Хә-миллиард мааҭ еиҳаны 2020 шықәсазы ахатәхаҿқәа Аԥснынтәи ииаргеит

22
Бжьаратәла ахатәхаҿқәа Аԥснынтә аҳәаанырцәҟа ииаргон 26 000 мааҭ, 2020 шықәсазы ииаргоз 21,9 нызқьмааҭ артәеит.

АҞӘА, жәабран 24 - Sputnik. Хә-миллиард мааҭ еиҳаны ахатәхаҿқәа Аԥснынтәи ииаргеит 2020 шықәсазы аҳәаанырцә ааигәеи аҳәаанырцә хареи рахь аԥараиагаратә системақәа - "Contact", "Золотая Корона", "Юнистрим" ала ҳәа аанацҳауеит Аԥсны Абанк асаит.

Арҭ арбагақәа 0,6% рыла еиҵоуп 2019 шықәсазы аасҭа.

Урыстәылаҟа ииаган 4 миллиардки 352 миллион мааҭи, ма 80,0% ииагаз зегь рахьынтәи.

Абжьаратә Азиаҟа ииаган 2020 шықәсазы 596,8 миллион мааҭ. Ари ииагаз аҟынтә 11,0% ҟалоит: Узбекисҭан – 450,7 миллион (8,3%), Таџьикисҭан – 141,3 миллион (2,6%).

Ҭырқәтәылаҟа ииагоу аԥара 2020 шықәсазы иартәеит 358,4 миллион мааҭ, ма 4,6%.

Убри аан 2020 Аԥсныҟа ахатәхаҿқәа ииаргеит аԥхьаӡамҭақәа аамыртыкәа 932,3 миллион мааҭ. 2019 шықәса иаҿырԥшны 1,2% рыла еиҳахеит.

Урыстәылантәи Аԥсныҟа иаашьҭын 856,1 миллион мааҭ, ма 91,8% аашьҭымҭақәа зегь рҟынтәи, ИАР атәылақәа рҟынтәи - 41,0 миллион мааҭ ма 4,4%.

Аиҳарак ахатәхаҿқәа рхы иадырхәоит аԥараиагаратә система "Contact" (80,0%) Аԥснынтә аԥараиагараан.

Аԥсныҟа аԥараиагараан ахархәара еиҳа иарҭоит асистема "Золотая Корона".

Иара убас шәаԥхьар ҟалоит:

22
Студенты на лекции

Аԥсуа-абаза диаспора рхаҭарнакцәа СПААУ хәыда-ԥсада иҭалар ҟалоит

0
(ирҿыцуп 10:17 18.04.2021)
Адунеизегьтәи аԥсуа-абаза конгресс ацхыраара ҟанаҵоит адиаспора рхаҭарнакцәа Санкт-Петербургтәи аҳәынҭқарратә абнанхамҩатә университет (СПААУ) хәыда-ԥсада иҭаларазы.

АҞӘА, мшаԥы 18 - Sputnik. Аԥсуа-абаза диаспора рхаҭарнакцәа Санкт-Петербургтәи аҳәынҭқарратә абнанхамҩатә университет хәыда-ԥсада иҭалар ҟалоит. Абри атәы аанацҳауеит аконгресс асаит.

Ари аҩыза алшара ҟалеит Адунеизегьтәи аԥсуа-абаза конгресси ауниверситети абҵарамза, 2020 шықәсазы ирыбжьарҵаз аиқәшаҳаҭра иабзоураны.

Иазгәаҭоуп, аҵараиурҭа иҭаларц зҭаху рзы ашәҟәқәа рыдкылара шхацыркыз хәажәкыра 1 инаркны. Абиуџьет ҭыԥқәа рахь иҭало рышәҟәқәа аларҵароуп ԥхынгәы 20-нӡа, латәарадатәи аҟәшахьы – нанҳәа 11-нӡа, амагистратурахь – нанҳәа 6-нӡа.

Арзаҳал азы абитуриентцәа абарҭ ашәҟәқәа еиқәыршәаны ирымазароуп: атәылауаҩшәҟәы ахкьыԥхьаа, аттестат (ахкьыԥхьаа ма аоригинал), 3×4 см иҟоу афотосахьақәа фба, аԥсуа-абаза жәлар дшырхаҭарнаку зыршаҳаҭуа аилыркаа, ма урыстәылатәи атәылауаҩра. Ашәҟәқәа рынашьҭра ауеит  ауниверситет асаит ахь.

Санкт-Петербургтәи аҳәынҭқарратә абнанхамҩатә университет адкыларатә комиссиа аиҳабы Елена Богатова лажәақәа рыла, аԥышәарақәа мҩаԥгахоит ҩ-форматк рыла: адистанциатә ма хаҭала.

Санкт-Петербургтәи аҳәынҭқарратә абнанхамҩатә университети Адунеизегьтәи аԥсуа-абаза конгресси ауниверситети аиқәшаҳаҭра рыбжьарҵеит абҵарамзазы. 

СПААУ иҭаларц зҭаху Аԥснытәи, Ҭырқәтәылатәи абитуреинтцәа инарҭбаау аинформациазы иадҵаалар рылшоит Санкт-Петербург иҟоу АААК аофис, абри аелектронтә ҭыӡҭыԥ ала: info.spb@abaza.org, ма абри аҭел +7 812 514 88 55 ала.

0

Џьопуа аҭоурых –культуратә баҟақәа ааха рызҭаз рзы: ҳақәгәыӷуеит рыхдырра аҽаԥсахып ҳәа

9
(ирҿыцуп 09:34 18.04.2021)
Абаҟақәеи аҭоурыхтә ҭыԥқәеи реиқәырхара Жәларбжьаратәи амш азгәарҭоит мшаԥы 18 рзы. Ари азҵаара ҳтәылаҿы актуалра ахьынӡамоу атәы далацәажәеит арадио Sputnik аефир аҟны Аԥсны акультура аминистрра аҭоурых-культуратә ҭынха ахьчаразы адепартамент аспециалист Инал Џьопуа.
Ҳазлацәажәаша ҳамоуп: Џьопуа Аԥсны аҭоурых –культуратә ҭынха ахьчара иазкны

Аҭоурыхтә баҟақәа Иаку аҭоурых-культуратә ҭынха аобиектқәа рсиа Аԥсны ирыдыркылеит 2015 шықәса ԥхынҷкәынмзазы. Уи аамҭазы уи ианылеит 1535 обиект. Ашьҭахь еиҿкааз аинветаризациа апрограммала даҽа 700 обиект алԥшаан. Хадаратәла урҭ архитектуратә баҟақәа ракәын. Дара аҳәынҭқарра иахьчоит азакәан инақәыршәаны, ҳәа азгәеиҭеит Аԥсны акультура аминистрра аҭоурых-культуратә ҭынха ахьчаразы адепартамент аспециалист Инал Џьопуа.

Иара убас шәаԥхьар ҟалоит:

9