Дмитри Ӷәазаа автоеиԥхныҩларақәа дрылахәхоит амашьына Lamborghini ала

7
(ирҿыцуп 16:29 23.02.2021)
Европатәи ачемпионат Super Trofeo актәи автоеиԥхныҩларақәа дрылахәхоит аԥснытәи аспортсмен Дмитри Ӷәазаа автомашьына Lamborghini ала. Ачемпионат мҩаԥысуеит 2021 шықәса мшаԥымзазы.

АҞӘА, жәабран 23 – Sputnik, Бадри Есиава. Дмитри Ӷәазаа амашьына Lamborghini дақәтәоит Европатәи ачемпионат Super Trofeo актәи автоеиԥхныҩларақәа раан. Абри атәы Sputnik иазеиҭеиҳәеит ихаҭа Дмитри Ӷәазаа.

"Франциатәи ачемпионат French GT4 Cup салҵит, мызқәак ҵуеит амашьына аԥсҟы сымкижьҭеи. Нас акоманда Bonaldi Motorsport ахь ааԥхьара сырҭеит Италиа, Варано ҳәа изышьҭо аҭыԥ аҿы Lamborghini Hurakan аԥышәарақәа срылахәхарц. Сара аҭагылазаашьа ҭысҵааит, уажәазы зегь сгәаԥхоит. 90% ҳаиқәшаҳаҭхахьеит", - иҳәеит Ӷәазаа.

Дмитри Ӷәазаа иҳәеит ари аҩыза амашьына аԥсҟы раԥхьаӡа шакәу ианикыз, иагьшигәаԥхаз.

© Foto / Дмитрий Гвазава
Дмитри Ӷәазаа Lamborghini ахь диасуеит

Аспортсмен иҳәеит ачемпионат Lamborghini Super Trofeo европатәи атрассақәа зегьы рҿы ишымҩаԥгахо, "монокласс" ишаҵанакуа. Ӷәазаа иажәақәа рыла узындаҭло имашьына атехникатә ԥыжәара аиуам аиааира алзыршо аныҟәцаҩ иҟазароуп.

"Уаанӡа сара англиатәи Ginetta G55 сақәтәан, аха егьа уныҟәцаҩ бзиазаргьы еиҳа иӷәӷәоу амашьына иузаԥыгом. Ара амашьынақәа зегьы еиԥшуп, еиваҟәалоит. Саргьы исыӡбеит абра схы ԥысшәарц", - иҳәоит Ӷәазаа.

Уажә зегь иқәҿиар, асериа GT World Challenge иатәу адунеитә еиндаҭлара иҽшалаирхәуа иҳәеит Ӷәазаа.

Дмитри Ӷәазаа профессионалтә спортсменуп, автоеиԥхныҩларақәа дрылахәуп 2010 шықәса раахыс. 2018 шықәса абҵарамзазы иара акатегориа PRO иатәу аиԥхныҩларақәа Mitjet 2L рҿы Урыстәыла дачемпионхеит. 2019 шықәсазы Франциаҟа диасит, далахәын акласс GT4 иатәу аицлабрақәа. 2019 шықәсазы Дмитри Ӷәазаа дызлахәыз франциатәи акоманда "Speed Car" атурнир "Шесть часов Ле-Мана" аҿы аиааира агеит.

7

Урыстәыла Атәылахьчара аминистрра арратә госпиталь аҭыԥ ахь амҩа иқәлеит

3
(ирҿыцуп 12:21 09.03.2021)
2020 шықәса жьҭаара 20 рзы аусура иалагаз Урыстәыла Атәылахьчара аминистрра арратә мобилтә госпиталь ашәахьа хәажәкыра 1 азы Аԥсны аусура хнаркәшеит.

АҞӘА, хәажәкыра 9 - Sputnik, Бадраҟ Аҩӡба. Урыстәыла Атәылахьчара аминистрра арратә госпиталь, 2020 шықәса жьҭаара 20 рзы Аԥсны аусура иалагаз аҭыԥ ахь амҩа иқәлеит арратә техника аколонна иаланы.

Урыстәылатәи амедусзуҩцәа ҩымш рышьҭахь арратә техника аилазаара иаланы, 800 километра амҩа иахысны есқьаангьтәи ргыларҭа ҭыԥ иазыхынҳәуеит, Ставропольтәи атәылаҿацәахь.

Аколонна амҩатә ныҟәара ашәарҭадара ахылаԥшра арҭоит Аладатәи арратә округ арратә автоинспекциа.

