Беслан Гәыблиа ахәшьара аиҭеит Европа ачемпионат ConIFA-2021 аҵәҭаԥсара

18
(ирҿыцуп 13:04 23.02.2021)
Ашьапылампыл азы Европа ачемпионат ConIFA-2021 аҟны Аԥсны иандаҭлоит Сапмии Секеитәи атәылаҿацәи ркомандақәа.

АҞӘА, жәабран 23 – Sputnik, Бадраҟ Аҩӡба. ConIFA напаҵаҟала имҩаԥысуа атурнирқәа еиҳа-еиҳа иӷәӷәахоит ҳәа Sputnik иазеиҭеиҳәеит Аԥснытәи акоманда азыҟаҵаҩ хада Беслан Гәыблиа.

"Акомандақәа еиҳа-еиҳа рыҽдырӷәӷәоит. Иҟоуп ахәмаррақәа интернетла ҳазхәаԥшуа. Уи ус шакәу аанарԥшуеит. Ашьха Ҟарабах имҩаԥысуаз аҵыхәтәантәи ачемпионатгьы иаанарԥшит акомандақәа реизҳара", - иҳәеит иара.

Ԥхьаҟатәи атурнир аҿы Аԥснытәи акоманда зындаҭло Секеитәи атәылаҿацә акоманда ахәмарыҩцәа, Беслан Гәыблиа иажәақәа рыла, рхы шьахәны иаадырԥшуеит.

"Аҽазыҟаҵаразы аамҭа ҳамоуп, акоронавирус ҳапланқәа еиланамгар. Ачемпионат ахь ацара Аԥснеиԥш адунеи зегьы аҿы иҟало аҭагылазаашьа иадҳәалоуп", - иҳәеит азыҟаҵаҩ хада.

Беслан Гәыблиа иажәақәа рыла ашьапылампыл азы Аԥснытәи еизгоу акоманда еиҿкаахоит аҿар реиԥш аԥышәа змоу ахәмарыҩцәагь рыла.

"Аҿар аԥыжәара шроуагьы, аԥышәа змоу ахәмарыҩцәа рыда ҟалашьа амам. Европа ачемпионат ConIFA-2021 анымҩаԥысуа аамҭазы имҩаԥысраны иҟоуп Урыстәыла ачемпионатгьы убри азы алегионерцәа рацәак ҳазрықәгәыӷуам", - иҳәоит Беслан Гәыблиа.

Ашьапылампыл азы Европа ачемпионат ConIFA-2021 ахәмаррақәа рзы аҵәҭаԥсара мҩаԥган жәабран 20 рзы. Ачемпионат мҩаԥысраны иҟоуп Франциа, Ницца ақалақь аҿы рашәара 9 - 19 рзы.

Ашьапылампыл азы Европа ачемпионат CONIFA-2021 аҿы Аԥсны еизгоу акоманда агәыԥ В аҿы ирындаҭлоит Сампии Секеитәи атәылаҿацәи ркомандақәа.

Зынӡа атурнир иалахәуп 12 команда: Ницца Аграфра еизгоу акоманда, Аԥсны, Аахыҵ Уаԥстәыла, Паданиа, Сапми, Мраҭашәаратәи Ермантәыла, Аҩадатәи Кипр, Арцах, Секеитәи атәылаҿацә, Чамериа, Сардиниа, Корнуолл.

Аахыҵ Уаԥстәыла агәыԥ С иақәшәеит, уа ирацлабуеит Арцахи Корнуолли ркомандақәа.

2016 шықәсазы ашьапылампыл азы Европа ачемпионат ConIFA Аԥсны имҩаԥысуан. Аԥснытәи акоманда аиааира агеит.

Ихьыԥшым ашьапылампылтә командақәа р-Конфедерациа еиҿкаан 2013 шықәсазы. ConIFA еиднакылоит FIFA иалам акомандақәа, зынӡа – 25 команда.

18

Ажьиԥҳа еиҭалҳәеит Гагра ашколқәа рҿы СOVID-19 аганахьала рҭагылазаашьа зеиԥшроу

1
Гагра араион аҿы ашколқәа рҿы СOVID-19 аганахьала аҭагылазаашьа зеиԥшроу арадио Sputnik аефир аҟны арубрика "Раионк аԥсҭазаараҟынтә" аҳәаақәа ирҭагӡаны еиҭалҳәеит араион аҵара аҟәша аиҳабы Мадина Ажьиԥҳа.

