Аԥсны атуризм аминистрра акадртә резерв абаза аԥнаҵоит

14
(ирҿыцуп 12:44 23.02.2021)
Акадыртә резерв аопциа хадақәа ируакуп атуризм аусхк аҟны зыквалификациа ҳараку акадырқәа ралкаара.

АҞӘА, жәабран 23- Sputnik. Аԥсны атуризм аминистрра асаит аҿы акадртә резерв абаза аԥҵара хацыркуп ҳәа аанацҳауеит аусбарҭа апресс-маҵзура.

Акадртә резерв аԥҵара хықәкны иамоуп атуризм аусхк еиуеиԥшым ахырхарҭақәа рҟны зыквалификациа ҳараку акадырқәа ралкаараа, амаҵзурақәа рыҟаҵараз, амаҵ аура, ахаҭабзиареи арҿиареи аизырҳара. Уи адагьы иаҭаху аҟазауаҩ иԥшаараан аинформациатә цхыраара акырӡа ихәарҭоуп ҳәа иршьоит аминистрраҿы.

Акадртә резерв абаза иаанарԥшуеит атуризм аганахь ала аҵара ҷыда змоу, абри аусхк аҟны азанааҭтә ԥышәа змоу, аха аусурҭақәа ззымԥшаац ауааԥсыра рсиа.

"Ҳақәгәыӷуеит ари аҿыцра атуризм аусхк аҟны адырреи аԥышәеи змоу, аусураҿы хра змазарц зылшои аус зуеии ирыхәырҭахап ҳәа. Абри алагьы "аџьармыкьа ахсаала" шьақәнаргылоит ҳәа", - рҳәоит аусбарҭаҿы.

Иара убас шәаԥхьар ҟалоит:

14

Аексперт: Аԥсны абиуџьет азы ихәарҭахоит ашықәс зегьы иалагӡаны апутиовкақәа рҭилар

2
(ирҿыцуп 12:52 01.03.2021)
Ареспублика аҳауатә ҭагылазаашьа анаалоит амедицинатә ԥсшьара. Уи иахьа актуалра амоуп аҳәаанырцә аҳәаақәа ахьарку иахырҟьаны.

АҞӘА, хәажәкыра 1 - Sputnik. Аԥсны абиуџьет азы еиҳагьы ихәарҭахоит ашықәс зегьы иалагӡаны апутиовкақәа рҭилар ҳәа иҳәеит атуризм азы Урыстәыла Ауаажәларратә хеилак асанатор-курорттә ҿиаразы акомиссиа ахантәаҩы Дмитри Богданов ҳәа аанацҳауеит апортал Country Scanner.

Иара иазгәеиҭеит иааиуа ҩымз рзы шәачатәи апансионатқәеи асанаториқәеи реиҳарак рахь иҭиу аҭыԥқәа рхыԥхьаӡара 80% инаӡоит ҳәа. Иҟоуп жьҭаарамзазтәи аҭирақәагьы аанызкылахьоу.

Богданов игәаанагарала, Аԥсны иалшон Шәача иҟоу апансионатқәа разымхара ахарҭәаара.

"Аԥхын мацара акәымкәа ашықәс зегьы иалагӡаны апутиовкақәа ҭилатәуп. Аԥсны абиуџьет уи азеиӷьымхозар иазеицәахом", - ҳәа иҳәеит Богданов.

Ареспублика аԥхьанатә 500 000-ҩык рҟынӡа аныҟәаҩцәа аднакылар, краснодартәи асанаториқәа акыр рхы иақәиҭхон.

Убри аан иара игәаанагарала ахәԥсақәа рыцҵара аҭахым, амаҵзура аиӷьтәреи аматериалтәии атехникатәии база рырҭбаареи роуп иаҭаху.

Иара убас шәаԥхьар ҟалоит:

2

Бжьаниа Урыстәыла АА амобилтә госпиталь амедусзуҩцәа русураз иҭабуп ҳәа реиҳәеит

2
Урыстәыла Атәылахьчара аминистрра иатәу амобилтә госпиталь 2020 шықәса жьҭаара 20 рзы аусура иалагеит, аусура хыркәшахеит хәажәкыра 1 азы.

АҞӘА, хәажәкыра 1 – Sputnik, Бадраҟ Аҩӡба. Аԥсны ахада Аслан Бжьаниа идикылеит Аԥсны ацхырааразы иааны иҟаз Урыстәыла Атәылахьчара аминистрра иатәу хырхарҭарацәалатәи амобилтә госпиталь аҳақьым хада Абдулмеджид Магомедови ихаҭыԥуаҩ Ренат Курбанови.

Аслан Бжьаниа Урыстәыла АА амобилтә хырхарҭарацәалатәи агоспиталь амедусзуҩцәа гәык-ԥсык ала русураз, рыцхыраараз ҭабуп ҳәа реиҳәеит.

Агоспиталь аиҳаб иакәзар, уи аҭакс ҭабуп ҳәа ахиҳәааит аҳақьымцәа русуразы ирзыҟаҵаз аиҿкаара. Ахада агоспиталь аиҳабы ианеишьеит аҳаҭыртә шәҟәыбӷьыц, агәаларшәагатә ҳамҭақәа.

© Sputnik
Бжьаниа Урыстәыла АА амобилтә госпиталь амедусзуҩцәа русураз иҭабуп ҳәа реиҳәеит

Амобилтә медицинатә еилазаара иалоуп 112-ҩык аррамаҵурауааи иҷыдоу арратә техника 30 цыреи. Ари агоспиталь 100 иара-ҭыԥк амоуп, аха иаҭаххар, 150-ҩык рҟынӡа акоронавирус змоу апациентцәа аднакылар алшо иҟан.

Урыстәылатәи амобилтә госпиталь Аԥсныҟа идәықәҵан Ставропольтәи атәылаҿацә аҟынтәи жьҭаара 17 рзы акоронавирустә инфекциа COVID-19 змоу апациентцәа рыхәышәтәраҿы ацхыраара аҟаҵаразы. Агоспиталь асасааирҭа "Аиҭар" аҵакыраҿы идыргылеит жьҭаара 19 рзы, адырҩаҽны аусурагьы иалагеит.

Уи аахыс ара ахәышәтәра иахысхьеит 500-ҩык ареспублика ауааԥсыра. Иахьазы агоспиталь иҭоуп 20-ҩык.

Иарбоу аамҭа иалагӡаны амбулатор-консультациатә цхыраара рыҭан хнызқьҩык инареиҳаны Аԥсны ауааԥсыра, имҩаԥган алабораториаҿ 5195 ПЦР тест.

Иара убас шәаԥхьар ҟалоит:

2