Амобилтә медицинатә ҟәша аилазаара иалахәын шәҩык рҟынӡа амедусзуҩцәа, 30 ак арратә техника.

Аԥсны ауааԥсыра аҿкчымазара рацәыхьчаразы иҟанаҵаз аҳәарала Урыстәыла Атәылахьчара аминистрра арахь иаанашьҭит хырхарҭарацәалатәи амобилтә госпиталь шә-иарак зкышаз, ареспубликаҿ акоронавирустә инфекциа аҿагылара аҭаразы 2020 шықәса жьҭаара 20 рзы.

Иарбоу аамҭа иалагӡаны амбулатор-консультациатә цхыраара рыҭан хнызқьи быжьшәҩык инареиҳаны Аԥсны ауааԥсыра, амбулатортә дкылара рыҭан 3,3 нызқьҩык, астационартә – 450-ҩык рҟынӡа.

Иара убасгьы агоспиталь алабораториаҿ 18 000 рҟынӡа клиникатә ҭҵаара мҩаԥган, урҭ рҟынтәи 5,3 нызқь ПЦР-тест, 2 000 рентгенограмма.

Иара убас шәаԥхьар ҟалоит:

3
Атемақәа:
Аҿкычымазара – акоронавирус Аԥсни адунеи аҿи: иалкаау

Аԥсны аусура иалагараны иҟоуп атуристцәа рзы аинформациатә ресурс

5
(ирҿыцуп 11:42 09.03.2021)
Аурыс-аԥсуа проект "Хаба-Хаба" активла аԥсшьара бзиа избо атуристцәа рзы ицхыраагӡоуп.

АҞӘА, хәажәкыра 9 - Sputnik. Аԥсни Урыстәылеи ртуризм азы аинформациа-еилкааратә ресурс "Хаба-Хаба" аусура иалагалараны иҟоуп, ауснагӡатәқәа хыркәшоуп ҳәа арадио Sputnik иазеиҭеиҳәеит афонд "Ишьхатәылоу Аԥсны" анапхгаҩы Ҭенгиз Ҭарба.

Аресурс аԥҵареи арҿиареи рнапы алакын иактиву атуризм аусхк аганахьала аус зуа урыстәылатәи аҟазауаа, Ҭенгиз Ҭарба дрылахәны.

"Шьаҿа-шьаҿала активла атуризм мҩаԥызго ауаа рзы иманшәалоу ахархәагақәа аԥаҳҵоит. Ҳсаит иҭалан ицарц ахьырҭаху аԥшааразы алшара рымазаауеит. Уи азы иахәҭоу аинформациа рыҭахоит. Ирыҭахоит абжьгарақәа аныҟәара шымҩаԥыргашазы. Иара убасгьы, асаит аҿы иаархәар ҟалоит ирҭаххаша амаҭәа ҷыда", - иҳәеит иара.

Ҭарба иҳәеит "Хаба-Хаба" – иуникалу проектны ишыҟоу, атәылақәа жәпакы рҿы зеиԥш уԥымло шакәу.

Ҭарба иажәақәа рыла, апроект актәи ахәҭа ишаҵанакуа Урыстәылеиԥш Аԥсынгьы иактиву атуризм азы иахәҭаны иҟоу амаҭәа ҷыда ахьааухәаша аинтернет-дәқьан аартра. Аплатформа аамҭа-аамҭала ихарҭәаалахоит арҭ атәылақәа рҭыԥ ԥшӡарақәа рыӡбахә зҳәо аинформациала, хаҭала амаршрутқәа ирзааҭгыланы.

"Ари аурыс-аԥсуа проект авторцәа сыруаӡәкуп. Актәи аетап аан Аԥсны иазку аинформациа иаҳа еиҳауп. Нас –Алтаи, Камчатка уҳәа Урыстәыла егьырҭ арегионқәа ирылацәажәахоит", -  иҳәеит Ҭарба.

"Хаба-Хаба" иахәҭа ҷыданы иҟалоит аныҟәараан ашәарҭадара азхьаԥшразы аинформациа.

Афонд "Ишьхатәылоу Аԥсны" анапхгаҩы иҳәеит апроект ахьӡ –"Хаба-Хаба" иаанаго, Суахили абызшәаҟынтә уи "шьаҿа-шьаҿала" ма "маҷ-маҷла" ауп. Ари апроект аҵакы аанарԥшуеит.

Иара убас шәаԥхьар ҟалоит:

5