 

Раионк аԥсҭазаараҟынтә: Гагра ашколқәа рҿы СOVID-19 азы рҭагылазаашьа зеиԥшроу атәы

"Мшаԥымзеи ҳазҭагылоу лаҵарамзеи рзы аҭагылазаашьа хәыҷык аҽарцәгьеит. Иҳамоуп ашколқәа иҳаҩсыз амзазы классқәак ахьаркыз мчыбжьык–ҩымчыбжьа рыҩнуҵҟа. Ахәыҷқәеи арҵаҩцәеи рыбжьара иҟоуп аковид-чымазара злаҽыз. Иахьазы аҵара аминистрреи асанитартә епидемиологиатә станциеи рахь ашәҟы ҳашьҭит ҩымчыбжьа ирҭагӡаны Пицундатәи аҩбатәи ашколи Маҳадыртәи актәи ашколи рҿы аҵаратә процесс аанкылазарц аиҳабыратә классқәа рҟны, ҭыԥқәак рҿы алагарҭатә классқәа рҟынгьы. Пицундатәи аҩбатәи абжьаратә школ аҟны ааҩык арҵаҩцәа ачымазара ҿкы рымоуп, Маҳадыртәи ашкол аҟны - ԥшьҩык. Егьырҭ ашколқәа рҟны аҭагылазаашьа цәгьаӡам, макьана ҳабзиоуп", - лҳәеит Мадина Ажьиԥҳа.

 

Лара агәыӷра аалырԥшит ҳазҭоу амза 14 рзы еиԥш ичмазаҩхаз ргәы бзиахап ҳәа, ашколқәа рҟны аҵаратә процесс иацырҵартә аҭагылазаашьа ҭышәынтәалахап ҳәа. Ажьиԥҳа убасгьы илҳәеит иааиуа амзақәа рзы аҵаратә программа иахьӡоит ҳәа агәаанагара шрымоу, адистанциатә ҵаразы аԥышәа бзиа шрымоу, уи рхы иадырхәар шалшо.

Шәазыӡырҩы аудио.

Иара убас шәаԥхьар ҟалоит:

1

"Аԥсны агәалашәара ашәҟәы" иеизнагоит ахатәы Ԥсра зқәым архәҭа

3
(ирҿыцуп 18:59 06.05.2021)
Апроект "Аԥсны агәалашәара ашәҟәы" хықәкыс иамоуп 1941-1945 шықәсқәа рызтәи Аџьынџьтәылатә еибашьра Дуи 1992-1993 шықәсқәа рызтәи Аԥсны жәлар Рџьынџьтәылатә еибашьреи рлахәылацәа рыӡбахә аҳәара.

АҞӘА, лаҵара 6 – Sputnik. Ауаажәларратә еиҿкаара "Аԥсны аурыс уаԥшь" имҩаԥнагоит онлаин-акциа "Аԥсны Ԥсра зқәым архәҭа онлаин" Аиааира амш 76 шықәса ахыҵразы.

"Аԥсны Ԥсра зқәым архәҭа онлаин" алахәхара алшоит асоциалтә ҳа Facebook аҿы. Иахьазы агәыԥ иалахәуп 800-ҩык, аиҳарак Урыстәылеи Аԥсни руааԥсыра. Акциа мҩаԥгахоит апроект "Аԥсны агәалашәара ашәҟәы" аҳәаақәа ирҭагӡаны.

"Апроект шәҽалашәырхә. Еиқәшәырха ҳзеиԥш ԥсадгьыл зыхьчоз ауаа ргәалашәара. Апроект "Аԥсны агәалашәара ашәҟәы" асаит ахь иҭажәгалала иҭахаз, хабарда ибжьаӡыз рфотосахьақәа", - ҳәа ааԥхьара ҟанаҵоит ауаажәларратә еиҿкаара "Аԥсны аурыс уаԥшь".

Апроект "Аԥсны агәалашәара ашәҟәы" хықәкыс иамоуп 1941-1945 шықәсқәа рызтәи Аџьынџьтәылатә еибашьра Ду рлахәылацәа, 55,5 нызқьҩык Аԥсны аԥацәеи аԥҳацәеи: аԥсуаа, аурысқәа, аерманцәа, ақырҭцәа, абырзенцәа - рыӡбахә аҳәара, амырӡра.

Апроект "Аԥсны агәалашәара ашәҟәы" аԥҵан "Аԥсны аурыс уаԥшь", "Аԥсны иҟоу Амшынеиқәатәи аказақцәа рыр", "Аԥсны аказақцәеи аибашьра иалахәыз аказақцәа-аветеранцәеи Реидгыла", Аԥсни, Урыстәылеи, ДЖәРИ, ЛЖәРи рыбжьара аизыҟазаашьақәа рырҿиаразы Афонд "Отечество" раԥшьгарала, Аԥсны Атәылахьчара аминистрреи, В.Г. Арӡынба ихьӡ зху Ахьӡ-аԥша аҳәынҭқарратә музеи Аԥсны иҟоу Россотрудничество ахаҭарнакреи, Аԥсны иҟоу Урыстәыла Ацҳаражәҳәарҭеи рыдгыларала Аиааира ду 75 шықәса ахыҵра аламҭалаз.

Иара убас шәаԥхьар ҟалоит:

3