабран 23 - Sputnik. Аиустициа аминистрраҿ ахатәнаплакыҩцәеи аиурист хаҿқәеи рзы адыррақәа аелектронтә версиахь ииагоуп, иаԥырҵеит иаку ашәҟәынҵа ҳәа аанацҳауеит Аԥсныпресс.

Аиустициа аминистр Анри Барцыц иажәақәа рыла ашәҟәынҵа аԥҵаразы апрограммақәа хԥа рҟынтәи ҩ-программак нагӡоуп. Уажәы ахԥатәи апрограмма аганахь ала аусурақәа ирҿуп. Уи иаку аграждантә ҭагылазаашьеи анотариалтә усқәеи рҭаҩратә актқәа иаку рыплатформоуп.

"Аилкаара ҳамоуп анорматив-зинтә база ахаҭабзиара аиӷьтәра шхымԥадатәиу азы. Иаԥҵатәуп ацифратә ресурсқәа рыцхыраарала азинтә механизмқәа. Уи инақәыршәаны аминистрра анапаҵаҟа иҟоу аусбарҭақәа ирыдҵаало атәылауаа аҳәынҭмаҵзурақәа роуразы аҭагылазаашьа маншәалақәа рзышьақәгылоит", - аминистр иажәақәа аанагоит амаҵзура.

Барцыц иҳәеит, хара имгакәа Аԥсны араионқәа зегь рҟынтәи анаплакыҩцәа аминистрра аппарат хадахьы имаалар ҟалоит иаку ашәҟәынҵа аҟынтәи алҩаа аиуразы. Уи азы иаҭаххо рхатә дыррақәа ахьарбо аформа ахарҭәаара мацара акәхоит.

Аелектронтә дырранҵаҿы аминистр инапынҵамҭа ацынхәрас иқәыргылахоит QR-код. Анаҩс, уи абанк аҿтәи аоперационист асканер иахыжьны адокумент аиашара шьақәирӷәӷәоит.

Аминистр иҳәеит аус ишадгалаз аҟазауаа ҿарацәа, волонтиорцәак раҳасабала – астудентцәа.

Имҩаԥган 24 нызқьҩык анаплакыҩцәеи быжь-нызқьҩык аиурист хаҿқәеи рзы адыррақәа аелектронтә версиахь ииагоуп.

13

Урыстәылатәи атанкныҟәцаҩцәа Краснодартәи атәылаҿацә аҿы аҽазыҟаҵарақәа мҩаԥыргеит

1
(ирҿыцуп 18:39 18.06.2021)
Аҽазыҟаҵаратә уснагӡатәқәа ирылахәын шәҩык аруаа, ахархәара рыҭан 30 ак арратә техника, акәылӡы зқәу автомашьынақәа КамАЗ "Мустанг" реиԥш иҟақәаз.

АҞӘА, рашәара 18 - Sputnik. Аԥсны иҟоу Урыстәыла Аладатәи арратә база атанкныҟәцаҩцәа Краснодартәи атәылаҿацә аполигон аҿы ахысрақәа мҩаԥыргеит ҳәа аанацҳауеит аокруг апресс-маҵзура.

Аекипажқәа 200 рҟынӡа ицәырҵуаз, еиҭаҵуаз ацәҟьарақәа ахы рықәдыршәеит ҳаамҭазтәи атанкқәа Т-72Б3 рҟынтәи. Ацәҟьараҟынӡа иреиҳаӡоу ахарара ҩ-нызқь метра иҟан.

Уахынлатәи ахысрақәа раан ахархәара рыҭан уахынларбагатә хархәагақәа ТВН-5.

Т-72Б3 амеханик-ныҟәцаҩцәа рдырреи рԥышәеи еиздырҳауан аԥынгылақәа рхысраан, амина-ԥжәага ԥкырақәа рхысраан.

Ахсрақәа раан иныхын 300 танктә рҭҟәацгақәа.

Инарҭбаау аҽазыҟаҵарақәа мҩаԥгахараны иҟоуп акоманда-штабтә зыҟаҵарақәа ирылахәны.

1
Нодар Чанба

Аԥсны еицырдыруа ахьыӡқәа: раԥхьатәи аԥсуа драматург Самсон Ҷанба иҭоурых иазкны

5
(ирҿыцуп 17:51 18.06.2021)
Аԥсны раԥхьаӡатәи апрофессианалтә театр аԥҵараҿы злагала рацәоу Самсон Ҷанба диижьҭеи 135 шықәса ҵит. Жәлар рартист Нодар Ҷанба арадио Sputnik аефир аҿы еиҭеиҳәеит раԥхьатәи аԥсуа адраматург иҭоурых.
Аԥсны еицырдыруа ахьыӡқәа: раԥхьатәи аԥсуа драматург Самсон Ҷанба иҭоурых иазкны

Самсон Ҷанба – ауаажәларратә усзуҩы, ашәҟәыҩҩы, аҧсуа драматургиа ашьаҭыркҩы. Дыҩуан иара ҧсышәалагьы урысшәалагьы. Иҩымҭақәа цәырҵуа иалагеит агазеҭ "Аҧсны" адаҟьақәа рҿы 1919 шықәса рзы. Еиуеиҧшым ашықәсқәа рзы С. Ҷанба аус иуан: Аҧсны ацентртә нагӡаратә комитет (ЦИК) ахантәаҩыс (1923 - 1930), аҵаралашара жәлар ркомиссарс (1921 - 1925), Аҧсны ашәҟәыҩҩцәа Реидгыла ахантәаҩыс (1934 - 1937), агазеҭ "Аҧсны ҟаҧшь" редакторс. Ҷанба инапы иҵижьыз иреиуоуп: аромантикатә поема “Ашьха ҭыҧҳа”(1919), раҧхьатәи аҧсуа драма “Амҳаџьырқәа”(1920), “Аҧсны Ҳаным”(1923), “Ажәытәра иагаз” (1929) уҳәа убас егьырҭгьы. Идраматә ҩымҭақәа аҧсуа милаҭтә драматургиаҿ иауасхырны иҟалеит. Иповест “Сеидыҟ”(1934) – аҧсуа прозаҿы акыр зҵазкуа раҧхьатәи рҿиамҭаны иҧхьаӡоуп. С. Ҷанба иара убас еиқәиршәеит “Аҧсны агеографиа” (Аҟәа, 1925). Далахәын 1929ш. рзы иаҧҵаз раҧхьатәи апрофессионалтә аҧсуа театр аиҿкаара.

Аиҿцәажәара шәазыӡырҩыр шәылшоит аудиофаил аҿы.

5